9/18/2021
Today from Hiiraan Online:  _
Wararka Maanta- Talaado, May 4 , 2021
Ciidamada taabacsan musharraxiinta oo sharuudo ku xiray in ay xeryahooda dib ugu laabtaan
 

Talaado, May, 04, 2021 (HOL) - Ciidamada taabacsan mucaaradka ee kasoo horjeestay mudo kordhinta ayaa ku sheegay bayaan ay soo saareen in aysan ka bixi doonin goobihii ay farriisinka ka sameysteen kadib qalalaasihii dhawaan ka dhacay magaalada Muqdisho.

Ciidamada ayaa magacaabay guddi ka kooban 7 xubnood, oo uu ku jiro taliyihii hore ee booliska gobolka Banaadir, Saadaq Joon iyo saraakiil kale oo ay kamid yihiin Indho-cadde iyo taliyihii hore ee ciidamada gaarka ah ee uu tababaray Mareykanka Danab Ismaaciil Cabdimalik.

Saraakiisha hoggaaminaysa ciidamadaan waxay uga digeen dowladda inay hakiso mushaaraadkooda waxayna wacad ku mareen inay kusii nagaan doonaan boosaskooda ilaa iyo inta uu raiisul wasaaraha ka qaadayo talaabooyin muuqda oo kalsoonidii dib usoo celin kara.

Waxay dalbadeen in shaqo joojin lagu sameeyo saraakiisha militariga iyo booliska ee lala xariirinayo madaxweynaha xilka ka degaya si kalsooni looga dhex abuuro labada garab ee ciidamada isku haya.

Midowga Yurub iyo saaxiibada kale ee Soomaaliya ayaa ugu baaqay dhinacyada is khilaafsan inay xaaladda dajiyaan islamarkaana la kala qaado ciidamada is ku horfadhiya gudaha magaalada Muqdisho.

Gaashaanle Diini Rooble Axmed oo afhayeen u ah guddiga saraakiisha ah oo waraysi siiyay BBC-da ayaa sheegay in ay dalbanayaan in madaxweyne Farmaajo uu wareejiyo amniga guud ee dalka, iyagoo sheegay in madaxweynuhu  ciidanka ka dhex abuuray qalalaase.

Abdiweli M. Sheikh, Hiiraan Online












Click here
5/4/2021 10:54 AM EST
Talaado, May, 4, 2021 (HOL) - Dowlada Ingiriiska, ayaa 17 milyan oo dollar ku maal galinaysa mashruuca Hargaysa pypass road, oo ah wado 22.5 KM ah, taasi oo la doonayo in baabuurta waaweyn ee xamuulka magaalada Hargaysa lagaga leexiyo.

5/4/2021 10:24 AM EST
Talaado, May, 04, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa Cabdiwahaab Ugaas Xuseen Ugaas Khaliif u magacaabay Wasiirka Wasaaradda Shaqada iyo Arrimaha Bulshada ee Xukuumadda Federaalka Soomaaliya.

5/4/2021 10:00 AM EST
Talaado, May, 4, 2021 (HOL)- Madaxweynaha Somaliland Muuse Biixi Cabdi, oo ka hadalay xadhiga musharixiinta, ayaa sheegay in musharax kasta oo lagu helo danbi la xidhayo mucaarad iyo muxaafad ba.

5/4/2021 9:53 AM EST
Talaado, May, 04, 2021 (HOL) - Iyadoo labadii cisho ee la soo dhaafayba magaalada Muqdisho ay ku sugnaayeen wafdi heer sare oo ka socda dowladda Qatar, ayaa dhinaca kale waxaa wada hadal khadka talleefoonka ah yeeshay madaxweynaha muddo xileedkiisu dhamaaday Maxamed Cabdullaahi Farmaajo iyo amiirka dalka Qatar Sheekh Tamiim Bin Xamad Al-Thani

5/4/2021 8:08 AM EST
Talaado, May, 04, 2021 (HOL) - Ra'iisal Wasaaraha Wasaaraha Xukuumadda Soomaaliya Maxamed Xusseen Rooble ayaa ku dhawaaqay guddiga xalinta khilaafaadka iyo xiisada magaalada Muqdisho, kuwaa oo isugu jira Wasiirro iyo xildhibaanno ka tirsan Baarlamaanka Soomaaliya

5/4/2021 2:55 AM EST
Talaado, May, 04, 2021 (HOL) - Masuuliyiinta xisbiga mucaaradka ah ee Waddani, oo kulan la qaatay safiirka Ingriiska ee Soomaaliya amb. Kate Foster, ayaa kala hadlay doorashooyinka Somaliland iyo xadhiga musharixiinta mucaaradka.

5/4/2021 2:15 AM EST
Talaado, May, 04, 2021 (HOL) - Madaxweynaha muddo xileedkiisu dhamaaday Maxamed Cabdullaahi Farmaajo ayaa xalay xarunta madaxtooyada Soomaaliya kula kulmay wakiillo ka kala socday warbaahinta Soomaaliyeed.

5/4/2021 1:57 AM EST
Talaado, May, 04, 2021 (HOL)-Taliska ciidanka Booliiska Soomaaliyeed ayaa soo saaray awaamiir la xiriirta howlaha ciidanka Booliiska, kaddib eedeymo maalmihii ugu danbeeyay loo jeedinayay.