3/28/2024
Today from Hiiraan Online:  _
Wararka Maanta- Isniin, Oct 4 , 2021
Hirshabeelle oo maanta Jowhar kusoo gabagabeeysay doorashada kuraasta Aqalka sare ee Baarlamaanka Soomaaliya
 

Isniin, October, 4, 2021 (HOL) - Waxaa goordhaw magaalada Jowhar ee xarunta gobolka Sh/dhexe lagu soo gabagabeeyay doorashada laba kursi oo ka harsaneyd sideeda kursi ee kuraasta Aqalka sare Senatarada ku matalaya Hirshabeelle Baarlamaanka Fedaraalka Soomaaliya.

Kursiga koowaad ee doorashada maanta ka dhacday Jowhar waxaa ku wada tartamay musharaxiinta kala ahaa Cali Shacbaan Ibraahin, Cabdiqaadir Xanafi Sheekh Bashiir iyo Cabdalla Cabdi Xuseen waxaana wareega labaad usoo gudbay musharaxiinta kala ah Cali Shacbaan Ibraahin iyo Cabdiqaadir Xanafi, waxaana wareegii labaad ee doorashada ku guuleystay Cali Shacbaan oo helay 62 cod, halka Xanafi uu ka helay 24 cod.

Kursiga labaad ee doorashada maanta dhacday oo ahaa kursiga ugu dambeeyay kuraasta Aqalka sare ee Hirshabeelle ee ka kooban sideeda waxaa ku wada tartamay laba haween ah oo kala ahaa Naciimo Ibraahin iyo Samsam Cabdullaahi, waxaa ku guuleystay doorashada Samsam Cabdullaahi oo heshay 77 cod, halka Naciimo Ibraahin ay ka heshay 8 cod kaliya waxaana xusid mudan in Naciimo Ibraahin ay aheyd Setanaradii ku fadhisay kursiga maanta looga guuleystay afartii sano ee lasoo dhaafay.

Kursiga ay ku guuleysatey maanta samsam Cabdullaahi ayaa waxaa horay isugu soo sharaxay inay wax ka tartamayaan labo musharax oo rag ah kuwaasoo cadaadis xoogan oo madaxda Hirshabeelle uga yimid kadib isaga tanaasuleen tartanka kursigan.

Doorashada labadaan kursi ayaa ka dhigtay in Hirshabeelle ay dhameystirtay dhamaan sideedii kursi ee Senatarada maamulka Hirshabeelle ku matalaya Baarlamaanka Fedaraalka Soomaaliya.

Jamaal Cali Cabdi, Hiiraan Online
[email protected]












Click here
10/4/2021 3:46 PM EST
Isniin, October, 4, 2021 (HOL) - Adeegyada baraha bulshada ee Facebook, WhatsApp iyo Instagram ayaa muddo saacado ah hawada ka maqan, kadib markii ay cilado soo wajaheen.

10/4/2021 12:39 PM EST
Isniin, October, 4, 2021 (HOL) - Madaxweynaha Koonfur Galbeed, Cabdi Casiis Lafta-gareen, ayaa u magacaabay guddi ku meel-gaar ah muwaadiniinta Soomaaliyeed ee ka soo jeeda Koonfur –galbeed, kuwaas oo si sharci -darro ah iyo xoog ah ee Somaliland ugasoo saartay magaalada Laascaanood.

10/4/2021 9:48 AM EST
Isniin, October, 4, 2021 (HOL) - Saraakiisha ugu saraysa ciidamada Somaliland oo warbaahinta kula hadlay magaalada Laascaanood, ayaa sheegay in howgalka lagu masaafurinayo dadka kasoo jeeda maamulka Koonfur Galbeed ee Soomaaliya, uu yahay howlgal lagu sugayo amniga magaalada Laascaanood.

10/4/2021 8:11 AM EST
Isniin, October, 4, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa ka horyimid habka ay xukuumada Somaliland u tarxiishay dadka kasoo jeeda maamulka Koonfur Galbeed ee Soomaaliya, ee ku dhaqnaa magaalada Laascaanood.

10/4/2021 7:54 AM EST
Axad, October, 3, 2021 (HOL) - Qaar kamid ah odayaasha degmada Laascaanood, oo warbaahinta la hadlayay ayaa sheegay in aan lagala tashan masaafurinta dadka reer Koonfur Galbeed, isla markaana, anay ku qanacsanayn habka loo maamulay tarxiilka bulshadaa.

10/4/2021 7:10 AM EST
Isniin, October, 4, 2021 (HOL) - Raysal wasaaraha Xukuumadda Fedaraalka Soomaaliya Maxamed iyo Wafdi uu hogaaminaayo ayaa goordhaw u duulay magaalada Doha ee dalka Qatar, kadib casuumaad rasmi ah oo uu ka helay Raysal wasaaaraha Amiirka dalka Qatar Sheekh Tamim Bin Xamad Al Thani.

10/4/2021 5:55 AM EST
Isniin, October, 4, 2021 (HOL) - Madaxweyne Farmaajo iyo wafdi uu hoggaaminayo ayaa gaaray magaalada Addis Ababa oo ay uga qeyb geli doonaan caleemasaarka dhismaha Xukuumadda cusub ee Jamhuuriyadda Federaalka Itoobiya.

10/4/2021 5:51 AM EST
Isniin, October, 4, 2021 (HOL) - Wasiirka haweenka iyo xuquuqul insaanka dowladda federalka Soomaaliya, Xaniifa Xaabsade, ayaa magaalada Muqdisho ku daahfurtay olole loogu magac daray 'GACALO GABADHEYDAAY' oo ah wacyi galin loogu talo galay joojinta gudniinka gabdhaha.

10/4/2021 3:00 AM EST
Isniin, October, 4, 2021 (HOL) - Puntland ayaa dib u dajin kumeel gaar ah u sameysay boqolaal qoys oo ay Soomaliland kasoo tarxiishay magaalada Laascaanood ee gobolka Sool.

10/4/2021 2:03 AM EST
Isniin, October, 4, 2021 (HOL) - Waxaa maanta lagu wadaa in lagu soo gabagabeeyo doorashada kuraasta Aqalka sare ee Baarlamaanka Fedaraalka Soomaaliya Senatarada ku matalaya Hirshabeelle oo labadii kursi ee ugu dambeysay sideeda kursi ee Hirshabeelle doorashadooda maanta dhici doonto magaalada Jowhar.

10/4/2021 1:32 AM EST
Isniin, October, 4, 2021 (HOL) - Madaxaweynaha Soomaaliya Maxamed Cabdullaahi Farmaajo iyo wafdi uu hoggaaminaayo ayaa goordhaw u duulay magaalada Adis Ababa ee dalka Itoobiya.