10/26/2021
Today from Hiiraan Online:  _
Wararka Maanta- Axad, Jun 6 , 2021
Puntland: Waan ku guulaysanay in Shacabka Sool iyo Sanaag aysan ka qeyb galin doorashada Somaliland
 

Axad, Juun, 6, 2021 (HOL) - Puntland ayaa sheegtay in ay ku guulaystay in shacabka gobolada Sool, Sanaag iyo degmada Buuhoodle ee gobolka Togdheer aysan ka qeyb galin  doorashooyinka Somaliland ee heer barlamaan iyo heer deegaan.

Dadka kasoo jeeda goboladaas ayaa tiro aad u yar ka helay kuraasta barlamaanka Somaliland, taasoo loo aaneeynayo in aysan dadweynuhu sidii la rabay uga qeyb qaadan coddaynta doorashooyinka isku sidkanaa.

Wasiir ku xigeenka arrimaha gudaha Puntland, Maxamed Musadaq Maxamed oo la hadlay warbaahinta ku hadasha afka maamulka Puntland, ayaa sheegay, in sanad ka hor la qorsheeyay in laga hor yimaado in Somaliland diiwaan galin ka sameyso goboladaas iyo deegaanada hoos yimaado.

“Puntland waxay culays xoogan saartay in shacabka goboladaas ku nool ay codkooda oo midaysan uga qeyb qaataan doorashooyinka soo socda ee Puntland. Waan ku guulaysanay in aan ka hor imaano doorasho beenaadka  lagasoo abaabulo Hargeysa,” ayuu yiri wasiir ku xigeenka arrimaha gudaha.

Dhawaan ayay ahayd markii wasiirka arrimaha gudaha Puntland, Maxamed Cabdiraxmaan Dhabancad uu sheegay inay wadaan qorshayayaal ay Puntland dib ugusoo ceshanayso dhulka ka maqan, iyadoo loo marayo hannaan siyaasideed oo lagusoo jiidanayo kalsoonida bulshada.

Abdiweli M. Sheikh, Hiiraan Online












Click here
6/6/2021 1:46 PM EST
Axad, Juun, 6, 2021 (HOL) - Ciidamada Booliiska Soomaaliya ayaa sheegay iney gacanta ku dhigeen eedeysane Bashiir Cabdi Xasan oo dhawaan la sheegay inuu Xaaskiisii Salaado Faarax Cali uu ku dilay degmada Warta-nabadda ee gobolka Banaadir.

6/6/2021 12:40 PM EST
Axad, Juun, 6, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta xafiiskiisa ku qaabbilay Madaxa howlgalka Soomaaliya ee hay’adda Socdaalka adduunka ee IOM, Richard Danziger.

6/6/2021 10:10 AM EST
Axad, Juun, 6, 2021 (HOL) - Guddoomiye ku xigeenka koowaad ee xisbiga Kulmiye Axmed Cabdi dheere, ayaa sheegay in xisbiyada mucaaradku ay xaq uleeyihiin in ay is bahaystaan.

6/6/2021 9:38 AM EST
Axad, Juun, 6, 2021 (HOL) - Barkhad Jaamac Xirsi Batuun oo warbaahinta la hadlay ayaa guushiisa ku macneeyay in ay tahay mid jabisay dayrkii qablayada, hayb-sooca iyo yasitaanka isla markaana ay tahay astaan qaran.

6/6/2021 8:29 AM EST
Axad, Juun, 6, 2021 (HOL) - Barkhad Jaamac Xirsi Batuun oo kasoo jeeda bulshada loogu yeedho “beelaha lahayb sooco” oo aan abid matalaad ku yeelan golayaasha Somaliland, ayaa guul taariikhi ah kaso hooyay doorashadii wakiilad ee Somaliland.

6/6/2021 7:19 AM EST
Axad, Juun, 6, 2021 (HOL) - Hoggaamiyaha Xisbiga Wadajir ahna Musharax Madaxweyne C/raxmaan C/shakuur Warsame oo goordhaw Shirjaraa'id ku qabtay magaalada Muqdisho ayaa si adag uga horyimid hanaanka loo maray turxaan bixinta xubnaha guddiyada doorashooyinka heer Fedaraal iyo heer dowlad goboleed aaysan waxba ka duwaneen qaabkii horay loogu magacaabay.

6/6/2021 6:53 AM EST
Axad, Juun, 6, 2021 (HOL)- Xisbiyada mucaaradka Somaliland ee UCID iyo Waddani, ayaa ku dhawaaqay in ay ku midoobeen isbahaysi siyaasadeed, oo ay xisbiga Kulmiye kagala wareegayaan aqlabiyada golayaasha deegaanka iyo wakiilada.

6/6/2021 2:08 AM EST
Axad, Juun, 6, 2021 (HOL) - Guddigii uu Raysal wasaaraha Soomaliya dhawaan u xilsaaray soo xaqiijinta xubnaha guddiyada doorashooyinka dalka ee tabashada laga soo gudbiyay ayaa ku dhawaaqay in 34 xubnood laga saaray liiska guddiyada doorashoyinka heer Fedaraal iyo heer dowlad goboleed.

6/6/2021 1:59 AM EST
Axad, Juun, 6, 2021 (HOL) - Howlgalka Midowga Afrika ee AMISOM ayaa jawaab kasoo saaray bayaan ay soo saartay Wasaaradda Arrimaha Dibadda Soomaaliya oo ku saabsan in diyaaradaha dagaalka Kenya ay duqeymo aan kala sooc lahayn la beegsadeen dadka rayidka ee gobolka Gedo.

6/6/2021 12:32 AM EST
Axad, Juun, 6, 2021 (HOL) - Natiijada hordhaca ah ee doorashooyinka golayaasha deegaanka iyo wakiilada ee degmada Hargaysa iyo gobolka Maroodijeex, oo aad loo sugayay ayaa lagu dhawaaqay.