12/6/2021
Today from Hiiraan Online:  _
Wararka Maanta- Khamiis, Mar 18, 2021
Maxkamadda ICJ oo maanta dhageysaneysa dooddii ugu danbeysay muran Baddeedka Soomaaliya iyo Kenya

 

Khamiis, Maarso, 18, 2021 (HOL) -Maxkamadda Caalamiga ah ee Cadaaladda  ICJ ayaa sheegtay in ay maanta dhageysan doonto gunaanadka dhageysiga kiiska dacwadda badda ee u dhaxeeya Soomaaliya iyo Kenya.

Maxkamadda ayaa  war ay soo saartay ku sheegtay  in kadib dhageysiga maanta ay guda geli doonto gaarista go’aanka kiiskan, islamarkaana ay xukmin doonto, inkasta oo aysan shaacin waqti rasmi ah.

Ra’iisul Wasaare ku-xigeenka Soomaaliya Mahdi Maxamed Guuleed Khadar ayaa shaaca ka qaaday in maalinta beri ah la soo gabo gabeyn doono dhageysiga kiiska dacwadda baddeenna ee ay muranka gelisay Kenya.

Mahdi Gulleed ayaa intaa ku darray maanta 03:00pm xilliga magaalada Hague ee dalka Holland ay maxkamadda caddaaladda adduunka dhageysan doonto gunaanadka dacwadda baddeenna.

“Maxkamadda Caddaaladda Adduunka ayaa galabta 03:00pm xilliga Hague dhagaysanaysa gunaanadka Dacwadda Baddeenna ee inagala dhaxaysa Kenya”.ayuu yiri Ra’iisul Wasaare ku-xigeenka dalka Mudane Mahdi Maxamed Guuleed.

Maxkamada ayaa dhinaca la sheegay in ay ku gacanseyrtay codsi uga yimid Kenya oo bilowgii dooddan sheegtay in ay isaga baxday dacwadda.

Dowladda Soomaaliya ayaa markan fursad weyn u aragta ka bixitaanka dacwadda ee dhinaca Kenya taasoo muujineysa in markii horeba Kenya ku kalsooneyn dooddeeda la xiriirta muran baddeedka kala dhaxeeya Soomaaliya

Cabdiraxmaan Diini, Hiiraan Online
[email protected]   






 













Click here
3/18/2021 1:58 PM EST
Khamiis,Maarso, 18, 2021 (HOL) -Qarax Miino ayaa goordhow ka dhacay agagaarka KM4 ee Muqdisho kaddib markii ay ciidamada Amniga xireen goobta qaraxan la soo dhigay oo ay ku wargaliyeen dad arkay miinada goobta la soo dhigay.

3/18/2021 12:49 PM EST
Khamiis,Maarso, 18, 2021 (HOL) -Maxkamadda ICJ ayaa ugu danbeyntii galabta soo gabagabeeysay dhageysiga dacwadda Badda ee Soomaaliya iyo Kenya iyadoo la dhageysanayay oo kaliya qareennada Soomaalida kaddib markii ay Kenya ka baaqsatay ka qeybgalka doodda Maxkamadda.

3/18/2021 10:36 AM EST
Khamiis, Maarso, 18, 2021 (HOL) - Madaxweynayaasha Puntland iyo Jubbland, golaha siyaasiyiinta Somaliland iyo midowga musharrixiinta ayaa ku dhawaaqay madal ay ku midaysan yihiin oo lagu magacaabo madasha badbaado qaran.

3/18/2021 9:23 AM EST
Khamiis, Maarso, 18, 2021 (HOL) - Shirkadda Somtel ayaa daahfurtay saamiyada cusub ee sanadkan 2021, kadib shirkeeda sannadlaha oo maalintii shalay ay ku qabsatay Hotel Giyaajo ee magaalada Muqdisho.

3/18/2021 7:21 AM EST
Khamiis, Maarso, 18, 2021 (HOL) - Guddiga Farsamada arrimaha doorashooyinka ee heer Federaal, heer Dowlad goboleedyad iyo Gobolka Banaadir ayaa maanta shir uga furmay hoteelka Decale ee magaalada Muqdisho.

3/18/2021 6:14 AM EST
Khamiis, Maarso, 18, 2021 (HOL) - Kaddib geeridii madaxweynaha dalka Tanzania John Magufuli, waxaa loo dhaarinayaa in ay madaxweyne ka noqto dalkaasi Samia Suluhu Hassan oo horay u aheyd madaxweyne ku-xigeenka dalka.

3/18/2021 3:52 AM EST
Khamiis, Maarso, 18, 2021 (HOL) - Wakiilka xoghayaha guud ee Qarramada Midoobey James Swan ayaa sheegay in khilaafka doorashada ee muddo dheerba soo socda uu cuuryaamiyay howlihii kale ee muhiimka u ahaa dowladnimada Soomaaliya.