3/29/2024
Today from Hiiraan Online:  _
Wararka Maanta- Isniin, Oct 11, 2021
Cabdiraxmaan Cabdishakuur: Waa in shan taallo naloo dhisaa maadaama aan badbaadinay badda Soomaaliya
 

Isniin, October, 11, 2021 (HOL) - Hogaamiyaha xisbiga wadajir, Cabdiraxmaan Cabdishakuur Warsame, ayaa sheegay in ay u qalmaan in loo taago Taallooyin lagu xasuusandoono kaalinta xukuumadii uu katirsanaa ay ka qaadatay  badbaadinta badda Soomaaliya.

Cabdiraxmaan Cabdishakuur ayaa sheegay, haddii uusan jiri lahayn heshiiskii MOU ee uu saxiixay sannadkii 2009, in maanta aa la gaari lahayn guusha Soomaaliya ka gaartay dacwadda ee hortaalla ICJ.

“Kenya, 2005 ayay baddeenna goosatay. 2009 waxaan ku niri ma goosan kartaan, haddii aanan oran lahayn sidaas, way iska qaadan lahayd Kenya baddeenna,” ayuu yiri hoggaamiyaha xisbiga wadajir.

“Waxaan rabnaa taallada cidda loo dhisayo, kow, innaga in aan noqono. Labo rajiimkii naga dambeeyay ee madaxweyne Xasan Sheikh, oo isagana dacwadda geeyay maxkamadda. Saddex, Farmaajo kiisa wuu ugu dambeeyaa, inuu ku adkaystay illaa dacwadda dhamaatay in uusan ka bixin dhufayskii, isagana libintaas waa inuu qaataa,’ ayuu yiri Cabdiraxmaan Cabdishakuur.

Si kastaba ha ahaatee, Soomaaliya ayaa diyaar garow xooggan ugu jirta dhegaysiga xukunka dacwadda badda oo ay maalinta berrito ah ku dhawaaqayso maxkamadda caddaalada adduunka ee ICJ.

Wafdi dowwladda katirsan oo uu hoggaaminayo raysal wasaare ku xigeenka Soomaaliya, Mahdi Guulleed Khadar ayaa haatan ku suga magaalada Hugue ee dalka Holland oo ay ku taallo maxkamadda.

 

Abdiweli M. Sheikh, Hiiraan Online












Click here
10/11/2021 5:33 PM EST
Isniin, October, 11, 2021 (HOL) - Guddiga ganacsatada Soomaaliyeed ee xaafadda Islii ee magaalada Nairobi, ayaa digniin kasoo saaray in Soomaalida ku dhaqan Nairobi ay u dabaal dagaan go’aanka kiiska badda ee berrito ay ku dhawaaqayso maxkamadda caddaalada.

10/11/2021 8:35 AM EST
Isniin, October, 11, 2021 (HOL) - Xubno ka socday guddiga doorashooyinka heer Fedaraal iyo heer dowlad goboleed ayaa maanta magaalada Baledweyne kulan kula qaatay Madaxweyne ku xigeenka maamulka Hirshabeelle Yuusuf Axmed Hagar Dabageed.

10/11/2021 8:15 AM EST
Isniin, October, 11, 2021 (HOL) - Madaxweynaha Somaliland Muuse Biixi Cabdi, ayaa sheegay in uu difaacayo xoriyada iyo ganacsiga ay hablaha reer Somaliland leeyihiin, isagoo dad aanu carabaabin ku eedeeyay in ay doonayaan in ay burburiyaan ganacsiga haweenka.

10/11/2021 5:30 AM EST
Isniin, October, 11, 2021 (HOL) - Golaha Midowga Musharaxiinta Madaxweynaha Soomaaliya ayaa war qoraal ah oo ay soo saareen waxay ku sheegeen iney walwal aad u weyn ka qabaan dib u dhaca doorshada iyo tafaraaruqa siyaasadeed ee ka jira dalka oo ay sheegeen in xaalad hubaanti la'aan dhanka doorashooyinka uu dalka galay.

10/11/2021 3:13 AM EST
Isniin, October, 11, 2021 (HOL) - Golaha Nabadda iyo Ammaanka ee Midowga Afrika ayaa taageeray hawlgalka wadajirka ah ee Qaramada Midoobay ee hoos imaanaya Cutubka VII ee howlgalka nabad -ilaalinta Soomaaliya, sanadka soo socda.

10/11/2021 2:51 AM EST
Isniin, October, 11, 2021 (HOL) - Guddoomiyaha maamulka Gobolka Hiiraan Cali Jeyte Cismaan ayaa xalay aqalka madaxtooyada gobolka Hiiraan waxa uu casho sharaf iyo soo dhaweyn uu ugu sameeyay xubnaha ka socday guddiyada doorashada Fedaraalka iyo Hirshabeelle.