6/19/2021
Today from Hiiraan Online:  _
Wararka Maanta- Axad, Mar 28, 2021
Xildhibaannadda Golaha Shacabka oo maalinta berri ah kulmaya


 

Axad, Maarso, 28, 2021 (HOL) - Xildhibaannada Golaha Shacabka ayaa lagu wargaliyay in maalinta berri ah ay ka soo qeyb-galaan fadhi uu yeelanaya Golaha, kaasoo la sheegay in ajandihiisu yahay dhibaatada uu wadanka ku hayo caabuqa Covid 19.

Kulanka leysugu yeeray xildhibaannada Golaha Shacabka ayaa imanaya kaddib markii uu baaqday fadhiggii maalintii shalay lagu balasanaa oo ay dood adag ka keeneen xidhibaannada qaar oo sheegay in golaha la horkeenayo ajande qorsoon oo ah muddo korarsi.

Balse Guddoomiyaha Golaha Shacabka Maxamed Mursal Sheekh Cabdiraxmaan ayaa kulankii shalay kaddib qoraal uu saaray waxaa uu Shan Fadhi ka mamnuucay in ay ka soo qeybgalaan 15 xildhibaan oo ah mudanayaasha mucaaradka ee ka soo horjeeda madaxtooyada Soomaaliya, kuwaa oo is horaagay in uu qabsoomo kulankii shalay.

Inkastoo kulanka berri sida kii hore oo kale lagu sheegay in ajanduhu yahay Covid 19, ayaa haddana dhinaca kale waxaan wali meesha ka marneyn shakiga laga qabo in fadhiga la horkeeni karo ajandaha muddo korarsiga, madaama haddii ay xildhibaannadu codsadaan lagu soo dari karo sida ay sheegeen mudanayaasha qaarkood.

Mudanayaasha laga mamnuucay fadhiyada Golaha Shacabka ee soo socda ayaa maanta shir jaraa'id ka sheegay in ay tagi doonaan kulanka maalinta berri ah.

Cabdiraxmaan Diini, Hiiraan Online
[email protected]   
















Click here
3/28/2021 12:10 PM EST
Axad, Maarso, 28, 2021 (HOL) - Wasaarada ganacsiga Somaliland, ayaa jaangoysay qiimaha lasiin karo shidaalka Somaliland yimaada oo qaaliyoobay.

3/28/2021 11:16 AM EST
Axad, Maarso, 28, 2021 (HOL) - Madaxweynaha Somaliland Muuse Biixi Cabdi, ayaa xafiiskiisa ku qaabilay isla markaana dalacsiiyay hablo saraakiil ah oo katirsan ciidanka RRU.

3/28/2021 8:57 AM EST
Axad, Maarso, 28, 2021 (HOL) - Xildhibaanadii laga joojiyay ka qeybgalka fadhiyada barlamaanka ayaa sharci darro ku tilmaamay go’aanka uu soo saray guddoomiye Maxamed Sheikh Cabdiraxmaan Mursal.

3/28/2021 7:08 AM EST
Axad, Maarso, 28, 2021 (HOL) - Ciidamo Puntland ah oo ka gadoodsan mushaar la’aan ayaa jidgooyooyin cusub dhigtay wadada isku xirta magaalooyinka Gaalkacyo iyo Garowe, iyagoo masuuliyiinta Puntland ka mamnuucay isticmaalka wadadaas.

3/28/2021 6:00 AM EST
Axad, Maarso, 28, 2021 (HOL) -Ciidamada Kenya ee ku sugan Soomaaliya ayaa helay dawadii ugu horeysay ee Tallaalka cudurka 'Covid-19'.

3/28/2021 5:48 AM EST
Axad, Maarso, 28, 2021 (HOL)- Wararka naga soo gaaraya gobolka Galguduud ee bartamaha Soomaaliya ayaa sheegaya in uu ku sii fidanayo deegaannada uu gobolku ka kooban yahay caabuqa Covid 19.

3/28/2021 3:06 AM EST
Axad, Maarso, 28, 2021 (HOL) -Xildhibaan Sadiiq Warfaa iyo Cabdirashiid Xidig oo ka mid ah mudanayaasha Baarlamaanka Soomaaliya ee Guddoonka Golaha Shacabku ka mamnuucay in ay ka soo qeybgalaan fadhiyada Golaha ayaa arintaa sharci darro ku tilmaamay.

3/28/2021 1:12 AM EST
Axad, Maarso, 28, 2021 (HOL) - Dowladda Soomaaliya ayaa sheegtay in howlgal ciidanka xoogga dalka Soomaaliyeed ay ka fuliyeen gobolka Shabeellaha Hoose ku dileen madaxii Qaraxyada Al-shabaab gobolka.