6/30/2022
Today from Hiiraan Online:  _
Wararka Maanta- Sabti, Oct 23, 2021
Mukhtaar Roobow oo bixiyay wareysigii ugu horreeyay ee uu kaga hadlay xaaladda uu ku sugan yahay
 

Sabti, October, 23, 2021 (HOL) - Sheikh Mukhtaar Roobow Cali "Abuu Mansuur" oo xabsi guri ku jira muddo ku dhow saddex sano, ayaa bixiyay wareysigii ugu horreeyay tan iyo markii dowladda federalka xirtay 2018.

Mukhtaar Roobow oo wareysigaan siiyay idaacadaVOA Somali oo uu lasoo xiriiray, ayaa ku  sheegay inuu u afduuban yahay shakhsiyaad gaar ah oo katirsan dowladda federalka.

Wuxuu sheegay in loo diiday xuquuqdiisii aas aasiga ahayd islamakaana xaaladdiisa amni ay mar walba ahayd mid qatar ku jirta.

“Xaalado adag ayey soo martay nolosheeda, mar waxaa dhacday in Ciidan laga keenay Galmudug ay ku dagaalameen qolkeyga. waxaa ku geeriyooday hal askari, muddo kaddib waa la iga bedelay, Ammaanka & Noloshada maku dhihi karo way sugan yihiin” ayuu yiri Abuu Mansuur.

Abuu Mansuur waxa uu xusay in loo beegsaday loona soo afduubtay hamigiisa siyaasadeed, isagoo caddeeyay in uusan waxba iska beddelin qorshihiisii uuna ku raadinayo wado nabaddeed haddii uu xorriyadiisa helo.

Roobow oo kasoo goostay Al Shabaab ayaa bishii December ee sanadkii 2018-kii laga soo xiray magaalada Baydhabo isaga oo ah musharax u taagan Madaxweynaha Koonfur Galbeed, tan iyo xiligaasna waxa uu ku xiran yahay xabsi kuyaalla Muqdisho.

Abdiweli M. Sheikh, Hiiraan Online












Click here
10/23/2021 2:09 PM EST
Sabti, October, 23, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in ciidamada Ahlu Sunna ay dib ula wareegeen gacan ku heynta xarumahii maanta ay kala wareegeen ciidamada dowladda iyo kuwa Galmudug.

10/23/2021 1:45 PM EST
Sabti, October, 23, 2021 (HOL) - Wararka naga soo gaaraya dowlad degaanka Soomaalida ayaa sheegaya in maanta xabsiga magaalada Jigjiga laga sii daayay, siyaasiyiin hore oo muddo ku xidhnaa magaalada Jigjiga.

10/23/2021 11:51 AM EST
Wasiirka Wasaaradda Maaliyadda Xukuumadda Federaalka Soomaaliya mudane Cabdirahman Ducaale Beyle oo maanta daah-furay Shirka Wadatashiga Miisaaniyadda Dowladda ee 2022-ka ayaa sheegay in hadii aanay Soomaaliya January 2022 ka hor an la soo gababeynin doorashada madaxtinimo ee dalka ay suurtagal tahay inay istaagaan dhamaan mashaariicda yar ee hadda ka socda dalka.

10/23/2021 9:12 AM EST
Sabti, October, 23, 2021 (HOL) - Shirkada diyaaradaha FlyDubai ee laga leeyahay dalka Imaaraatka Carabta, ayaa go'aansatay in ay joojiso duulimaadyadii todobaadkiiba 3 cisho ay ku iman jirtay magaalada Hargaysa, kadib markii xukuumada Somaliland u sheegtay in ay safaradeeda 2 cisho kusoo koobto.

10/23/2021 7:59 AM EST
Sabti, October, 23, 2021 (HOL) - Ra’iisul Wasaaraha dowladda federalka Soomaaliya Maxamed Xuseen rooble, ayaa wareegto uu soo saaray maanta ugu magacaabay Bashiir Maxamed Jaamac (Goobbe) Wasiiru-dowlaha Wasaaradda Howlaha Guud iyo dib u dhiska.

10/23/2021 6:38 AM EST
Sabti, October, 23, 2021 (HOL) - Warar dheeraad ah ayaa kasoo baxaya dagaalo qaraar oo saakay ka bilaawday degmada Guriceel ee gobolka Galgaduud oo u dhaxeeya ciidamada dowladda iyo kuwa Galmudug oo dhinac ah iyo ciidanka Ahlu Sunna oo horay degmadaasi gacanta ugu haaysay.

10/23/2021 5:19 AM EST
Sabti, October, 23, 2021 (HOL) - Xisbiga mucaaradka Somaliland ee Waddani, ayaa soo dhaweeyay qoraal ay soo saaren qaar kamid ah waddamada reer Yurub iyo Maraykanka, oo ay ku sheegeen in xukuumada Somaliland ay doorashada madaxweynaha wakhtigeeda ku qabanayso isla markaan, ay diyaarisay kharash keeda.

10/23/2021 2:20 AM EST
Sabti, October, 23, 2021 (HOL) - Israsaaseyn muddo kooban socotay oo ku dhexmartay gudaha Suuqa weyn ee Bakaraaha ciidamo ka tirsan dowladda Soomaaliya iyo kooxo hubeysan oo la sheegay iney dhac u geysanayeen dadka shacabaka ah ayaa waxaa ku dhintay mid ka mid ah ganacsatada Soomaaliyeed.

10/23/2021 2:04 AM EST
Sabti, October, 23, 2021 (HOL) - Wararka haatan naga soo gaaraya degmada Guriceel ee gobolka galgaduud ayaa sheegaya in halkaasi goordhaw uu ka biloowday dagaal u dhaxeeya ciidamada dowlada Fedaraalka iyo kuwa maamulka Galmudug oo dhinac ah iyo ciidanka Ahlu Sunna Waljameeca.

10/23/2021 1:55 AM EST
Sabti, October, 23, 2021 (HOL) - In ka badan 100,000 oo qof ayaa ka qaxay magaalo Guriceel sababo la xiriira xiisada colaadeed ee u dhaxaysa Ahlusunna Waljamaaca iyo maamulka Galmudug, sida ay sheegtay QM.

10/23/2021 1:52 AM EST
Sabti, October, 23, 2021 (HOL) - Waxaa kasoo dhex muuqday dawladda uu soo dhisay Madaxwayne Mustafe cagjar, lammaane markii hore ku midoobay nolosha, haddana isugu yimid siyaasaddii degaanka.

10/23/2021 1:51 AM EST
Sabti, October, 23, 2021 (HOL) - Qoraal ay si wada jir ah usoo saareen waddamada Maraykanka, Denmark, Ingiriiska, Finland, Germany, Netherlands, Sweden iyo Midowga Yurub, ayaa lagu sheegay in saxiibada caalamiga ah ee Somaliland cambaaraynayaan howlgalka ay Somaliland dhulkeeda kaga saarayso bulshooyin gaara.