3/29/2024
Today from Hiiraan Online:  _
Wararka Maanta- Jimco, Nov 26, 2021
Ra'iisal wasaare Abiyi Axmed "Cadowgu awood u malaha inuu ciidanka iska celiyo"
 

Jimco, November, 26, 2021 (HOL) - Ra'iisal wasaare Abiyi Axmed oo markii u horeysay kasoo muuqday Warbaahinta, tan iyo markii u go'aansaday inuu tago furimaha hore ee dagaalka, ayaa ka warbixiyay wakhti xaadirkan halka uu xaalku marayo.

Abiyi Axmed waxa uu sheegay in guulo waawayn gaareen ciidamada qaranka Itoobiya, isla markaana la wareegeen goobo markii hore ay ku sugnaayeen kooxda TPLF, sida Kasagita. Waxa kale oo uu sheegay inay la wareegi doonaan magaalooyin muhiim ah sida Jifra iyo Burqa oo ka tirsan degaanka Canfarta.

Waxa kale oo uu sheegay Ra'iisal wasaaruhu in maalmihii u dambeeyay ciidanka qaranka Itoobiya guulo la  taaban karo gaareen, isla markaana halganku uu sii soconayo ilaa kooxda TPLF laga saarayo dhulka ay haystaan, waa siduu hadalka u dhigay Ra'iisal wasaaruhu.

Abiyi Axmed ayaa Talaadadii hore waxa uu ballan qaaday inuu iska xaadirin doono furimaha dagaalladu ka socdaan, isagoo maanta markii u horeysay kasoo muuqday Warbaahinta Degaanka Oromiya ee OBN, isagoo xiran dirayska ciidanka milatariga Itoobiya.

Dagaallada ayaa wali halkoodii kasii socda, iyadoo ay adag tahay in la helo xogo ka madax banaan qaybaha uu dagaalku ka dhaxeeyo, iyadoo dowladduna ay digniin siisay warbaahintii ka waranta furimaha dagaalladu ka socdaan, marka laga reebo warbaahinada ay dowladdu maamusho, oo iyaga un loo oggolaaday inay ka waramaan hadba xaaladda uu marayo dagaalku.

Abdilahi Jawhar, Hiiraan Online
[email protected]
 












Click here
11/26/2021 12:53 PM EST
Jimco, November, 26, 2021 (HOL) - Ciidamada dowladda Itoobiya ayaa maanta duqaymo dhanka cirka ah waxay ka gaysteen magaalada Maqale ee caasimadda degaanka Tigray, sida ilo xogagaal ahi sheegayaan.

11/26/2021 7:16 AM EST
Jimco, November, 26, 2021 (HOL) - Beesha Caalamka ayaa war saxafadeed kasoo saartay walaaca iyo cabashada laga muujinaayo doorashooyinka Golaha Shacabka, iyagoona dalbaday in doorashada ay noqoto mid daahfuran oo ay ku kalsoonaan karaan dhamaan daneeyayaasha doorashada iyo shacabka Soomaaliyeed.

11/26/2021 7:12 AM EST
Jimco, November, 26, 2021 (HOL) - Boqor Cismaan Aw Maxamuud Buurmadow, ayaa lacag dhan 120 kun oo dollar guddoonsiiyay dadkii ay xukuumada Somaliland kasoo tarxiishay gobolada Sool iyo Sanaag, isagoo u balan qaaday in ay heli doonaan wixii hanti ka maqan iyo deeqo kale.

11/26/2021 7:09 AM EST
Jimco, November, 26, 2021 (HOL) - Wasiirka Wasaaradda Amniga maamulka Puntland Cabdisamad Maxamed Galan oo ku sugan magaalada Boosaaso ee xarunta gobolka Bari ayaa sheegay iney ka go'an tahay dhaqan galinta wareegtadii uu madaxweynaha Puntland xilka kaga qaaday taliyahii ciidanka PSF.

11/26/2021 5:33 AM EST
Jimco, November, 26, 2021 (HOL) - Warar dheeraad ah ayaa kasoo baxaya dagaal xoogan oo gobolka Jubbada Hoose ku dhexmaray ciidamada maamulka Jubbaland iyo kuwa Al-shabaab.

11/26/2021 1:35 AM EST
Jimco, November, 26, 2021 (HOL) - Guddiga hirgelinta doorashooyinka maamulka Koonfur Galbeed ayaa ku dhawaaqay qabashada sadax kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay Koonfur Galbeed Soomaaliya.

11/26/2021 1:12 AM EST
Jimco, November, 26, 2021 (HOL) - Iyadoo maalmahii lasoo dhaafay ay soo kordheysay cabashada laga muujinaayo habka ay ku socoto doorashada Golaha Shacabka, ayaa waxaa arintaasi ka hadlay guddiga xalinta khilaafaadka oo ku baaqay in Musharaxiinta wixii tabasho ah ay qabaan ay usoo gudbiyaan guddiga.