6/25/2022
Today from Hiiraan Online:  _
Wararka Maanta- Arbaco, Oct 27, 2021
Khaatumo oo ku dhawaaqday go'aan Somaliland ka dhan ah

 

Arbaco, October, 27, 2021 (HOL) - Madaxda Khaatumo ayaa shir laba cisho uga socday magaalada Buuhoodle ee gobolka Togdheer, kaga dhawaaqay in ay ka baxeen hishiiskii ay hore ula galeen xukuumada Somaliland xiligii madaxweyne Siilaanyo.

Madaxweynaha ku meel gaadh ka ah ee Khaatumo Maxamuud Cabdillaahi Cali (Caano-nuug), ayaa madasha shirka kaga dhawaaqay in ay gabi ahaanba ka baxeen heshiiskii ay hore ula galeen, xukuumada Somaliland.

"Hees baan maqlay tidhaahda intaad sacabka tumi lahayd adba noqo ka loo tumo, go'aan kayagu wuxuu yahay in aanu ka baxnay waxkasta oo aanu la galnay qolada inag xigta dhinaca waqooyiga Soomaaliya, waxad hoosta ka xariiqdaan inagu waxaynu nahay maamulka Khaatumo ee Soomaaliya, oo hoostagta dowlada federalka Soomaaliya" ayuu yidhi Caano-nuug.

Caano-nuug ayaa waraysi uu muddo 6 bilood kahor ah bixiyay ku sheegay in heshiiskii ay xukuumada Somaliland la galeen, uu ka fuli waayay xaga Somaliland.

Xukuumada madaxweyne Biixi oo laga filayay in ay fuliso heshiisyadii xukuumadii Siilaanyo hore ula gashay Khaatumo, ayaa muddo 4 sanno ah oo ay joogtay aan habo yaratee fulin wax kamid ah qodobadii lagu heshiiyay.

Abdilahi Abdirahman Mohamed, Hiiraan Online
[email protected]












Click here
10/27/2021 10:47 AM EST
Arbaco, October, 27, 2021 (HOL) - Cabdimaalik Muuse Coldoon ayaa maanta Maxkamada Gobolka Maroodijeex la hor geeyay kadib muddo 2 bilood iyo 16 cisho ah oo uu ku jiray xabsiga Madheera, waxaana la sheegay in loo akhriyay dacwadaha loo haysto, oo ay ugu horayso eedo ay soo gudbisay Jaamacada Barwaaqo.

10/27/2021 7:15 AM EST
Arbaco, October, 27, 2021 (HOL) - Raysal wasaaraha dalka Canada Justin Trudeau ayaa ku dhawaaqay golahiisa wasiirada oo ka kooban 38 wasiir oo kala bar ay dumar yihiin.

10/27/2021 6:55 AM EST
Arbaco, October, 27, 2021 (HOL) - Warbixin ay soo saartay hay’ad fadhigeedu yahay magaalada London ee dalka Ingiriiska, ayaa lagu sheegay in Soomaalida ku nool caasimadda dalka Turkiga ee Ankara ay dhawaanahan booliisku bartilmaameed ka dhigteen, taasoo ay ku sheegeen inay tahay olole lagu dhibaataynayo.

10/27/2021 3:20 AM EST
Arbaco, October, 27, 2021 (HOL) - Madaxtooyada Soomaaliya ayaa ka jawaabtay eedayn uu madaxweynaha Puntland u jeediyay madaxweyne Farmaajo, taasoo ku saabsanayd, in madaxweynaha Soomaaliya uusan ka hambalyayn doorashadii “qof iyo cod” ee ka dhacday Qardho, Eyl iyo Ufayn.

10/27/2021 2:59 AM EST
Arbaco, October, 27, 2021 (HOL) - War saxafadeed kasoo baxay Saaxiibada Beesha Caalamka ayaa waxay ku sheegeen iney ka walaacsan yihiin dagaalada ka socda degmada Guriceel ee gobolka Galgaduud.

10/27/2021 2:51 AM EST
Arbaco, October, 27, 2021 (HOL) - Abaaro daran oo dad iyo duunyaba saamaysay ayaa laga soo sheegayaa inay ka jirto qaybo kamid ah gobollada uu ka kooban yahay dowlad degaanka Soomaalidu.

10/27/2021 2:10 AM EST
Arbaco, October, 27, 2021 (HOL) - Ciidanka laanta Socdaalka ee gobolka Togdheer ee Somaliland, ayaa ku dhawaaqay in ay tarxiilayaan dadka kasoo jeeda, maamulka Koonfur-galbeed iyo deegaanada Waajid iyo Xudur ee Soomaaliya.

10/27/2021 2:08 AM EST
Arbaco, October, 27, 2021 (HOL) - Ciidamadii Ahlu Sunna Waljameeca ee afartii maalmood ee lasoo dhaafay degmada Guriceel kula dhex dagaalamaayay ciidamada dowladda iyo kuwa maamulka Galmudug ayaa aroornimadii hore ee saakay isaga baxay degmada Guriceel ee gobolka Galgaduud.