12/9/2021
Today from Hiiraan Online:  _
Wararka Maanta- Talaado, Jun 29, 2021
Xafiiska raysal wasaaraha Soomaaliya oo beeniyay in wax ka bedel lagu sameynayo heshiiskii doorashada
 

Talaado, Juun, 29, 2021 (HOL) - Xafiiska raysal wasaaraha Soomaaliya ayaa beeniyay in wax ka bedel lagu sameynayo heshiiskii doorasho ee 27 kii May, kadib markii raysal wasaaraha Soomaaliya uu isugu yeeray dowlad goboleedyada.

Afhayeenka xukuumada Soomaaliya, Maxamed Ibraahim Macalimow ayaa warbaahinta u sheegay in shirka Muqdisho ka furmay uu yahay shir lagusii xoojinayo fulinta qodobada heshiiskii 27-ka May.

“Ma jirto wax qorshe ah oo laga leeyahay in la bedelo heshiiskii 27-ka May,” ayuu yiri afhayeenka xukuumada Soomaaliya.

Hadalka kasoo yeeray xafiiska raysal wasaaraha Soomaaliya ayaa yimid xilli ay soo baxayeen warar ku saabsan in caasimadaha lagusoo koobayo doorashooyinka xildhibaanada aqalka hoose.

Arrinta illaa iyo hadda la hubo in wax ka bedel lagu sameynayo ayaa ah jadwalka doorashada, waxaana raysal wasaaraha Soomaaliya uu sheegay in kala shaandhaynta guddiyada doorashada ay qaadatay ku dhawaad muddo bil ah.

Golaha wadatashiga qaranka waxaa la filayaa in ay jeexaan jadwal cusub oo doorasho, oo keenaysa in muddo dhowr bil ah doorashada dib loo dhigo.

Abdiweli M. Sheikh, Hiiraan Online












Click here
6/29/2021 11:49 AM EST
Talaado, Juun, 29, 2021 (HOL) - Madaxweynaha Somaliland Muuse Biixi Cabdi ayaa sheegay in horumarka caafimaadka Somaliland uu ku socdo xawaare ka badan ka reer Yurub.

6/29/2021 10:52 AM EST
Talaado, Juun, 29, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa isagoo tixraacaya heshiiskii 27-kii May 2021, sidoo kale na tixgelinaya baahida loo qabo dardar gelinta geeddi-socodka doorashada magacaabay Guddiga Dib-u-heshiisiinta Gedo.

6/29/2021 10:30 AM EST
Talaado, Juun, 29, 2021 (HOL) - Golaha wadatashiga qaran ee doorashada Soomaaliya, ayaa soo saaray Jadwalka doorashada Soomaaliya iyo go’aamo ay ku gaareen Shirka arrimaha doorashada uga socday Muqdisho.

6/29/2021 8:13 AM EST
Talaado, Juun, 29, 2021 (HOL) - Shirka golaha wadatashiga qaran ee doorashooyinka ayaa galabta lagu wadaa in lasoo gabagabeeyo lagana soo saaro war murtiyeed, sida HOL u sheegeen masuuliyiin ka agdhow shirka.

6/29/2021 7:43 AM EST
Talaado, Juun, 29, 2021 (HOL) - Hoggaamiyaha golaha kacdoonka Hiiraan Jenaraal Abuukar Xaaji Warsame Xuud ayaa markale dhaliil adag u jeediyay Raysal wasaraaha Soomaaliya.

6/29/2021 7:18 AM EST
Talaado, Juun, 29, 2021 (HOL) - Waxaa maalintii labaad galay shirka golaha wadatashiga qaran oo u dhaxeeya madaxda Fedaraalka, kuwa dowlad goboleedyada dalka iyo gobolka Banaadir.

6/29/2021 3:39 AM EST
Talaado, Juun, 29, 2021 (HOL) - Urur goboleedka IGAD ayaa ka codsaday dowladaha Soomaaliya iyo Kenya in doorashadooda soo socota ay u qabsoonto si habsami iyo nabad ah.

6/29/2021 2:38 AM EST
Talaado, Juun, 29, 2021 (HOL) - Warar dheeraad ah ayaa kasoo baxaya dagaal u dhaxeeyay ciidamada dowladda iyo kuwa Jubbaland oo dhinac ah iyo kuwa Al-shabaab oo xalay ka dhacay degmada Afmadow ee gobolka Jubbada Hoose.