3/28/2024
Today from Hiiraan Online:  _
Wararka Maanta- Khamiis, Sept 23, 2021
Jeneral Dollaal "2 sannaddood oo aan sharci ahayn ayaa laygu xukumay"
 

Khamiis, September, 23, 2021 (HOL) - Jeneral Jaamac Maxamuud Aadan (Dollaal), oo hore uga tirsaa millitariga Somaliland, isla markaana 11 April ee 2021, Maxkamada Millitariga Somaliland ku riday 2 sano oo xadhiga ah, kadib markii lagu eedeeyay danbi ah in uu qorshaynayay falal ka dhan ah qaranimada Somaliland, ayaa sheegay in xadhigiisu uu sharci daro ahaa.

Dollaal ayaa ku andacooday in Maxkamada Millitariga Somaliland, ay ku wayday dhamaan danbiyadii lagu soo eedeeyay, intaa kadibna madaxweyne Biixi iyo taliyaha millaterigu ay xaakinka ku amreen in uu u diro 2 sano oo xadhiga, sidaana lagu xidhay.

"Qaran dumis ayaa lagugu soo eedeeyay ayaa la yidhi, markhaatiyaal ayaa lasoo taagay, guddoomiyihii maxkamada ee i xukumayay wuxuu yidhi ninka kiiskii waa lagu waayay, qaran dumis buu ahaa kiiska waanu laalay, waanu ku waynay, ka bacdi waxa lala soo hadlay guddoomiyihii oola yidhi hadii anad xukumin oo aanu xukun kaga soo bixin meeshaa, madaxweynaha iyo jananku markay lasoo hadleen, 2 sanadood oo aan ahayn sharci ayaa laygu xukumay"  ayuu yidhi Dollaal.

Xukunka Maxkamada Milliteriga, ayaa yimid, kadib markii la sheegay in lagu helay danbi ah in uu xidhiidh la sameeyay dad aanay maxkamadu faahfaahin, oo ku sugan maalagada Muqdisho. Madaxweyne Biixi ayaa 6 bishii May Dollaal cafis u fidiyay kadib markii uu xidhnaa 25 cisho oo kaliya.

Markii Jeneraalka lasii daayay, ayaa waxa baraha bulshada ku baahay codad qof aad ugu cod eg Dollaal iyo qofkale oo sheegay in uu Muqdisho joogay is waydaarsadeen, oo ay kaga hadlayaan heshiisyo sir ah oo ay wada galayaan, codadkan oo HOL, anay si madaxbannaan u xaqiijin karin ayay dadka qaarkood ku andacoodeen in uu yahay Dollaal.

Qaar kamid ah dadwaynaha baraha bulshada isticmaala ayaa sheegay in codadkaasi ay sababeen in xabsiga la dhigo Dollaal, inkasta oo uu isagu sheegay in maxkamadu ay xaqiijin kari wayday codad sir ah oo xeer ilaalintu ku eedaysay in uu yahay isaga oo xidhiidh la samaynaya dad Muqdisho jooga.



Abdilahi Abdirahman Mohamed, Hiiraan Online
[email protected]












Click here
9/23/2021 1:22 PM EST
Khamiis, September, 23, 2021 (HOL) - Wasiirka Qorsheynta, Maal-gashiga iyo Horumarinta dhaqaalaha Dawladda Federaalka Soomaaliya Mudane Jamaal Maxamed Xasan ayaa socdaal toddobaad qaadanaya Khamiista maanta ku gaaray Puntland , isagoo galinkii hore ka deggay garoonka diyaaradaha magaalada Garoowe.

9/23/2021 11:23 AM EST
Khamiis, September, 23, 2021 (HOL) - Gaadiidley ka careysan Canshuur kordhin ay ku sameeyeen maamulka gobolka Hiiraan ayaa goordhaw kala xiray isku socodka Gaadiidka isticmaala wadooyinka magaalada Baledweyne.

9/23/2021 9:39 AM EST
Khamiis, September, 23, 2021 (HOL) - Xaalad kacsanaan ah ayaa galabta ka jirtay xaafadda Islii, kadib markii xarun ganacsi oo lagu magacaabo yare Taawar oo dhawaan la dhisay looga shakisan yahay in lagu xiray qaraxyo.

9/23/2021 8:32 AM EST
Khamiis, September, 23, 2021 (HOL) - Mudo 30 sano kadib ah waxaa Xalay Tiyaatarka Qaranka Soomaaliyeed lagu soo bandhigay Filim cusub oo ay jilayeen dhalinyaro Soomaaliyeed maskaxdiisana ay laheyd gabar Soomaaliyeed.

9/23/2021 7:09 AM EST
Khamiis, September, 23, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in Soomaaliyadii Talyaanigu ay ka aqoon liidatay Somaliland, lakin midowgii kadib ay iyagu wax walba qaateen, taasina ay sababtay in Somaliland aqoon iyo horumarba laga badiyo. Waxa uu intaa ku daray in hogaan la'aani ay haysato Somaliland ta maanta.

9/23/2021 7:04 AM EST
Khamiis, September, 23, 2021 (HOL) - Ciidamada amaanka degmada Marka ee xarunta gobolka Sh/hoose ayaa sheegay iney si KMG ah u joojiyeen gaadiidka isaga kala gooshi jiray magaaloyinka Marka iyo Muqdisho.

9/23/2021 5:45 AM EST
Khamiis, September, 23, 2021 (HOL) - Ciidamo katirsan Puntland ayaa maanta is hor istaag ku sameeyya in wasiirka qorshaynta Soomaaliya, Jamaal Maxamed Xasan soo dhowayn loogu sameeyo magaalada Garowe, oo uu kasoo dagay.

9/23/2021 5:16 AM EST
Khamiis, September, 23, 2021 (HOL) - Maxkamadda ciidamada qalabka sida ee Soomaaliya ayaa maanta oo khamiis ah 15 sano ku xukuntay laba ajaanib ah oo lagu helay inay ka tirsan yihiin kooxda Al-Shabaab.

9/23/2021 2:27 AM EST
Khamiis, September, 23, 2021 (HOL) - Madaxweynaha Kenya Uhuru Kenyatta, ayaa Arbacadii shalay magaalada Doxa ee dalka Qatar u diray, Xoghihiisa Golaha Wasiirrada Kenya Dr. Fred Okengo Matiang'i, si uu farriin u gaarsiiyo amiirka Doxa Sheikh Khalid Bin Khalifa Bin Abdulaziz Al Thani.

9/23/2021 2:07 AM EST
Khamiis, September, 23, 2021 (HOL) - Madaxda golaha wadatashiga qaran ayaa kulan ku yeeshay aalada fogaan arraga Zoomka, waxaana kulanka shir guddoominaayay Raysal wasaaraha Xukuumadda Fedaraalka Soomaaliya.