3/28/2024
Today from Hiiraan Online:  _
Wararka Maanta- Axad, Jun 6 , 2021
Maxay ka dhigantahay guusha Barkhad Jaamac Batuun uu ka gaadhay doorashooyinka Somaliland ?
 

Axad, Juun, 6, 2021 (HOL) - Barkhad Jaamac Xirsi Batuun oo kasoo jeeda bulshada loogu yeedho “beelaha lahayb sooco” oo aan abid matalaad ku yeelan golayaasha Somaliland, ayaa guul taariikhi ah kaso hooyay doorashadii wakiilad ee Somaliland.

Batuun oo ka sharaxnaa xisbiga Waddani, ayaa kusoo baxay codadkii ugu badnaa ee abid qof musharax golaha wakiilada ahi kusoo baxo taariikhda Somaliland, isagoo helay codad ka badan 20 kun oo cod.

Guusha taariikhiga ah ee Batuun ayay dad badani rumaysanyahiin in ay macno iyo milgo u yeelayso dimuquraadiyada ay Somaliland ku faanto isla markaana ay ka turjumayso dayrkii qabyaalada oo la jabiyay.

“Waxa hubaal ah arrintani in ay ka turjumayso bilowga balaysinka bisaylka bulshada reer Hargaysa, waxay ka turjumaysa boholyawga loo qabo xildhibaano qaran oo aan lagu soo doran isirkooda” sida waxa Facebook giisa ku qoray siyaasi Maxamuud Xaashi Cabdi.

Wasiirka gargaarka dowlada federaalka Soomaaliya Khadiija Maxamed Diiriye, ayaa guusha Batuun ku tilmaantay in ay caddayn u tahay dhab nimada dimuquraadiyada Somaliland.

“Shacabka Somaliland dimuquraadiyada waad ka dhabayseen, afka baarkiisa idinkama aha” ayay tidhi wasiir Khadiija iyada oo qoob ka ciyaar ku ciyaaraysa (dheelaysa) heeso Somaliland loo sameeyay xili ay u debbaal dagaysay guushiisa.

D.R Maxamed Cabdi Gaboose oo horay xilal wasiirnimo uga soo qabtay xukuumadihii kala danbeeyay ee Somaliland, ayaa xiligii ollolaha doorashada lagu jiray sheegay in quruxda doorashada Somaliland ku xidhantahay sida Barkhad laga yeelo.

“Doorashadani waxay xambaarsantahay qiyam iyo qiimo iyo imtixaan balaadhan, astaanta doorashadan gabigeeduba waa Barkhad Jaamac Batuun sida laga yeelo” ayuu yidhi D.R Gaboose.

“Astaanta caalamku eegayo ee inta damiir koodu noolyahay eegayaan waxa weeyi maalinta doorashadu dhamaato halka uu ku dhamaado Barkhad” ayuu D.R Gaboose hadalkiisa kusii daray.

Barkhad Jaamac X. Batuun oo doorashadiisi kadib warbaahinta kala hadlay shacabka Somaliland gaar ahaana bulshada uu kasoo jeedo, ayaa guushisa ku tilmaamay in aytahay mid jibisay dayrkii quudhsiga iyo qabiilka.

“Maanta waxaynu duminay dayrkii dulmiga, waxaynu muujinay muruqeena, maskaxdeena, waxaynu muujinay muwaadinimadeena iyo macnaha aynu dalka ku leenahay” ayuu yidhi.

“Majiri doonto waa laga tiro badanyahay, waala hayb sooca, waala yasaa” ayuu hadalkiisa ku daray.

Guusha Barkhad Jaamac X. Batuun oo noqday xildhibaankii codadkii ugu badnaa abid kusoo baxa ayaa la micno ah jabka qabyaalada iyo quudhsiga iyo in bulshadu u bislaatay in ay qofka ku dooran karaan afkaartiisa siyaasadeed iyada oo aan la eegayn haybtiisa.

