9/22/2021
Today from Hiiraan Online:  _
Wararka Maanta- Arbaco, Jun 9 , 2021
Al-shabaab oo sheegatay iney dagaal culus kula wareegeen deegaanka Daynuunaay
 

Arbaco, Juun, 9, 2021 (HOL) - Wararka ka imaanaya deegaanka Daaynuunaay ee gobolka Baay ayaa sheegaya in dagaal culus oo saacado badan qaatay uu halkasi ku dhaxmaray ciidamada dowlada Fedaraalka iyo kuwa Al-shabaab.

Dagaalka ayaa yimid kadib markii ciidamo ka tirsan kuwa Shabaab ayaa weerar xoogan kusoo qaadeen aroornimadii hore ee saakay Saldhig ciidamada dowlada iyo kuwa maamulka Koofur Galbeed ku leeyihiin deegaanka daynuunaay.

Weerarka ayay sheegeen dadka deegaanka inuu ahaa mid aad u xoogan oo la isku adeegsaday hubka noocyadiisa kala duwan waxaana la sheegay inuu ka dhashay khasaare kala duwan oo labada dhinac soo kala gaaray walow ilaa hada aanan si rasmi ah loo xaqiijin karin inta uu gaarsiisan yahay khasaaraha ka dhashay dagaalka.

Al-shabaab ayaa barahooda Internetka ku sheegtay in guulo aay ka gaareen weerarka aay saaka ku qaadeen deegaanka Daynuunaay isla markaana aay la wareegeen gacan ku heynta Saldhiga deegaankaasi.

Majirto wax war ah oo kasoo baxay dhanka saraakiisha ciidamada dowladda iyo kuwa maamulka Koofur Galbeed oo ku aadan waxa ka jira sheegashada Al-shabaab ee ah iney la wareegeen gacan ku haynta deegaanka Daynuunaay oo u dhaw magaalada Baydhabo ee xarunta gobolka Baay.

Jamaal Cali Cabdi, Hiiraan Online
[email protected]













Click here
6/9/2021 1:17 PM EST
Arbaco, Juun, 9, 2021 (HOL) - Madaxweynaha Somaliland Muuse Biixi Cabdi ayaa taageeray Cabdikariim Axmed Mooge, oo kasoo baxay xisbiga Waddani in uu noqdo mayor ka Hargaysa, kadib markii xisbiyada mucaarad ku isku khilaafeen mayor nimadiisa.

6/9/2021 11:56 AM EST
Arbaco, Juun, 9, 2021 (HOL) - Madaxweynaha Puntland Siciid Cabdullaahi Deni, ayaa Garowe kula kulmay wafdi ka socday beesha caalamka oo uu hoggaaminayay wakiilka qaramada Midoobay ee Soomaaliya James Swan, kuwaas oo Garowe u tagay arrimo la xidhiidha dardar galinta geeddi socodka doorashooyinka.

6/9/2021 11:17 AM EST
Arbaco, Juun, 9, 2021 (HOL) - Wasiir ku xigeenka xanaanada xoolaha Somaliland Yurub Abiib Cabdi, oo u jawaabaysa wasiir ka haweenka ee dowlada Soomaaliya Xaniifa Xaabsade, ayaa tidhi “Somaliland iyo Soomaaliya shaqo iskuma laha”.

6/9/2021 10:43 AM EST
Arbaco, Juun, 9, 2021 (HOL) - Golaha Midowga Musharaxiinta ayaa soo dhoweeyay tallaabooyinka ay qaadeen guddiga xaqiiqo raadinta ah ee uu magacaabay Ra’iisul Wasaaraha ee loo xil saaray kala shaandheynta xubnaha dacwada laga keenay ee guddiyada doorashada heer Federaal iyo heer Dowlad Goboleed.

6/9/2021 10:27 AM EST
Arbaco, Juun, 9, 2021 (HOL) - Guddiga sare ee farsamada doorashooyin dalka ee uu magacaabay Raysal wasaaraha Soomaaliya ayaa maanta kulan koodii ugu horeyay ku yeeshay magaalada Muqdisho wax ka yar 24 saacadood oo aanan wali kasoo wareegan magacaabistooda.

6/9/2021 9:26 AM EST
Arbaco, Juun, 9, 2021 (HOL) - Maxkamada racfaanka ee ciidamada qalabka sida Puntland ayaa soo afmeertay dhegaysiga dacwad racfaan qaadasho oo ay usoo gudbiyeen qareeno udoodaya rag dil lagu xukumay oo lagu sheegay in ay katirsan yihiin Alshabaab kana dambeeyaan qaraxyada iyo dilalka Gaalkcyo.

6/9/2021 7:19 AM EST
Arbaco, Juun, 9, 2021 (HOL) - Waxaa maanta magaalada Muqdisho kulan ku wada yeeshay Guddiga qaban-qaabada maalmaha Xoriyada dalka iyo Hay'addaha kala duwan ee amniga dalka Soomaaliya.

6/9/2021 2:03 AM EST
Arbaco, Juun, 9, 2021 (HOL) - Raysal wasaaraha Soomaaliya Maxamed Xuseen Rooble ayaa magacaabay guddi sare ee farsamo oo u qaabilsan hirgelinta arrimaha doorashooyinka dalka.

6/9/2021 1:35 AM EST
Arbaco, Juun, 9, 2021 (HOL) - Madaxweynaha dalka Faransiiska Emmanuel Macron ayaa goob fagaare ah lagu dharbaaxay xili uu safar ku marayay deegaano ku yaala Koofur bari dalkaasi oo uu ku guda jiray booqasho maalintiisa labaad aheyd uu ku marayo dalkiisa.