12/5/2021
Today from Hiiraan Online:  _
Wararka Maanta- Talaado, Sept 14, 2021
Raysal wasaaraha Soomaaliya oo kulan la qaatay Midowga Musharaxiinta Madaxweynaha
 

Talaado, September, 14, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa maanta kulan kula qaatay magaalada Muqdisho Xubno ka tirsan Midowga Musharaxiinta Madaxweynaha Soomaaliya.

Kulanka dhexmaray Rooble iyo masuuliyiinta ka socotay Midowga Musharaxiinta ayaa waxaa looga hadlay arrimo badan oo ku saabsan xaalada siyaasadeed ee dalka, dardar gelinta arrimaha doorashooyinka iyo waliba Kiiska Ikraan Tahliil sidii cadaalada loo waafajin lahaa.

Dhinaca Midowga Musharaxiinta waxaa kulanka fadhiyay Madaxweynayaashii hore Shariif Sheekh Axmed, Xasan Sheekh Maxamuud, Siyaasi C/raxmaan C/shakuur, C/qaadir Cosoble, Ridwaan Xirsi Maxamed iyo wasiir ku xigeenka wasaaradda Warfaafinta Soomaaliya.

Waxaa sidoo kale kulanka labada dhinac uga wada hadleen sidii xal loogu heli lahaa khilaafka daba dheeraaday ee ka dhaxeeya madaxweyne Farmaajo iyo raysal wasaare Rooble.

“Waxaan maanta kulan mira dhal ah la yeelannay Raysalwasaare Rooble. Waxaan ka wada hadalnay sidii uu kiiska Ikraan Tahliil ku heli lahaa caddaalad, looguna simo hay’adaha garsoorka, in dardar la geliyo arrimaha doorashooyinka iyo la qaboojiyo xasaradda” ayuu yiri Musharax Madaxweyne Cabdiraxmaan C/shakuur Warsame.

Kulankaan maanta dhexmaray Raysal wasaare Rooble iyo Midowga Musharaxiinta ayaa waxa uu imaanaya iyada oo weli taagan tahay khilaafka u dhexeeya Farmaajo iyo Rooble, islamarkaana la isku dayay dadaalo lagu xalinayo khilaafkooda, kaaso natiijo la'aan kusoo dhamaaday.

Jamaal Cali Cabdi, Hiiraan Online
[email protected]












Click here
9/14/2021 3:25 PM EST
Talaado, September, 14, 2021 (HOL) - Wajigii koowaad ee doorashada xildhibaanada aqalka sare ku matalaya maamulka Hirshabeelle, ayaa lasoo gabagabeeyay, iyadoo caawa la doortay saddexdii senator ee ugu horreeyay.

9/14/2021 2:36 PM EST
Talaado, September, 14, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa war uu caawa soo saaray kaga digay isku day kasta oo lagu marin habaabinayo Kiiska Ikraan Tahliil.

9/14/2021 1:56 PM EST
Talaado, September, 14, 2021 (HOL) - Waxaa goordhaw magaalada Jowhar lagu soo gabagabeeyay doorashada kursigii ugu horeeyay ee kuraasta Aqalka sare ee deegaan doorashadiisu tahay Hirshabeelle.

9/14/2021 12:52 PM EST
Talaado, September, 14, 2021 (HOL) - Qaraxaan oo jugtiisa laga maqlay degmooyin ka tirsan gobolka Banaadir ayaa ka dhacay degmada Wadajir ee magaalada Muqdisho.

9/14/2021 9:48 AM EST
Talaado, September, 14, 2021 (HOL) - Iyadoo saacadahii lasoo dhaafay baraha bulshada si aad ah u dhex wareegaayay qoraalo lagu sheegayo inuu xanuunsan yahay madaxweynaha dalka Jabuuti Ismaaciil Cumar Geelle ayaa waxaa wararkaasi goordhaw beenisay dowlada Jabuuti.

9/14/2021 7:48 AM EST
Talaado, September, 14, 2021 (HOL) - Maryan Cabdi Xuseen oo ah haweenay kasoo jeeda Soomaaliya ayaa taariikh cusub sameysay, kadib markii ay noqotay qofkii ugu horreeyay oo Soomaali ah oo ka mid noqda baarlamaanka dalka Norway.

9/14/2021 7:06 AM EST
Talaado, September, 14, 2021 (HOL) - Isutaga Bulshada Rayidka Soomaliyeed ayaa waxay sheegeen in ay aad uga xunyihiin isafgarad la’aanta madaxda dalka ee la xiriirta khilaafka awoodaha sharciga dawladadeed ee soo kala dhexgalay madaxweynaha iyo raysal wasaaraha.

9/14/2021 3:04 AM EST
Talaado, September, 14, 2021 (HOL) - laba xildhibaan oo ka tirsan baarlamaanka Kenya ayaa Isniintii ku hanjabay inay tallaabo ka qaadi doonaan Xoghayaha Golaha Wasiirrada Arrimaha Gudaha (CS) Dr. Fred Matiang'i iyo taliyaha Guud ee Booliiska Hillary Mutyambai haddii aysan si cad u sharraxin afduubka loo geystay Aqoonyahan Cabdiwahaab Sheekh Cabdisamad.

9/14/2021 2:57 AM EST
Talaado, September, 14, 2021 (HOL) - Dowladda Maraykanka ayaa sheegtay in hanjabaadaha argigixiso ee ka imaanaya wadamada Soomaaliya, Yemen, Suuriya iyo Ciraaq gaar ahaan ISIS- ay ka khatar badan yihiin kuwa laga yaabo inay ka soo baxaan dalka Afgaanistaan.

9/14/2021 1:53 AM EST
Talaado, September, 14, 2021 (HOL) - Hooyada dhashay Ikraan Tahliil ayaa ku gacan seyrtay guddi baaritaan oo uu xalay u magacaabay madaxweyne Farmaajo kiiska Marxuumad Ikraan Tahliil ee horay khilaafka culus uga dhex abuuray Farmaajo iyo Rooble.

9/14/2021 1:19 AM EST
Talaado, September, 14, 2021 (HOL) - Waxaa goordhaw lagu wadaa maanta oo talaado in si rasmi ah magaalada Jowhar ay uga bilaabato doorashada Xildhibaanada Aqalka sare Baarlamaanka Soomaaliya ku matalaya dowlad goboleedka Hirshabeelle.