3/19/2024
Today from Hiiraan Online:  _
Wararka Maanta- Talaado, Jun 8 , 2021
Taliyaha ciidanka Booliiska Soomaaliyeed oo fariin u diray Saraakiisha iyo ciidanka Booliiska
 

Talaado, Juun, 8, 2021 (HOL) - Taliyaha ciidamada Booliiska Soomaaliya Jenaraal Cabdi Xasan Xijaar oo magaalada Muqdisho kula hadlay warbaahinta ayaa amaro cusub faray saraakiisha iyo ciidanka Booliiska Soomaaliya gaar ahaan kuwa ku sugan koontaroolada laga sugo amaanka Muqdisho.

Taliye Xijaar ayaa sarakiisha iyo ciidamada Booliiska ee ku sugan baraha koontaroolada Muqdisho ka dalbaday in shacabka Soomaaliyeed aay ula dhaqmaan si wanaagsan, xiliyada aay ku jiraan shaqo maalmeedkooda.

"Ciidanka Booliiska meel kasto oo uu joogo waxaan amrayaa in shacabka Soomaaliyeed aay wakiilka ka yihiin iney si wanaagsan ula dhaqmaan sida Koontaroolada, Suuqyada, Saldhigyada, Laamiga, Booliiska waa ilaaliyaha shacabka" ayuu yiri Jenaraal Cabdi Xasan Xijaar.

Hadalka taliyaha Booliiska ayaa imaanaya iyadoo mudooyinkii dambe cabasho xoogaan kasoo yeeraysay shacabka ku dhaqan magaalada Muqdisho oo la xariirto dhibaatooyin aay kala kulmaan ciidamada Booliiska Soomaaliyeed.

Taliye Xijaar ayaa si gaar ah uga dalbaday ciidanka Booliiska iney il gaar ah ku eegaan oo aay u naxariistaan dadka da'da ah Caruurta, iyo haweenka xiliyada aay isticmaalayaan wadooyinka waaweyn.

Jamaal Cali Cabdi, Hiiraan Online
[email protected]













Click here
6/8/2021 1:34 PM EST
Talaado, Juun, 8, 2021 (HOL) - Wafdigan ka socday wasaaradda arrimaha Dibadda Boqortooyada Sacuudiga ee maanta soo gaaray magaalada Muqdisho ayaa la kulmay wasiiru dowlaha Xafiiska Raysal wasaaraha Soomaaliya.

6/8/2021 8:19 AM EST
Talaado, Juun, 8, 2021 (HOL) - Waddamada reer Yurub, ayaa ugu hambalyeeyay shacabka, xukuumada, koomiishanka doorashooyinka iyo xisbiyada siyaasada, sidi guusha lahayd ee ay u qabteen doorashooyinkii wakiilada iyo deegaanka.

6/8/2021 8:12 AM EST
Talaado, Juun, 8, 2021 (HOL) - Hoggamiyaha xisbiga wadajir, Cabdiraxmaan Cabdishakuur Warsame ayaa Raysal wasaaraha Soomaaliya ugu baaqay inuu si degdeg ah u soo faro galiyo walaaca laga muujinayo bedqabka dhalinyarada Soomaaliyeed ee tababarka ciidan loogu qaaday dalka Eritrea.

6/8/2021 7:11 AM EST
Talaado, Juun, 8, 2021 (HOL) - Warbixin uu soo saaray xafiiska Qaramada Midoobay ee Soomaaliya ayaa lagu sheegay in ciidamadii Soomaaliya ee tababarka ciidan ku qaadanayay dalka Eriteriya, ay ka qeyb qaateen dagaalada ka socda gobolka Tigray ee dalka itoobiya.

6/8/2021 6:40 AM EST
Talaado, Juun, 8, 2021 (HOL) - Wasiirka wasaaradda Howlaha Guud iyo Guryenta Xukuumada Fedaraalka Soomaaliya Maxamed Aadan Macalin, Maxamed Soomaali ayaa shaaciyay waqtiga kama dambeysta ah ee la furaayo ama xariga laga jaraayo dhismaha wadada xariirisa Muqdisho iyo Afgooye.

6/8/2021 2:18 AM EST
Talaado, Juun, 8, 2021 (HOL) - Qaraxan oo ahaa miinada nooca dhulka lagu aaso ee laga hago meelaha fog fog ayaa ka dhacay Bar-koontarool oo aay ciidamo ka tirsan Booliiska Soomaaliya ku leeyihiin Xeebta Jasiira ee duuleedka magaalada Muqdisho.

6/8/2021 1:35 AM EST
Talaado, Juun, 8, 2021 (HOL) - Wararka ka imaanaya magaalada Mandhera ee dalka Kenya ayaa sheegaya in ciidamo ka tirsan Al-shabaab aay weerar ku qaadeen goob aay ku sugnayeen ciidamo ka tirsan Booliiska dalka Kenya oo ku taala Waqooyiga Mandheera.