12/6/2021
Today from Hiiraan Online:  _
Wararka Maanta- Khamiis, Jun 24, 2021
Puntland oo gacanta ku dhigtay Markab si sharci darro ah uga kalluumaysanayay xeebaha gobolka Bari


Khamiis, Juun, 24, 2021 (HOL) - Ciidanka Badda Puntland ee PMPF ayaa xeebta degmada Qandala ee gobolka Bari ku qabtay Markab si sharci darro uga Kalluumaysanaayey Badda Soomaaliya.

Sarkaal katirsan ciiddan badda Puntland oo lagu magacaabo Maxamed Axmed Cafiis ayaa warbaahinta u sheegay in howlgal ciiddanku qaadeen 19-kii bishaan ay ku qabteen markabka oo ku sugnaa xeebta Qandala.

Sarkaalkan wuxuu sheegay in ay markabka la socdeen toban shaqaale ah islamarkaana aysan wax iska caabin ah kala kulmin markii ay gacanta ku dhigayeen.

Markabkan ma haysan wax sharciyad ah oo kaga kalluumaysanayay xeebaha Soomaaliya , waxaana uu qeyb ka yahay boqolaal maraakiib ah oo maalin walba jarriif ku haya kheyraadka badda Soomaaliya.

Sanadkan bilowgiisii ayay ahayd markii maamulka Puntland uu gacanta ku dhigay toban doonyood iyo shaqaalihii la socday oo si sharci darro ah uga kalluumaysanayay xeebaha Puntland.

Abdiweli M. Sheikh, Hiiraan Online












Click here
6/24/2021 11:47 AM EST
Khamiis, Juun, 24, 2021 (HOL) - Bangiga dhexe ee Soomaaliya ayaa maanta shaaciyay in la qaadan karo lacagta kontonka dollarka, taasoo bilihii ugu dambeeyay laga diidanaa suuqyada sarifka iyo bangiyada kuyaala Soomaaliya.

6/24/2021 10:20 AM EST
Khamiis, Juun, 24, 2021 (HOL) - Wajiga koobaad ee dhismaha dekeda Berbera, oo ay hirgalisay shirkada DP World, ayaa maanta si rasmi ah loo furay.

6/24/2021 10:12 AM EST
Khamiis, Juun, 24, 2021 (HOL) - Taliyaha ciidamada Booliiska Soomaaliya Cabdi Xasan Maxamed Xijaar ayaa maanta Xafiiskiisa magaalada Muqdisho ku qaabilay wafdi ka socday Booliiska Caalamiga ah ee INTERPOL.

6/24/2021 7:56 AM EST
Khamiis, Juun, 24, 2021 (HOL) - Dowladda Soomaaliya ayaa magaalada Tokyo ee caasimadda Japan u diraysa ciyaartooydii ugu horeysay ee uga qeyb galaya cayaaraha Taekwondo-ga oo muddo bil kadib dalkaas ka bilaabanaya.

6/24/2021 7:24 AM EST
Khamiis, Juun, 24, 2021 (HOL) - Wararka ka imaanaya magaalada Nairobi ee dalka Kenya ayaa sheegaya in subaxnimadii hore ee maanta diyaraad nooca loo yaqaano Helikobtar oo u safreysay layli aay ku dhacday duleedka magaalada Nairobi.

6/24/2021 7:02 AM EST
Khamiis, Juun, 24, 2021 (HOL) - Dagaalamayaasha Al-shabaab ayaa sheegtay iney la wareegeen deegaano badan oo ku yaala gobolka Sh/dhexe oo aay isaga baxeen ciidamada dowladda Soomaaliya.

6/24/2021 5:32 AM EST
Khamiis, Juun, 24, 2021 (HOL) - Madaxweynaha Somaliland Muuse Biixi Cabdi, ayaa qaabilay wufuud ka kala timid wadamada Itoobiya iyo Gini Bissau oo Berbera u yimid ka qayb galka furitaanka dekeda.

6/24/2021 3:14 AM EST
Khamiis, Juun, 24, 2021 (HOL) - Dowladda Mareykanka ayaa sheegtay in ay si aad ah uga walaacsan tahay wararka sheegaya in daraasiin dad rayid ah lagu dilay intii lagu guda jiray duqeyn 22-kii bishan lala beegsaday suuq ku yaal waqooyiga Tigray.

6/24/2021 2:30 AM EST
Khamiis, Juun, 24, 2021 (HOL) - Ciidamada Falaagada TPLF ayaa la sheegay iney la wareegeen xarunta Raadeerada ee la socodka duulimaadyada gobolka Tigray.

6/24/2021 1:47 AM EST
Khamiis, Juun, 24, 2021 (HOL) - Warar dheeraad ah ayaa kasoo baxaya dagaal culus oo ciidamada dowladda iyo kuwa AMISOM oo isku dhinac ah iyo dagaalmayaasha Al-shabaab ku dhexmray deegaanka Biyo cadde ee gobolka Sh/dhexe.