12/9/2021
Today from Hiiraan Online:  _
Wararka Maanta- Isniin, Oct 11, 2021
Guddiga Doorashada heer Fedaraal iyo heer dowlad goboleed oo Baledweyne kulan kula qaatay madaxweyne ku xigeenka Hirshabeelle
 

Isniin, October, 11, 2021 (HOL) - Xubno ka socday guddiga doorashooyinka heer Fedaraal iyo heer dowlad goboleed ayaa maanta magaalada Baledweyne kulan kula qaatay Madaxweyne ku xigeenka maamulka Hirshabeelle Yuusuf Axmed Hagar Dabageed.

Yuusuf Dabageed ayaa maanta dib ugu soo laabtay magaalada Baledweyne kadib markii uu magaalada Jowhar kaga qeybgalay doorashadii Aqalka sare ee Hirshabeelle oo ka qabsoontay magaalada Jowhar.

Madaxweyne kuxigeenka ayaa xubnaha guddiga waxaa uu warbixin ka siiyay xaalada Magaalada Beledweyne iyo sida uu Maamulka Hirshabeelle ugu diyaarsan yahay qabashada doorashada Xildhibaanada Golaha Shacabka Soomaaliya.

Xubnaha Guddiga doorashooyinka Heer Federaal ayaa Madaxweyne kuxigeenka Hirshabeelle ka codsaday inuu kala Shaqeeyo sidii loo dardar gelin lahaa doorashada Aqalka Hoose iyo adkeynta amniga Magaalada Baledweyne ee xarunta gobolka Hiiraan.

Saacadaha soo socda ayaa waxaa la filayaa in guddiga doorashooyinka Heer Federaal ay kormeer amni ku tagaan goobaha loo asteeyay in lagu qabto doorashada 25-ka kursi ee Golaha Shacabka ku matala gobolka Hiiraan.

Caqabada ugu badan ayaa waxaa ay ka imaan karta shacabka gobolka Hiiraan oo diidan inuu Baledweyne yimaado madaxweynaha Hirshabeelle Cali Guudlaawe oo sida qorshuhu yahay inuu isagana yimaado Baledweyne oo doorashadaasi uu wax ka qabto.

Jamaal Cali Cabdi, Hiiraan Online
[email protected]












Click here
10/11/2021 5:33 PM EST
Isniin, October, 11, 2021 (HOL) - Guddiga ganacsatada Soomaaliyeed ee xaafadda Islii ee magaalada Nairobi, ayaa digniin kasoo saaray in Soomaalida ku dhaqan Nairobi ay u dabaal dagaan go’aanka kiiska badda ee berrito ay ku dhawaaqayso maxkamadda caddaalada.

10/11/2021 8:15 AM EST
Isniin, October, 11, 2021 (HOL) - Madaxweynaha Somaliland Muuse Biixi Cabdi, ayaa sheegay in uu difaacayo xoriyada iyo ganacsiga ay hablaha reer Somaliland leeyihiin, isagoo dad aanu carabaabin ku eedeeyay in ay doonayaan in ay burburiyaan ganacsiga haweenka.

10/11/2021 5:30 AM EST
Isniin, October, 11, 2021 (HOL) - Golaha Midowga Musharaxiinta Madaxweynaha Soomaaliya ayaa war qoraal ah oo ay soo saareen waxay ku sheegeen iney walwal aad u weyn ka qabaan dib u dhaca doorshada iyo tafaraaruqa siyaasadeed ee ka jira dalka oo ay sheegeen in xaalad hubaanti la'aan dhanka doorashooyinka uu dalka galay.

10/11/2021 4:11 AM EST
Isniin, October, 11, 2021 (HOL) - Hogaamiyaha xisbiga wadajir, Cabdiraxmaan Cabdishakuur Warsame, ayaa sheegay in ay u qalmaan in loo taago Taallooyin lagu xasuusandoono kaalinta xukuumadii uu katirsanaa ay ka qaadatay badbaadinta badda Soomaaliya.

10/11/2021 3:13 AM EST
Isniin, October, 11, 2021 (HOL) - Golaha Nabadda iyo Ammaanka ee Midowga Afrika ayaa taageeray hawlgalka wadajirka ah ee Qaramada Midoobay ee hoos imaanaya Cutubka VII ee howlgalka nabad -ilaalinta Soomaaliya, sanadka soo socda.

10/11/2021 2:51 AM EST
Isniin, October, 11, 2021 (HOL) - Guddoomiyaha maamulka Gobolka Hiiraan Cali Jeyte Cismaan ayaa xalay aqalka madaxtooyada gobolka Hiiraan waxa uu casho sharaf iyo soo dhaweyn uu ugu sameeyay xubnaha ka socday guddiyada doorashada Fedaraalka iyo Hirshabeelle.