10/6/2022
Today from Hiiraan Online:  _
Wararka Maanta- Khamiis, Sept 23, 2021
Madaxda Golaha Wadatashiga Qaran oo kulan ku wada yeeshay aalada fogaan arraga
 

Khamiis, September, 23, 2021 (HOL) - Madaxda golaha wadatashiga qaran ayaa kulan ku yeeshay aalada fogaan arraga Zoomka, waxaana kulanka shir guddoominaayay Raysal wasaaraha Xukuumadda Fedaraalka Soomaaliya.

Kulankan madaxda ku wada yeesheen qadka Internetka ayaa waxa ay kaga wadahadleen dardar gelinta arrimaha doorashooyinka Golaha Shacabka Baarlamaanka Soomaaliyeed iyada oo la tixraacayo jadwalkii doorashooyinka ee lasoo saaray.

Waxaa qeyb ka ahaa kulanka madaxda wadatashiga qaran guddoomiyaha guddiga maamulka doorashooyinka heer Fedaraal kaasoo warbixin kasiiyay madaxda halka ay marayaan howlaha doorashooyinka dalka.

Wararka laga helayo kulankan Xalay golaha wadatashiga qaran ku dhexmaray fogaan arraga Zoom-ka ayaa sheegaya in golaha la sheegay iney ku balameen iney isugu yimaadaan kulan fool ka fool ah walow aanan warbaahinta lala wadaagin waqtiga loo balamay kulankaasi iyo meesha uu ka dhacayo.

Waa kulankii ugu horeeyay oo ay wada yeeshaan madaxda maamul goboleedyada dalka iyo Raysal wasaare Rooble tan iyo markii uu soo ifbaxay khilaaf xoogan oo u dhaxeeya madaxweyne Farmaajo iyo Raysal wasaare Rooble.

Jamaal Cali Cabdi, Hiiraan Online
[email protected]












Click here
9/23/2021 1:22 PM EST
Khamiis, September, 23, 2021 (HOL) - Wasiirka Qorsheynta, Maal-gashiga iyo Horumarinta dhaqaalaha Dawladda Federaalka Soomaaliya Mudane Jamaal Maxamed Xasan ayaa socdaal toddobaad qaadanaya Khamiista maanta ku gaaray Puntland , isagoo galinkii hore ka deggay garoonka diyaaradaha magaalada Garoowe.

9/23/2021 11:23 AM EST
Khamiis, September, 23, 2021 (HOL) - Gaadiidley ka careysan Canshuur kordhin ay ku sameeyeen maamulka gobolka Hiiraan ayaa goordhaw kala xiray isku socodka Gaadiidka isticmaala wadooyinka magaalada Baledweyne.

9/23/2021 11:04 AM EST
Khamiis, September, 23, 2021 (HOL) - Jeneral Jaamac Maxamuud Aadan (Dollaal), oo hore uga tirsaa millitariga Somaliland, isla markaana 11 April ee 2021, Maxkamada Millitariga Somaliland ku riday 2 sano oo xadhiga ah, kadib markii lagu eedeeyay danbi ah in uu qorshaynayay falal ka dhan ah qaranimada Somaliland, ayaa sheegay in xadhigiisu uu sharci daro ahaa.

9/23/2021 9:39 AM EST
Khamiis, September, 23, 2021 (HOL) - Xaalad kacsanaan ah ayaa galabta ka jirtay xaafadda Islii, kadib markii xarun ganacsi oo lagu magacaabo yare Taawar oo dhawaan la dhisay looga shakisan yahay in lagu xiray qaraxyo.

9/23/2021 8:32 AM EST
Khamiis, September, 23, 2021 (HOL) - Mudo 30 sano kadib ah waxaa Xalay Tiyaatarka Qaranka Soomaaliyeed lagu soo bandhigay Filim cusub oo ay jilayeen dhalinyaro Soomaaliyeed maskaxdiisana ay laheyd gabar Soomaaliyeed.

9/23/2021 7:09 AM EST
Khamiis, September, 23, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in Soomaaliyadii Talyaanigu ay ka aqoon liidatay Somaliland, lakin midowgii kadib ay iyagu wax walba qaateen, taasina ay sababtay in Somaliland aqoon iyo horumarba laga badiyo. Waxa uu intaa ku daray in hogaan la'aani ay haysato Somaliland ta maanta.

9/23/2021 7:04 AM EST
Khamiis, September, 23, 2021 (HOL) - Ciidamada amaanka degmada Marka ee xarunta gobolka Sh/hoose ayaa sheegay iney si KMG ah u joojiyeen gaadiidka isaga kala gooshi jiray magaaloyinka Marka iyo Muqdisho.

9/23/2021 5:45 AM EST
Khamiis, September, 23, 2021 (HOL) - Ciidamo katirsan Puntland ayaa maanta is hor istaag ku sameeyya in wasiirka qorshaynta Soomaaliya, Jamaal Maxamed Xasan soo dhowayn loogu sameeyo magaalada Garowe, oo uu kasoo dagay.

9/23/2021 5:16 AM EST
Khamiis, September, 23, 2021 (HOL) - Maxkamadda ciidamada qalabka sida ee Soomaaliya ayaa maanta oo khamiis ah 15 sano ku xukuntay laba ajaanib ah oo lagu helay inay ka tirsan yihiin kooxda Al-Shabaab.

9/23/2021 2:27 AM EST
Khamiis, September, 23, 2021 (HOL) - Madaxweynaha Kenya Uhuru Kenyatta, ayaa Arbacadii shalay magaalada Doxa ee dalka Qatar u diray, Xoghihiisa Golaha Wasiirrada Kenya Dr. Fred Okengo Matiang'i, si uu farriin u gaarsiiyo amiirka Doxa Sheikh Khalid Bin Khalifa Bin Abdulaziz Al Thani.