12/6/2021
Today from Hiiraan Online:  _
Wararka Maanta- Khamiis, Mar 18, 2021
James Swan '' Shirka dhawaan furmaya waa mid muhiim u ah xal u helida khilaafka doorashada

 

Khamiis, Maarso, 18, 2021 (HOL) - Wakiilka xoghayaha guud ee Qarramada Midoobey James Swan ayaa sheegay in khilaafka doorashada ee muddo dheerba soo socda uu cuuryaamiyay howlihii kale ee muhiimka u ahaa dowladnimada Soomaaliya.

Isaga oo wareysi siinayay VOA ayuu sheegay in shirka qabanqaabadiisu leedahay beesha caalamka uu dhawan ka furmayo goobta loogu talagalay oo amaankiisa ay sugayaan ciidamada howlgalka midowga Africa AMISOM.

Wuxuu sheegay Mr Swan in uu rajo wanaagsan ka qabo in wadahadalladan dhinacyada Soomaalida  noqdaan kuwo guuleysta madaama lagu qabanayo goob amaan ah oo dhinacyado oo dhan ku kalsoonaan karaan.

'' Waxaan  bixin doonnaa dhaqaalaha Gobollada dalka looga keenayo Ergooyinka maamul goboleedyada dalka, sidoo kale AMISOM waxaan kala shaqey-neynaa sugidda Ammaanka, markan waxaan rajeynayaa in wada-hadalladani ay sii socdaan, iyaga oo ka dhacaya meel ammaan ah, sida ay isku raaceen madaxda Soomaalida” ayuu yiri Ergayga QM u qaabilsan Soomaaliya James Swan. 

Magaalada Muqdisho waxaa hadda ku sugan madaxweynayaasha dowlad gobolleedyada Puntland, Jubbaland, Galmudug iyo Hirshabeelle, iyadoo uu wali ka maqan yahay madaxweynaha Koonfur Galbeed.

Madaxweynayaasha ayaa marka ay ku soo dhameystirmaan magaalada Muqdisho waxaa la filayaa in uu furmo shirkan oo siweyn isha loogu wada hayo.

Cabdiraxmaan Diini, Hiiraan Online
[email protected]   













Click here
3/18/2021 1:58 PM EST
Khamiis,Maarso, 18, 2021 (HOL) -Qarax Miino ayaa goordhow ka dhacay agagaarka KM4 ee Muqdisho kaddib markii ay ciidamada Amniga xireen goobta qaraxan la soo dhigay oo ay ku wargaliyeen dad arkay miinada goobta la soo dhigay.

3/18/2021 12:49 PM EST
Khamiis,Maarso, 18, 2021 (HOL) -Maxkamadda ICJ ayaa ugu danbeyntii galabta soo gabagabeeysay dhageysiga dacwadda Badda ee Soomaaliya iyo Kenya iyadoo la dhageysanayay oo kaliya qareennada Soomaalida kaddib markii ay Kenya ka baaqsatay ka qeybgalka doodda Maxkamadda.

3/18/2021 10:36 AM EST
Khamiis, Maarso, 18, 2021 (HOL) - Madaxweynayaasha Puntland iyo Jubbland, golaha siyaasiyiinta Somaliland iyo midowga musharrixiinta ayaa ku dhawaaqay madal ay ku midaysan yihiin oo lagu magacaabo madasha badbaado qaran.

3/18/2021 9:23 AM EST
Khamiis, Maarso, 18, 2021 (HOL) - Shirkadda Somtel ayaa daahfurtay saamiyada cusub ee sanadkan 2021, kadib shirkeeda sannadlaha oo maalintii shalay ay ku qabsatay Hotel Giyaajo ee magaalada Muqdisho.

3/18/2021 7:21 AM EST
Khamiis, Maarso, 18, 2021 (HOL) - Guddiga Farsamada arrimaha doorashooyinka ee heer Federaal, heer Dowlad goboleedyad iyo Gobolka Banaadir ayaa maanta shir uga furmay hoteelka Decale ee magaalada Muqdisho.

3/18/2021 6:14 AM EST
Khamiis, Maarso, 18, 2021 (HOL) - Kaddib geeridii madaxweynaha dalka Tanzania John Magufuli, waxaa loo dhaarinayaa in ay madaxweyne ka noqto dalkaasi Samia Suluhu Hassan oo horay u aheyd madaxweyne ku-xigeenka dalka.

3/18/2021 1:21 AM EST
Khamiis, Maarso, 18, 2021 (HOL) -Maxkamadda Caalamiga ah ee Cadaaladda ICJ ayaa sheegtay in ay maanta dhageysan doonto gunaanadka dhageysiga kiiska dacwadda badda ee u dhaxeeya Soomaaliya iyo Kenya.