9/24/2021
Today from Hiiraan Online:  _
Wararka Maanta- Talaado, Mar 30, 2021
Wafdi ka socday dowladda Imaaraatka carabta oo loo diiday in ay kormeeraan dekeda Garacad laga dhisayo
 

Talaado, Maarso, 30, 2021 (HOL) - Wafdi ka socday dowladda Imaaraatka Carabta ayaa loo diiday in ay ka dagaan deegaanka Garacad oo katirsan degmada Jarriiban ee gobolka Mudug ee maamulka Puntland.

Dadweyne ku sugan Garacad ayaa la sheegay in ay ka hor yimaadeen in diyaaradda sida wafdiga Imaaraatka iyo masuuliyiin katirsan Puntland ay ka degto halkaas.

Diyaaradda ayaa dib ugu laabatay magaalada Garowe oo ay markii hore kasoo duushay, waxaana socda wada hadal.

Puntland ayaa deegaankaas xalay geysay ciidamo ka tirsan kuwa mariiniska oo uu Imaaraatku taageero, kuwaas oo loo geeyay in ay sugayaan ammaanka wafdiga UAE.

Warar aan helayno waxay sheegayaan in ujeedada socdaalka wafdigan uu yahay inay kormeer ku sameeyaan dekeda Garacad laga dhisayo, taasoo ah deked isku tashi ah lagu dhisayo.

HOL, ayaa ogaatay in sababta dadweynuhu u diidan yihiin wafdiga UAE ay tahay, kadib markii ay soo baxeen warar sheegaya in Imaaraadka ay doonayaan inay ku lug yeeshaan dekedda Garacad, balse si dhab ah warkaas looma hubo.

Imaaraatka oo iska leh shirkadda DP-world ee maamusha dekeda Bosaso, ayaa heshiiskeeda waxaa kamid ah in aan wax deked ah laga sameyn karin xeebaha u dhow Bosaso.

Inkastoo Garacad ay boqolaal km u jirto Bosaso, haddana waxaa hubaal ah in ay saamayn ku yeelan doonto dekeda magaalada Bosaso, oo tan iyo markii DP world ay la wareegtay maamulkeeda uu hoos u dhac weyn ku yimid.

Abdisalan Nur Dirie, Hiiraan Online












Click here
3/30/2021 5:52 PM EST
Talaado, Maarso, 30, 2021 (HOL) - Madasha Badbaado Qaran ayaa war-saxaafadeed ay caawa soo saareen waxay ku caddeeyeen in aysan marnaba aqabali doonin wax muddo kororsi.

3/30/2021 12:46 PM EST
Talaado, Maarso, 30, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa maanta qaabilay xubno ka socda wakiilada beesha caalamka iyaga oo ka wadahadlay khilaafka ka taagan doorashada lagu waddo in ay dalka ka dhacdo.

3/30/2021 11:31 AM EST
Talaado, Maarso, 30, 2021 (HOL) - Shirwaynihii saddexaad ee xisbiga mucaaradka ah ee wadani, oo maanta Hargaysa ka qabsoomay ayaa markale Cabdiraxman Maxamed Cabdilaahi (Cirro) loogu doortay musharaxa xisbiga ee doorashada madaxweynaha ee 2022.

3/30/2021 9:35 AM EST
Talaado, Maarso, 30, 2021 (HOL) - Madaxtooyada Soomaaliya ayaa beenisay wararka sheegaya in Madaxweyne Maxamed Cabdullaahi Farmaajo uu berri safar u yahay ka qeyb galka shir la sheegay in uu ku saabsan yahay heshiis amni oo heer gobol ah oo ka dhicidoona Ethiopia.

3/30/2021 9:11 AM EST
Talaado, Maarso, 30, 2021 (HOL) - Saraakiisha Booliiska dalka Tanzanian ayaa shaaca ka qaaday in 45 ruux ay u dhinteen isbuurasho ka dhalatay macsalaameynta meydka madaxweynihii hore ee dalkaasi John Magufuli 21 bishan.

3/30/2021 7:29 AM EST
Talaado, Maarso, 30, 2021 (HOL) - Wasaarada waxbarashada ee Somaliland ayaa sheegtay in laga bilaabo 13 bisha Abril, 2021 dugsiyada waxbarashada la fasixi doono muddo labad bilood ah, xaalada caabuqa Covid-19 awgii.

3/30/2021 7:14 AM EST
Talaado, Maarso, 30, 2021 (HOL) - Raysul wasaarihii hore ee Soomaaliya Cumar Cabdirashiid ayaa sheegay in uu jiro heshiis milatari oo dhawaan ay wada gaari doonaan Soomaaliya, Elateria iyo Ethiopia.

3/30/2021 3:51 AM EST
Talaado, Maarso, 30, 2021 (HOL) - Qoraal ka soo baxay Wasaarradda Caafimaadka Xukuumadda Soomaaliya ayaa bulshada ku dhiirigalisay in ay qaataan tallaalka Covid 19 oo hadda la gaarsiiyay inta badan gobollada dalka.

3/30/2021 12:58 AM EST
Talaado, Maarso, 30, 2021 (HOL) - Waxaa soo ifbaxaya khilaaf cusub oo hareeyay kulamadii ugu danbeeyay ee u dhaxeeya madaxda dowlad gobolleedyada si xal kama danbeys ah looga gaaro ismariwaaga doorasho.

3/30/2021 12:34 AM EST
Talaado, Maarso, 30, 2021 (HOL) - Dowlad Gobolleedka Galmudug ayaa ganaax lacageed ku riday kalluumeysato ajaanib ah oo la sheegay in ay si sharci darro ah uga kalluumeysanayeen xeebaha Soomaaliya gaar ahaan deegaannada uu maamulku ka arimiyo.