3/29/2024
Today from Hiiraan Online:  _
Wararka Maanta- Sabti, Oct 23, 2021
Wararkii ugu dambeeyay xaalada degmada Guriceel iyo taliyahii ciidanka DANAB ee Galmudug oo ku dhintay dagaalkii galabta
 

Sabti, October, 23, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in ciidamada Ahlu Sunna ay dib ula wareegeen gacan ku heynta xarumahii maanta ay kala wareegeen ciidamada dowladda iyo kuwa Galmudug.

Ciidamada Ahlu Sunna ayaa gabal dhacii maanta weerar rogaal celis ah kusoo qaaday degmada Guriceel oo duhurnimadii maanta gacantooda ka baxday.

Dagaalka rogaal celiska ah ee ciidamada Ahlu Sunna gabal dhacii maanta ku qaaday Guriceel ayaa yimid kadib markii gurmad ciidan ay heleen, kaasoo u suurta galiyay iney markale dib ula wareegaan gacan ku heynta xaruntii degmada iyo Saldhiga Booliiska degmadaasi.

Dagaalka gabal dhacii maanta ka dhacay degmada Guriceel oo ahaa mid aad u xoogan ayaa waxaa ku dhintay taliyahii ciidanka DANAB ee maamulka Galmudug Cabdiladhiif Feyle, kaasoo la sheegay inuu u geeriyooday dhaawac culus oo markii hore soo gaaray.

Khasaare kala duwan oo dhimasho iyo dhaawacba leh ayaa ka dhashay dagaalka saakay ka biloowday degmada Guriceel, kaaso kala gaaray dhinacyada dagaalka uu u dhaxeeyo iyo waliba qaar ka mid ah dadka shacabka ah ee ku sugnaa xaafadaha degmada, inkastoo aysan jirin war rasmi ah oo xaqiijinaya khasaaraha dhimasho iyo dhaawac inta uu gaarsiisan yahay.

Xaalada magaalada Guriceel ayaa Caawa ah mid aad u kacsan, waxaana gabalku uu ku dhacay daryanka hubka noocyadiisa kala duwan oo laga maqlaayo xaafadaha magaalada, waxaana lasoo sheegaya in Caawa magaalada aysan laheyn wax iftiin ah maadama adeegii Korontada la damiyay, waxaana wali la maqlayaa rasaas goos goos ah oo ka dhaceysa gudaha degmada, maadama ciidamadii dowladda ee lagala wareegay gacan ku heynta magaalada aysan ka fogeyn degmada nawaaxigeeda.

Jamaal Cali Cabdi, Hiiraan Online
[email protected]












Click here
10/23/2021 1:45 PM EST
Sabti, October, 23, 2021 (HOL) - Wararka naga soo gaaraya dowlad degaanka Soomaalida ayaa sheegaya in maanta xabsiga magaalada Jigjiga laga sii daayay, siyaasiyiin hore oo muddo ku xidhnaa magaalada Jigjiga.

10/23/2021 11:51 AM EST
Wasiirka Wasaaradda Maaliyadda Xukuumadda Federaalka Soomaaliya mudane Cabdirahman Ducaale Beyle oo maanta daah-furay Shirka Wadatashiga Miisaaniyadda Dowladda ee 2022-ka ayaa sheegay in hadii aanay Soomaaliya January 2022 ka hor an la soo gababeynin doorashada madaxtinimo ee dalka ay suurtagal tahay inay istaagaan dhamaan mashaariicda yar ee hadda ka socda dalka.

10/23/2021 9:12 AM EST
Sabti, October, 23, 2021 (HOL) - Shirkada diyaaradaha FlyDubai ee laga leeyahay dalka Imaaraatka Carabta, ayaa go'aansatay in ay joojiso duulimaadyadii todobaadkiiba 3 cisho ay ku iman jirtay magaalada Hargaysa, kadib markii xukuumada Somaliland u sheegtay in ay safaradeeda 2 cisho kusoo koobto.

10/23/2021 9:01 AM EST
Sabti, October, 23, 2021 (HOL) - Sheikh Mukhtaar Roobow Cali "Abuu Mansuur" oo xabsi guri ku jira muddo ku dhow saddex sano, ayaa bixiyay wareysigii ugu horreeyay tan iyo markii dowladda federalka xirtay 2018.

10/23/2021 7:59 AM EST
Sabti, October, 23, 2021 (HOL) - Ra’iisul Wasaaraha dowladda federalka Soomaaliya Maxamed Xuseen rooble, ayaa wareegto uu soo saaray maanta ugu magacaabay Bashiir Maxamed Jaamac (Goobbe) Wasiiru-dowlaha Wasaaradda Howlaha Guud iyo dib u dhiska.

10/23/2021 6:38 AM EST
Sabti, October, 23, 2021 (HOL) - Warar dheeraad ah ayaa kasoo baxaya dagaalo qaraar oo saakay ka bilaawday degmada Guriceel ee gobolka Galgaduud oo u dhaxeeya ciidamada dowladda iyo kuwa Galmudug oo dhinac ah iyo ciidanka Ahlu Sunna oo horay degmadaasi gacanta ugu haaysay.

10/23/2021 5:19 AM EST
Sabti, October, 23, 2021 (HOL) - Xisbiga mucaaradka Somaliland ee Waddani, ayaa soo dhaweeyay qoraal ay soo saaren qaar kamid ah waddamada reer Yurub iyo Maraykanka, oo ay ku sheegeen in xukuumada Somaliland ay doorashada madaxweynaha wakhtigeeda ku qabanayso isla markaan, ay diyaarisay kharash keeda.

10/23/2021 2:20 AM EST
Sabti, October, 23, 2021 (HOL) - Israsaaseyn muddo kooban socotay oo ku dhexmartay gudaha Suuqa weyn ee Bakaraaha ciidamo ka tirsan dowladda Soomaaliya iyo kooxo hubeysan oo la sheegay iney dhac u geysanayeen dadka shacabaka ah ayaa waxaa ku dhintay mid ka mid ah ganacsatada Soomaaliyeed.

10/23/2021 2:04 AM EST
Sabti, October, 23, 2021 (HOL) - Wararka haatan naga soo gaaraya degmada Guriceel ee gobolka galgaduud ayaa sheegaya in halkaasi goordhaw uu ka biloowday dagaal u dhaxeeya ciidamada dowlada Fedaraalka iyo kuwa maamulka Galmudug oo dhinac ah iyo ciidanka Ahlu Sunna Waljameeca.

10/23/2021 1:55 AM EST
Sabti, October, 23, 2021 (HOL) - In ka badan 100,000 oo qof ayaa ka qaxay magaalo Guriceel sababo la xiriira xiisada colaadeed ee u dhaxaysa Ahlusunna Waljamaaca iyo maamulka Galmudug, sida ay sheegtay QM.

10/23/2021 1:52 AM EST
Sabti, October, 23, 2021 (HOL) - Waxaa kasoo dhex muuqday dawladda uu soo dhisay Madaxwayne Mustafe cagjar, lammaane markii hore ku midoobay nolosha, haddana isugu yimid siyaasaddii degaanka.

10/23/2021 1:51 AM EST
Sabti, October, 23, 2021 (HOL) - Qoraal ay si wada jir ah usoo saareen waddamada Maraykanka, Denmark, Ingiriiska, Finland, Germany, Netherlands, Sweden iyo Midowga Yurub, ayaa lagu sheegay in saxiibada caalamiga ah ee Somaliland cambaaraynayaan howlgalka ay Somaliland dhulkeeda kaga saarayso bulshooyin gaara.