3/29/2024
Today from Hiiraan Online:  _
Wararka Maanta- Axad, Oct 3 , 2021
Puntland oo wax laga xumaado ku tilmaamay tarxiilka Somaliland kula kacday dadka kasoo jeeda koonfur galbeed
 

Axad, October, 3, 2021 (HOL) - Guddoomiyaha gobolka Mudug ee Puntland, Cabdiladiif Muuse Nuur ayaa wax laga xumaado ku tilmamay tarxiil Soomaliland  kula kacday boqolaal katirsan shacabka kasoo jeeda gobolada Baay iyo Bakool ee ku noolaa magaalada Laascaanood.

Guddoomiyaha ayaa ku eedeeyay Somaliland in ay qaaday tallaabo aad u fool xun oo ceeb ku ah Soomaalinimada iyo ixtiraamka karaamada bini’aadamka, wuxuuna sheegay ka Puntland ahaan in ay ka xun yihiin.

Sanyare wuxuu sheegay in haddiiba Somaliland ay deegaannadeeda ka saarayso bulshadaas, looga baahnaa in ay siiso waqti ku filan oo ay ugu diyaar garoobaan sidii ay hantidooda u raran lahaayeen.

“In dad Soomaaliyeed laga tarxiilo dhul Soomaaliyeed, weliba iyagoo aan diyaar garoobin la daabulo, waa arrin aad u fool xun,” ayuu yiri guddoomiye Sanyare.

“Qofka ka yimid Shabeellada hoose oo beeruhu isa-saaran yihiin, waxa Laascaanood geeyay waad garantaa. Baahi iyo daruuf ayaa geysay. Daruufta qof islaam ah oo marti kuu ah kuu keentay, in aad ku tacadid, wax ilaaheey agtiisa ku fiican ma ahan,” ayuu sii raaciyay sanyare.

Guddoomiyaha gobolka Mudug, ayaa sheegay dadka kasoo jeeda gobolada Baay iyo Bakool in ay yiiin dad aan dhibaato ku ahayn amniga, loon nisbayn karin in ay qeyb ka yihiin amni darrada Laascaanood ka jirta iyo dadka lagu laynayo.

“Haddii la leeyahay waa arrin amni, oo laleeyahay dadkaan waa Shabaab oo dadkeenna ayay layn jireen, taas annagaaa soo xaqiijinay. Gobolka Mudug ayaan kusoo xaqiijinay. Dadkii wax layn jiray, reer Puntland ayay ahaayeen. Hal qof oo dadkaan kasoo jeeda Koonfur galbeed oo Shabaab ah nooma xirna,” ayuu yiri guddoomiye Sanyare.

Si kastaba ha ahaatee, Puntland ayaa sheegtay in ay soo dhoweynayso boqolaalka qof ee lagasoo tarxiilay Laascaanood, waxaana qeyb kamid ah dadkaasi xalay lagusoo dhoweeyay degmooyinka Burtine iyo Buuhoodle.

Abdiweli M. Sheikh, Hiiraan Online












Click here
10/3/2021 4:46 PM EST
Axad, October, 3, 2021 (HOL) - Golaha Deegaanka ee Degmada Laascaanood, oo warbaahinta kula hadlay xafiiska golaha ee degmada, ayaa soo dhaweeyay howgalka ay xukuumada Somaliland magaalada Laascaanood kaga masaafurinayso, dadka kasoo jeeda maamulka Koonfur Galbeed ee Soomaaliya.

10/3/2021 4:10 PM EST
Axad, October, 3, 2021 (HOL) - Waxaa maanta degaanka dib ugu soo laabtay ciidankii gaarka ahaa ee dowlad degaanka Soomaalida, kuwaas oo horey degaanku ugu diray waqooyiga Itoobiya, si ay uga qayb qaataan dagaalka lagula jiro kooxda TPLF.

10/3/2021 12:39 PM EST
Axad, October, 3, 2021 (HOL) - Booliiska Somaliland ee Gobolka Sool, oo maalintii labaad wada howlgal lagu masaafurinayo, dadka kasoo jeeda maamulka Koonfur Galbeed ee Soomaaliya, ayaa Garoonka Kubada-cagta ee Laascaanood ku ururiyay dad gaadhaya 500 oo qof, sida VOA Somali ku warantay.

