6/27/2022
Today from Hiiraan Online:  _
Wararka Maanta- Sabti, Oct 23, 2021
Ciidamada dowladda iyo kuwa maamulka Galmudug oo la wareegay inta badan gacan ku heynta degmada Guriceel
 

Sabti, October, 23, 2021 (HOL) - Warar dheeraad ah ayaa kasoo baxaya dagaalo qaraar oo saakay ka bilaawday degmada Guriceel ee gobolka Galgaduud oo u dhaxeeya ciidamada dowladda iyo kuwa Galmudug oo dhinac ah iyo ciidanka Ahlu Sunna oo horay degmadaasi gacanta ugu haaysay.

Dagaalka ayaa yimid kadib markii ciidamada dowladda iyo kuwa Galmudug ay weerar dhowr jiho kaga soo qaadeen degmada Guriceel ee gobolka Galgaduud, waxaana lasoo warinayaa inuu dagaalka geystay khasaare kala duwan oo isugu jira dhimasho iyo dhaawac, walow aaanan la xaqiijin karin inta uu la'eg yahay khasaaraha rasmiga ah.

Goobjoogayaal ku sugan degmada Guriceel ayaa sheegaya in ciidanka dowladda iyo kuwa maamulka Galmudug ee saakay waabarigii weerarka kusoo qaaday degmada ay goordhow la wareegeen gacan ku heynta Xarunta maamulka degmada iyo waliba Saldhiga Booliska degmada Guriceel oo ka mid meelaha dagaalka uu sida xoogan uga dhacay.

Ciidamada iskaashanaya ee dowladda iyo kuwa Galmudug ayaa iyaga oo wata gaadiidka nooca dagaalka lagu arkayaa wadooyinka muhiimka ah ee gala iyo kuwa kabaxa Saldhiga Magaalada iyo  Xarunta maamulka degmada oo ay horay ugu sugnaayeen ciidanka Ahlu sunna Waljamaaca.

Wararkii ugu dambeeyay ayaa sheegaya in haatan uu dagaalka xoogiisa uu ka socda dhinaca Bari ee magaalada, waxaana wadooyinka gudaha magaalada isugu soo baxay dad u badan dhalinyaro oo si weyn u hadal haaya waxyaabahii maanta ka dhacay magaalada guriceel oo ay horay uga barakaceen inta badan dadkii ku noolaa degmadaasi.

Majirto wax war ha oo wali kasoo baxay dhinacyada maanta dagaalada qaraari ay ku dhexmarayaan magaalada Guriceel ee gobolka Galgaduud.

Lasoco waxii kusoo kordha wararkan

Jamaal Cali Cabdi, Hiiraan Online
[email protected]













Click here
10/23/2021 2:09 PM EST
Sabti, October, 23, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in ciidamada Ahlu Sunna ay dib ula wareegeen gacan ku heynta xarumahii maanta ay kala wareegeen ciidamada dowladda iyo kuwa Galmudug.

10/23/2021 1:45 PM EST
Sabti, October, 23, 2021 (HOL) - Wararka naga soo gaaraya dowlad degaanka Soomaalida ayaa sheegaya in maanta xabsiga magaalada Jigjiga laga sii daayay, siyaasiyiin hore oo muddo ku xidhnaa magaalada Jigjiga.

10/23/2021 11:51 AM EST
Wasiirka Wasaaradda Maaliyadda Xukuumadda Federaalka Soomaaliya mudane Cabdirahman Ducaale Beyle oo maanta daah-furay Shirka Wadatashiga Miisaaniyadda Dowladda ee 2022-ka ayaa sheegay in hadii aanay Soomaaliya January 2022 ka hor an la soo gababeynin doorashada madaxtinimo ee dalka ay suurtagal tahay inay istaagaan dhamaan mashaariicda yar ee hadda ka socda dalka.

10/23/2021 9:12 AM EST
Sabti, October, 23, 2021 (HOL) - Shirkada diyaaradaha FlyDubai ee laga leeyahay dalka Imaaraatka Carabta, ayaa go'aansatay in ay joojiso duulimaadyadii todobaadkiiba 3 cisho ay ku iman jirtay magaalada Hargaysa, kadib markii xukuumada Somaliland u sheegtay in ay safaradeeda 2 cisho kusoo koobto.

10/23/2021 9:01 AM EST
Sabti, October, 23, 2021 (HOL) - Sheikh Mukhtaar Roobow Cali "Abuu Mansuur" oo xabsi guri ku jira muddo ku dhow saddex sano, ayaa bixiyay wareysigii ugu horreeyay tan iyo markii dowladda federalka xirtay 2018.

10/23/2021 7:59 AM EST
Sabti, October, 23, 2021 (HOL) - Ra’iisul Wasaaraha dowladda federalka Soomaaliya Maxamed Xuseen rooble, ayaa wareegto uu soo saaray maanta ugu magacaabay Bashiir Maxamed Jaamac (Goobbe) Wasiiru-dowlaha Wasaaradda Howlaha Guud iyo dib u dhiska.

10/23/2021 5:19 AM EST
Sabti, October, 23, 2021 (HOL) - Xisbiga mucaaradka Somaliland ee Waddani, ayaa soo dhaweeyay qoraal ay soo saaren qaar kamid ah waddamada reer Yurub iyo Maraykanka, oo ay ku sheegeen in xukuumada Somaliland ay doorashada madaxweynaha wakhtigeeda ku qabanayso isla markaan, ay diyaarisay kharash keeda.

10/23/2021 2:20 AM EST
Sabti, October, 23, 2021 (HOL) - Israsaaseyn muddo kooban socotay oo ku dhexmartay gudaha Suuqa weyn ee Bakaraaha ciidamo ka tirsan dowladda Soomaaliya iyo kooxo hubeysan oo la sheegay iney dhac u geysanayeen dadka shacabaka ah ayaa waxaa ku dhintay mid ka mid ah ganacsatada Soomaaliyeed.

10/23/2021 2:04 AM EST
Sabti, October, 23, 2021 (HOL) - Wararka haatan naga soo gaaraya degmada Guriceel ee gobolka galgaduud ayaa sheegaya in halkaasi goordhaw uu ka biloowday dagaal u dhaxeeya ciidamada dowlada Fedaraalka iyo kuwa maamulka Galmudug oo dhinac ah iyo ciidanka Ahlu Sunna Waljameeca.

10/23/2021 1:55 AM EST
Sabti, October, 23, 2021 (HOL) - In ka badan 100,000 oo qof ayaa ka qaxay magaalo Guriceel sababo la xiriira xiisada colaadeed ee u dhaxaysa Ahlusunna Waljamaaca iyo maamulka Galmudug, sida ay sheegtay QM.

10/23/2021 1:52 AM EST
Sabti, October, 23, 2021 (HOL) - Waxaa kasoo dhex muuqday dawladda uu soo dhisay Madaxwayne Mustafe cagjar, lammaane markii hore ku midoobay nolosha, haddana isugu yimid siyaasaddii degaanka.

10/23/2021 1:51 AM EST
Sabti, October, 23, 2021 (HOL) - Qoraal ay si wada jir ah usoo saareen waddamada Maraykanka, Denmark, Ingiriiska, Finland, Germany, Netherlands, Sweden iyo Midowga Yurub, ayaa lagu sheegay in saxiibada caalamiga ah ee Somaliland cambaaraynayaan howlgalka ay Somaliland dhulkeeda kaga saarayso bulshooyin gaara.