12/8/2022
Today from Hiiraan Online:  _
Wararka Maanta- Khamiis, Sept 23, 2021
Faysal Cali Waraabe" Soomaaliya markaynu isku biirnay inaga wadnay"
 

Khamiis, September, 23, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in Soomaaliyadii Talyaanigu ay ka aqoon liidatay Somaliland, lakin midowgii kadib ay iyagu wax walba qaateen, taasina ay sababtay in Somaliland aqoon iyo horumarba laga badiyo. Waxa uu intaa ku daray in hogaan la'aani ay haysato Somaliland ta maanta.

"Soomaaliya markaynu isku darsanay inaga wadnay, waynu ka aqoon badnayd, maanta way inaga aqoon badanyihiin, waxa weeyi dee dowladnimadii bay qaateen, inagu waxaynu noqonay tuulooyin laga guuray" alxamdulilaahi Rabi Caalamiin maanta waynu soo ceshanay, intaaso jaamacadood baynu leenahay" ayuu yidhi Faysal.

Faysal ayaa ku andacooday in umada Somaliland ay tahay, umad wanaagsan, lakiin ay ku yar yihiin dadka leh awooda hogaamineed, isagoo sheegay in Somaliland uu dhidibada u taagay madaxweyne Cigaal, lakinse aan ilaa hada lahayn qofkii badali lahaa.

"Waxaynu nahay umad wanaagsan lakin waxa inagu yar awooda hogaamineed, maanta halkan aynu joogno waxa inaga soo gaadhsiiyay Alle mahadii Maxammed Xaaji Ibraahin Cigaal, oo ahaa halyay lamid ahaa Jamaal Cabdinaasir, ilaa hada ku xigeenkiisii mahayno" ayuu yidhi Faysal.

Guddoomiye Faysal ayaa sheegay in uu markii afraad isku diyaarinayo in uu u ordo madaxnimo, isagoo sheegay in uu  wax badan badali doono hadii la doorto.

Abdilahi Abdirahman Mohamed, Hiiraan Online
[email protected]












Click here
9/23/2021 1:22 PM EST
Khamiis, September, 23, 2021 (HOL) - Wasiirka Qorsheynta, Maal-gashiga iyo Horumarinta dhaqaalaha Dawladda Federaalka Soomaaliya Mudane Jamaal Maxamed Xasan ayaa socdaal toddobaad qaadanaya Khamiista maanta ku gaaray Puntland , isagoo galinkii hore ka deggay garoonka diyaaradaha magaalada Garoowe.

9/23/2021 11:23 AM EST
Khamiis, September, 23, 2021 (HOL) - Gaadiidley ka careysan Canshuur kordhin ay ku sameeyeen maamulka gobolka Hiiraan ayaa goordhaw kala xiray isku socodka Gaadiidka isticmaala wadooyinka magaalada Baledweyne.

9/23/2021 11:04 AM EST
Khamiis, September, 23, 2021 (HOL) - Jeneral Jaamac Maxamuud Aadan (Dollaal), oo hore uga tirsaa millitariga Somaliland, isla markaana 11 April ee 2021, Maxkamada Millitariga Somaliland ku riday 2 sano oo xadhiga ah, kadib markii lagu eedeeyay danbi ah in uu qorshaynayay falal ka dhan ah qaranimada Somaliland, ayaa sheegay in xadhigiisu uu sharci daro ahaa.

9/23/2021 9:39 AM EST
Khamiis, September, 23, 2021 (HOL) - Xaalad kacsanaan ah ayaa galabta ka jirtay xaafadda Islii, kadib markii xarun ganacsi oo lagu magacaabo yare Taawar oo dhawaan la dhisay looga shakisan yahay in lagu xiray qaraxyo.

9/23/2021 8:32 AM EST
Khamiis, September, 23, 2021 (HOL) - Mudo 30 sano kadib ah waxaa Xalay Tiyaatarka Qaranka Soomaaliyeed lagu soo bandhigay Filim cusub oo ay jilayeen dhalinyaro Soomaaliyeed maskaxdiisana ay laheyd gabar Soomaaliyeed.

9/23/2021 7:04 AM EST
Khamiis, September, 23, 2021 (HOL) - Ciidamada amaanka degmada Marka ee xarunta gobolka Sh/hoose ayaa sheegay iney si KMG ah u joojiyeen gaadiidka isaga kala gooshi jiray magaaloyinka Marka iyo Muqdisho.

9/23/2021 5:45 AM EST
Khamiis, September, 23, 2021 (HOL) - Ciidamo katirsan Puntland ayaa maanta is hor istaag ku sameeyya in wasiirka qorshaynta Soomaaliya, Jamaal Maxamed Xasan soo dhowayn loogu sameeyo magaalada Garowe, oo uu kasoo dagay.

9/23/2021 5:16 AM EST
Khamiis, September, 23, 2021 (HOL) - Maxkamadda ciidamada qalabka sida ee Soomaaliya ayaa maanta oo khamiis ah 15 sano ku xukuntay laba ajaanib ah oo lagu helay inay ka tirsan yihiin kooxda Al-Shabaab.

9/23/2021 2:27 AM EST
Khamiis, September, 23, 2021 (HOL) - Madaxweynaha Kenya Uhuru Kenyatta, ayaa Arbacadii shalay magaalada Doxa ee dalka Qatar u diray, Xoghihiisa Golaha Wasiirrada Kenya Dr. Fred Okengo Matiang'i, si uu farriin u gaarsiiyo amiirka Doxa Sheikh Khalid Bin Khalifa Bin Abdulaziz Al Thani.

9/23/2021 2:07 AM EST
Khamiis, September, 23, 2021 (HOL) - Madaxda golaha wadatashiga qaran ayaa kulan ku yeeshay aalada fogaan arraga Zoomka, waxaana kulanka shir guddoominaayay Raysal wasaaraha Xukuumadda Fedaraalka Soomaaliya.