10/3/2021 11:57 AM EST
Axad, October, 3, 2021 (HOL) - lataliyaha gaar ka ah ee madaxweynaha Somaliland Cali Maxammed Waran-Cadde, ayaa sheegay in amni-darada iyo dilalka kusoo noq noqday magaalada Laascaanood, ay sababtay in xukuumada Somaliland tarxiisho shacabka kasoo jeeda maamulka Koonfur Galbeed Soomaaliya ee ku dhaqnaa Laascaanood.

10/3/2021 11:50 AM EST
Axad, October, 3, 2021 (HOL) - Wasiirkii hore ee waxbarashada iyo tacliinta sare Soomaaliya, Khadra bashiir Cali ayaa ku geeriyootay magaalada columbus ee dalka Maraykanka.

10/3/2021 11:20 AM EST
Axad, October, 3, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa ka hadlay talaabadii Soomaaliland ay uga soo masaafuriyeen degmada Laascaanood boqolaal shacab Soomaaliyeed ah oo ku noola magaaladaasi, kuwaas oo kasoo jeeday koonfurta Soomaaliya, gaar ahaan gobolada Baay iyo Bakool.

10/3/2021 7:47 AM EST
Axad, October, 3, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble iyo wafdi uu hogaaminaayo ayaa goordhaw gaaray magaalada Baraawe ee gobolka Sh/hoose.

10/3/2021 7:22 AM EST
Axad, October, 3, 2021 (HOL) - Prof. Mubaarik Ibraahin Aar, oo ka mid ah sharci yaqaanada ugu caansan Somaliland, ayaa sharci daro ku tilmaamay howlgalka ay xukuumada Somaliland gobolka Sool kaga masaafurinayso, dadka kasoo jeeda maamulka Koonfur Galbeed ee Soomaaliya.

10/3/2021 5:28 AM EST
Axad, October, 3, 2021 (HOL) - Diyaarad militari oo Masaari ah oo ay ku raran yihiin gargaar caafimaad iyo daawooyin ah ayaa usoo ambabaxday Soomaaliya, si ay gacan uga geystaan taageerada shacabka Soomaaliyeed.

10/3/2021 5:19 AM EST
Axad, October, 3, 2021 (HOL) - Ra’iisul wasaaraha Soomaaliya Maxamed Xuseen Rooble iyo Wafdi uu hogaaminayo ayaa maanta safar shaqo ugu Ambabaxay Magaaladda Baraawe ee gobolka Shabeellada hoose ee dowlad goboleedka Koonfur Galbeed.

10/3/2021 3:35 AM EST
Axad, October, 3, 2021 (HOL) - Dowladda Maraykanka ayaa abaal marin guddoonsiisay qaar ka mid ah askartii Ameerikaanka ee ka qeyb qaatay dagaalkii la magac baxay “Black Hawk Down” ee Muqdisho ku dhexmaray ciidamadii Jeneral Ceydiid iyo ciiddamadii Maraykanka ee Muqdisho ku sugnaa, sannadkii 1993.

10/3/2021 2:24 AM EST
Axad, October, 3, 2021 (HOL) - Macalimiinta dhigta dugsi Quraanada ku yaala degmada Guriceel ee gobolka Galgaduud ayaa goob fagaare ah ka shaaciyay iney garab taagan yihiin oo ay taageerayaan ciidamada Ahlu Sunna Waljameeca ee la wareegay gacan ku heynta degmadaasi.

10/3/2021 12:39 AM EST
Axad, October, 3, 2021 (HOL) - Iyadoo Shalay Booliiska magaalada Laascaanood ee Soomaaliland magagaaladaasi kasoo masaafuriyay dad gaaraya 700 oo ruux oo isugu jira haween, odayaal, dhalinyaro, caruur oo ay Soomaaliland ku eedeysay falalka amaan darro iyo dilalka qorsheysan ee maalmahii lasoo dhaafay ka dhacaayay magaalada Laascaanood ee gobolka Sool ayaa waxaa arintaasi si kulul uga hadashay dowladda Soomaaliya.

10/3/2021 12:37 AM EST
Axad, October, 3, 2021 (HOL) - Sanataradii dhawaan Xamar lagu doortay ee kasoo jeeday Somaliland, iyo xubnaha kale ee dowlada Soomaaliya xilalka ka haya ee Somaliland kasoo jeeda, ayaa xaflad soo dhawayn ah oo sanatarada cusub loo sameeyay ka sheegay in ay ka shaqayn doonaan danta Somaliland.