12/6/2021
Today from Hiiraan Online:  _
Wararka Maanta- Khamiis, Jun 24, 2021
Dowladda Maraykanka oo si adag u cambaareysay duqayn ciidamada Itoobiya ka geysteen gobolka Tigray
 

Khamiis, Juun, 24, 2021 (HOL) - Dowladda Mareykanka ayaa sheegtay in ay si aad ah uga walaacsan tahay wararka sheegaya in daraasiin dad rayid ah lagu dilay intii lagu guda jiray duqeyn 22-kii bishan lala beegsaday suuq ku yaal waqooyiga Tigray.

Maraykanka ayaa si adag u cambaareeyay falkaas. Waxaa sidoo kale jira warar lagu kalsoonaan karo oo sheegaya in ciidamada Ethiopia ay u diideen shaqaalaha caafimaadka inay booqdaan dhibbanayaasha weerarkan lala beegsaday.

“Waa mid aad u foolxun oo aan gebi ahaanba la aqbali karin. Waxaan ka codsaneynaa mas'uuliyiinta Itoobiya inay hubiyaan in si dhakhso leh u helaan dhibbanayaasha gargaar caafimaad,” ayaa lagu yiri qoraal kasoo baxay wasaarada arrimaha dibadda Maraykanka.

Maraykanka ayaa sidoo kale ku baaqey baaritaan deg-deg ah oo madax-bannaan, iyo sidoo kale tallaabo ku haboon kuwa mas'uulka ka ah weerarkan.

Mareykanku wuxuu mar labaad ku booriyay xabad joojin deg deg ah oo ka dhacda gobolka colaaduhu aafeeyeen ee Tigray iyo helitaanka gargaarka bani'aadamnimada oo aan la hor istaagin, iyo ilaalinta dadka rayidka ah.

Abdiweli M. Sheikh, Hiiraan Online












Click here
6/24/2021 11:47 AM EST
Khamiis, Juun, 24, 2021 (HOL) - Bangiga dhexe ee Soomaaliya ayaa maanta shaaciyay in la qaadan karo lacagta kontonka dollarka, taasoo bilihii ugu dambeeyay laga diidanaa suuqyada sarifka iyo bangiyada kuyaala Soomaaliya.

6/24/2021 10:20 AM EST
Khamiis, Juun, 24, 2021 (HOL) - Wajiga koobaad ee dhismaha dekeda Berbera, oo ay hirgalisay shirkada DP World, ayaa maanta si rasmi ah loo furay.

6/24/2021 10:12 AM EST
Khamiis, Juun, 24, 2021 (HOL) - Taliyaha ciidamada Booliiska Soomaaliya Cabdi Xasan Maxamed Xijaar ayaa maanta Xafiiskiisa magaalada Muqdisho ku qaabilay wafdi ka socday Booliiska Caalamiga ah ee INTERPOL.

6/24/2021 7:56 AM EST
Khamiis, Juun, 24, 2021 (HOL) - Dowladda Soomaaliya ayaa magaalada Tokyo ee caasimadda Japan u diraysa ciyaartooydii ugu horeysay ee uga qeyb galaya cayaaraha Taekwondo-ga oo muddo bil kadib dalkaas ka bilaabanaya.

6/24/2021 7:24 AM EST
Khamiis, Juun, 24, 2021 (HOL) - Wararka ka imaanaya magaalada Nairobi ee dalka Kenya ayaa sheegaya in subaxnimadii hore ee maanta diyaraad nooca loo yaqaano Helikobtar oo u safreysay layli aay ku dhacday duleedka magaalada Nairobi.

6/24/2021 7:02 AM EST
Khamiis, Juun, 24, 2021 (HOL) - Dagaalamayaasha Al-shabaab ayaa sheegtay iney la wareegeen deegaano badan oo ku yaala gobolka Sh/dhexe oo aay isaga baxeen ciidamada dowladda Soomaaliya.

6/24/2021 5:32 AM EST
Khamiis, Juun, 24, 2021 (HOL) - Madaxweynaha Somaliland Muuse Biixi Cabdi, ayaa qaabilay wufuud ka kala timid wadamada Itoobiya iyo Gini Bissau oo Berbera u yimid ka qayb galka furitaanka dekeda.

6/24/2021 2:42 AM EST
Khamiis, Juun, 24, 2021 (HOL) - Ciidanka Badda Puntland ee PMPF ayaa xeebta degmada Qandala ee gobolka Bari ku qabtay Markab si sharci darro uga Kalluumaysanaayey Badda Soomaaliya.

6/24/2021 2:30 AM EST
Khamiis, Juun, 24, 2021 (HOL) - Ciidamada Falaagada TPLF ayaa la sheegay iney la wareegeen xarunta Raadeerada ee la socodka duulimaadyada gobolka Tigray.

6/24/2021 1:47 AM EST
Khamiis, Juun, 24, 2021 (HOL) - Warar dheeraad ah ayaa kasoo baxaya dagaal culus oo ciidamada dowladda iyo kuwa AMISOM oo isku dhinac ah iyo dagaalmayaasha Al-shabaab ku dhexmray deegaanka Biyo cadde ee gobolka Sh/dhexe.