3/29/2024
Today from Hiiraan Online:  _
Wararka Maanta- Talaado, Jun 29, 2021
Ra’iisul Wasaaraha oo magacaabay guddiga dib-u-heshiisiinta Khilaafaadka Gedo
 

Talaado, Juun, 29, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa isagoo tixraacaya heshiiskii 27-kii May 2021, sidoo kale na tixgelinaya baahida loo qabo dardar gelinta geeddi-socodka doorashada magacaabay Guddiga Dib-u-heshiisiinta Gedo.

Guddiga uu magacaabay Ra’iisul Wasaaraha ayaa ka kooban dowlad goboleedyada, balse waxa aan ku jirin Jubbaland.

Ra’iisul Wasaaraha ayaa faray xubnaha guddiga la magacaabay in si deg deg ah ay u guda galaan xalinta arrimaha khilaafaadka gobolka Gedo, iyagoo latashiyo la sameynaya dhammaan dhinacyada ay khuseyso.

Magacaabidda guddigan ayaa qeyb ka ahayd go’aamadii galabta kasoo baxay gabagabada shirkii golaha wadatashiga qaran oo Muqdisho muddo labo maalin ah uga socday dowladda federalka, dowlad goboleedyada iyo gobolka Banaadir.

Xubnaha loo magacaabay guddiga dib u heshiisiinta gobolka Gedo ayaa kala ah:-

Maxamed Cali Caadle,
Wasiirka Arrimaha Gudaha Hirshabelle

Maxamed Cabdiraxmaan Dhabancad,
Wasiirka Arrimaha Gudaha Puntland

Axmed Madoobe Nuunow,
Wasiirka Arrimaha Gudaha Koonfur Galbeed

Aadan Cusmaan Xuseen,
Wasiirka Boostada iyo isgaarsiinta Galmudug

Abdiweli M. Sheikh, Hiiraan Online












Click here
6/29/2021 11:49 AM EST
Talaado, Juun, 29, 2021 (HOL) - Madaxweynaha Somaliland Muuse Biixi Cabdi ayaa sheegay in horumarka caafimaadka Somaliland uu ku socdo xawaare ka badan ka reer Yurub.

6/29/2021 10:30 AM EST
Talaado, Juun, 29, 2021 (HOL) - Golaha wadatashiga qaran ee doorashada Soomaaliya, ayaa soo saaray Jadwalka doorashada Soomaaliya iyo go’aamo ay ku gaareen Shirka arrimaha doorashada uga socday Muqdisho.

6/29/2021 8:13 AM EST
Talaado, Juun, 29, 2021 (HOL) - Shirka golaha wadatashiga qaran ee doorashooyinka ayaa galabta lagu wadaa in lasoo gabagabeeyo lagana soo saaro war murtiyeed, sida HOL u sheegeen masuuliyiin ka agdhow shirka.

6/29/2021 7:43 AM EST
Talaado, Juun, 29, 2021 (HOL) - Hoggaamiyaha golaha kacdoonka Hiiraan Jenaraal Abuukar Xaaji Warsame Xuud ayaa markale dhaliil adag u jeediyay Raysal wasaraaha Soomaaliya.

6/29/2021 7:18 AM EST
Talaado, Juun, 29, 2021 (HOL) - Waxaa maalintii labaad galay shirka golaha wadatashiga qaran oo u dhaxeeya madaxda Fedaraalka, kuwa dowlad goboleedyada dalka iyo gobolka Banaadir.

6/29/2021 3:39 AM EST
Talaado, Juun, 29, 2021 (HOL) - Urur goboleedka IGAD ayaa ka codsaday dowladaha Soomaaliya iyo Kenya in doorashadooda soo socota ay u qabsoonto si habsami iyo nabad ah.

6/29/2021 2:38 AM EST
Talaado, Juun, 29, 2021 (HOL) - Warar dheeraad ah ayaa kasoo baxaya dagaal u dhaxeeyay ciidamada dowladda iyo kuwa Jubbaland oo dhinac ah iyo kuwa Al-shabaab oo xalay ka dhacay degmada Afmadow ee gobolka Jubbada Hoose.

6/29/2021 2:22 AM EST
Talaado, Juun, 29, 2021 (HOL) - Xafiiska raysal wasaaraha Soomaaliya ayaa beeniyay in wax ka bedel lagu sameynayo heshiiskii doorasho ee 27 kii May, kadib markii raysal wasaaraha Soomaaliya uu isugu yeeray dowlad goboleedyada.