Abdilahi Abdi Rahman, Hiiraan Online
[email protected] 












Click here
6/6/2021 1:46 PM EST
Axad, Juun, 6, 2021 (HOL) - Ciidamada Booliiska Soomaaliya ayaa sheegay iney gacanta ku dhigeen eedeysane Bashiir Cabdi Xasan oo dhawaan la sheegay inuu Xaaskiisii Salaado Faarax Cali uu ku dilay degmada Warta-nabadda ee gobolka Banaadir.

6/6/2021 12:40 PM EST
Axad, Juun, 6, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta xafiiskiisa ku qaabbilay Madaxa howlgalka Soomaaliya ee hay’adda Socdaalka adduunka ee IOM, Richard Danziger.

6/6/2021 10:10 AM EST
Axad, Juun, 6, 2021 (HOL) - Guddoomiye ku xigeenka koowaad ee xisbiga Kulmiye Axmed Cabdi dheere, ayaa sheegay in xisbiyada mucaaradku ay xaq uleeyihiin in ay is bahaystaan.

6/6/2021 9:38 AM EST
Axad, Juun, 6, 2021 (HOL) - Barkhad Jaamac Xirsi Batuun oo warbaahinta la hadlay ayaa guushiisa ku macneeyay in ay tahay mid jabisay dayrkii qablayada, hayb-sooca iyo yasitaanka isla markaana ay tahay astaan qaran.

6/6/2021 8:48 AM EST
Axad, Juun, 6, 2021 (HOL) - Puntland ayaa sheegtay in ay ku guulaystay in shacabka gobolada Sool, Sanaag iyo degmada Buuhoodle ee gobolka Togdheer aysan ka qeyb galin doorashooyinka Somaliland ee heer barlamaan iyo heer deegaan.

6/6/2021 7:19 AM EST
Axad, Juun, 6, 2021 (HOL) - Hoggaamiyaha Xisbiga Wadajir ahna Musharax Madaxweyne C/raxmaan C/shakuur Warsame oo goordhaw Shirjaraa'id ku qabtay magaalada Muqdisho ayaa si adag uga horyimid hanaanka loo maray turxaan bixinta xubnaha guddiyada doorashooyinka heer Fedaraal iyo heer dowlad goboleed aaysan waxba ka duwaneen qaabkii horay loogu magacaabay.

6/6/2021 6:53 AM EST
Axad, Juun, 6, 2021 (HOL)- Xisbiyada mucaaradka Somaliland ee UCID iyo Waddani, ayaa ku dhawaaqay in ay ku midoobeen isbahaysi siyaasadeed, oo ay xisbiga Kulmiye kagala wareegayaan aqlabiyada golayaasha deegaanka iyo wakiilada.

6/6/2021 2:08 AM EST
Axad, Juun, 6, 2021 (HOL) - Guddigii uu Raysal wasaaraha Soomaliya dhawaan u xilsaaray soo xaqiijinta xubnaha guddiyada doorashooyinka dalka ee tabashada laga soo gudbiyay ayaa ku dhawaaqay in 34 xubnood laga saaray liiska guddiyada doorashoyinka heer Fedaraal iyo heer dowlad goboleed.

6/6/2021 1:59 AM EST
Axad, Juun, 6, 2021 (HOL) - Howlgalka Midowga Afrika ee AMISOM ayaa jawaab kasoo saaray bayaan ay soo saartay Wasaaradda Arrimaha Dibadda Soomaaliya oo ku saabsan in diyaaradaha dagaalka Kenya ay duqeymo aan kala sooc lahayn la beegsadeen dadka rayidka ee gobolka Gedo.

6/6/2021 12:32 AM EST
Axad, Juun, 6, 2021 (HOL) - Natiijada hordhaca ah ee doorashooyinka golayaasha deegaanka iyo wakiilada ee degmada Hargaysa iyo gobolka Maroodijeex, oo aad loo sugayay ayaa lagu dhawaaqay.