12/9/2021
Today from Hiiraan Online:  _
Wararka Maanta- Talaado, Jun 29, 2021
Janeraal Abuukar Xuud oo dhaliil adag u jeediyay Raysal wasaaraha Soomaaliya
 

Talaado, Juun, 29, 2021 (HOL) - Hoggaamiyaha golaha kacdoonka Hiiraan Jenaraal Abuukar Xaaji Warsame Xuud ayaa markale dhaliil adag u jeediyay Raysal wasaraaha Soomaaliya.

Jenaraal Abuukar Xuud ayaa Raysal wasaaraha Soomaaliya Maxamed Xuseen Rooble ku eedeyay inuu iska indha tiraayo tabashada reer Hiiraan aay ka qabaan maamulka Hirshabeelle.

"Wax wanaagsan ma ahan inuu Raysal wasaaraha iska indha tiro rabitaanka dadka reer Hiiraan waxaan horay ugu sheegnay inuu Cali Guudlaawe matalin Hiiraan oo aanan laga qeyb galinin shirarka Muqdisho waana nasiib daro inuu wali shirarka ka qeyb galo Cali Guudlaawe" ayuu yiri Jenaraal Xuud.

Janeraalka ayaa ugu baaqay dowladda Soomaaliya iney ilaaliso nidaamka awood qeybsiga, islamarkaana tilmaamay in hal beel aay isku qaadatay kursiga gobolka Banaadir iyo Hirshabeelle, taasina ay tahay mid xaqdaro ah waa sida uu hadalka u dhigaye Jenaraal Abuukar Xuud.

Waxuu sidoo kale sheegay in kuraasta Xildhibaanada labada aqal ee Baledweyne lagu dooran doono aay damaanad qaadayaan amniga goobaha aay doorashada ka dhacayaan.

"Waxaan u sheegaya Xildhibaanadii reer Hiiraan matalayay ee soo fashilmay ineysan markale isku soo haleyn laaluush in lagu doorto, waxaan dooran doona Xildhibaano waxtar u leh dadka reer Hiiraan, Soomaalida kalana waxan ugu baaqaya iney ka hortagan dib u doorashada kuwa laaluushka wax ku raadiyo ee aan waxba tarin dadkooda" ayuu yiri Jenaraal Abuukar Xuud.

Hadalka Jenaraal Xuud ayaa imaanaya xili maalintii labaad uu galay shirka golaha wadatashiga qaran ee madaxda Fedaraalka, kuwa dowlad goboleedyada iyo gobolka Banaadir.

Jamaal Cali Cabdi, Hiiraan Online
[email protected]

   













Click here
6/29/2021 11:49 AM EST
Talaado, Juun, 29, 2021 (HOL) - Madaxweynaha Somaliland Muuse Biixi Cabdi ayaa sheegay in horumarka caafimaadka Somaliland uu ku socdo xawaare ka badan ka reer Yurub.

6/29/2021 10:52 AM EST
Talaado, Juun, 29, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa isagoo tixraacaya heshiiskii 27-kii May 2021, sidoo kale na tixgelinaya baahida loo qabo dardar gelinta geeddi-socodka doorashada magacaabay Guddiga Dib-u-heshiisiinta Gedo.

6/29/2021 10:30 AM EST
Talaado, Juun, 29, 2021 (HOL) - Golaha wadatashiga qaran ee doorashada Soomaaliya, ayaa soo saaray Jadwalka doorashada Soomaaliya iyo go’aamo ay ku gaareen Shirka arrimaha doorashada uga socday Muqdisho.

6/29/2021 8:13 AM EST
Talaado, Juun, 29, 2021 (HOL) - Shirka golaha wadatashiga qaran ee doorashooyinka ayaa galabta lagu wadaa in lasoo gabagabeeyo lagana soo saaro war murtiyeed, sida HOL u sheegeen masuuliyiin ka agdhow shirka.

6/29/2021 7:18 AM EST
Talaado, Juun, 29, 2021 (HOL) - Waxaa maalintii labaad galay shirka golaha wadatashiga qaran oo u dhaxeeya madaxda Fedaraalka, kuwa dowlad goboleedyada dalka iyo gobolka Banaadir.

6/29/2021 3:39 AM EST
Talaado, Juun, 29, 2021 (HOL) - Urur goboleedka IGAD ayaa ka codsaday dowladaha Soomaaliya iyo Kenya in doorashadooda soo socota ay u qabsoonto si habsami iyo nabad ah.

6/29/2021 2:38 AM EST
Talaado, Juun, 29, 2021 (HOL) - Warar dheeraad ah ayaa kasoo baxaya dagaal u dhaxeeyay ciidamada dowladda iyo kuwa Jubbaland oo dhinac ah iyo kuwa Al-shabaab oo xalay ka dhacay degmada Afmadow ee gobolka Jubbada Hoose.

6/29/2021 2:22 AM EST
Talaado, Juun, 29, 2021 (HOL) - Xafiiska raysal wasaaraha Soomaaliya ayaa beeniyay in wax ka bedel lagu sameynayo heshiiskii doorasho ee 27 kii May, kadib markii raysal wasaaraha Soomaaliya uu isugu yeeray dowlad goboleedyada.