12/6/2021
Today from Hiiraan Online:  _
Wararka Maanta- Khamiis, Mar 18, 2021
Qarax miino oo goor dhaw ka dhacay Isgoyska KM4 ee magaalada Muqdisho

 

Khamiis,Maarso, 18, 2021 (HOL) -Qarax Miino ayaa goordhow ka dhacay agagaarka KM4 ee Muqdisho kaddib markii ay ciidamada Amniga xireen goobta qaraxan la soo dhigay oo ay ku wargaliyeen dad arkay miinada goobta la soo dhigay.

Qaraxa ayaa markii hore waxaa arkay dad goobta ka agdhawaa kuwaa oo ku wargaliyay ciidamada Amaanka oo xiray goobta una diiday dhaqdhaqaaqa dadweynaha, hasse ahaatee miinada ayaa qaraxday wax yar uun ka hor inta aysan soo gaarin kooxda miino baarista oo ay ciidamadu wargaliyeen.

Lama sheegin cid wax ku noqotay balse waxaa goobta soo gaaray gaadiidka gurmadka deg deg ah oo inta badan marka ay sidan oo kale qaraxyadu dhacaan markiiba tagay aaga ay wax ka dhaceen si ay u cawiyaan haddii ay jiraan dad wax ku noqday.

Magaalada Muqdisho ayaa toddobaadyadii ugu danbeeyayba waxaa ku soo kordhayay qaraxyada loo adeegsanayo miinada oo lagu bartilmaameesado mas'uuliyiinta iyo saraakiisha ciidamada dowladda.

Cabdiraxmaan Diini, Hiiraan Online
[email protected]   














Click here
3/18/2021 12:49 PM EST
Khamiis,Maarso, 18, 2021 (HOL) -Maxkamadda ICJ ayaa ugu danbeyntii galabta soo gabagabeeysay dhageysiga dacwadda Badda ee Soomaaliya iyo Kenya iyadoo la dhageysanayay oo kaliya qareennada Soomaalida kaddib markii ay Kenya ka baaqsatay ka qeybgalka doodda Maxkamadda.

3/18/2021 10:36 AM EST
Khamiis, Maarso, 18, 2021 (HOL) - Madaxweynayaasha Puntland iyo Jubbland, golaha siyaasiyiinta Somaliland iyo midowga musharrixiinta ayaa ku dhawaaqay madal ay ku midaysan yihiin oo lagu magacaabo madasha badbaado qaran.

3/18/2021 9:23 AM EST
Khamiis, Maarso, 18, 2021 (HOL) - Shirkadda Somtel ayaa daahfurtay saamiyada cusub ee sanadkan 2021, kadib shirkeeda sannadlaha oo maalintii shalay ay ku qabsatay Hotel Giyaajo ee magaalada Muqdisho.

3/18/2021 7:21 AM EST
Khamiis, Maarso, 18, 2021 (HOL) - Guddiga Farsamada arrimaha doorashooyinka ee heer Federaal, heer Dowlad goboleedyad iyo Gobolka Banaadir ayaa maanta shir uga furmay hoteelka Decale ee magaalada Muqdisho.

3/18/2021 6:14 AM EST
Khamiis, Maarso, 18, 2021 (HOL) - Kaddib geeridii madaxweynaha dalka Tanzania John Magufuli, waxaa loo dhaarinayaa in ay madaxweyne ka noqto dalkaasi Samia Suluhu Hassan oo horay u aheyd madaxweyne ku-xigeenka dalka.

3/18/2021 3:52 AM EST
Khamiis, Maarso, 18, 2021 (HOL) - Wakiilka xoghayaha guud ee Qarramada Midoobey James Swan ayaa sheegay in khilaafka doorashada ee muddo dheerba soo socda uu cuuryaamiyay howlihii kale ee muhiimka u ahaa dowladnimada Soomaaliya.

3/18/2021 1:21 AM EST
Khamiis, Maarso, 18, 2021 (HOL) -Maxkamadda Caalamiga ah ee Cadaaladda ICJ ayaa sheegtay in ay maanta dhageysan doonto gunaanadka dhageysiga kiiska dacwadda badda ee u dhaxeeya Soomaaliya iyo Kenya.