11/30/2021
Today from Hiiraan Online:  _
Wararka Maanta- Arbaco, Jun 23, 2021
Wafdi uu hoggaaminaayo Danjiraha Sweden oo gaaray magaalada Baledweyne


Arbaco, Juun, 23, 2021 (HOL) - Wafdigan uu hoggaaminayo Safiirka wadanka Sweden u fadhiya Soomaaliya Staffan Tillander ayaa goordhaw gaaray magaalada Baledweyne ee xarunta gobolka Hiiraan.

Wafdiga Danjiraha Sweden ee Soomaaliya waxaa garoonka diyaaradaha Ugaas Khaliif Baledweyne kuso dhaweeyay madaxda maamulka Hirshabeelle, kan gobolka iyo degmada, Saraakiisha ciidamada dowladda iyo kuwa AMISOM.

Soo dhaweynta kadib waxay kormeer ku tageen wafdiga deegaanka Hilikilyo oo ka mid ah deegaanada laga hirgeliyay biyo xireenada fatahaada wabiga Shabeelle, halkaaso aheyd meelaha ugu daran ee wabiga karkaarada ka jabsan jiray sanadahii lasoo dhaafay.

Ujeedada wafdigan Baledweyne usoo gaareen ayaa lagu sheegay iney tahay ka qeyb qaadashada wax ka qabashada arrimaha fatahaadaha ee kusoo laablaabtay magaalada Baledweyne ee xarunta gobolka Hiiraan.

Gabagabadii wafdiga Danjiraha dalka sweden ee Soomaaliya ayaa lagu wadaa iney kulan gaar ah la qaataan madaxweyne ku xigeenka maamulka Hirshabeelle Yuusuf Axmed Hagar Dabageed, kaaso la sheegay in diirada lagu saari doono sidii wax looga qaban lahaa fatahaada wabiga Shebeelle uu ka geysto deegaanada maamulka Hirshabeelle.

Dhinaca kale madaxweyne ku xigeenka Hirshabeelle ayaa magacaabay guddi heer wasiiro ah oo qaabilsan soo dhaweynta wafuuda ugana warbixiya mashaariicda iyo howlaha la xariira arrimaha fatahaadaha ee ka socda gobolka Hiiraan.

Jamaal Cali Cabdi, Hiiraan Online
[email protected]













Click here
6/23/2021 2:26 PM EST
Arbaco, Juun, 23, 2021 (HOL) - Wasaaradda Shaqada iyo Arrimaha Bulshada Xukuumadda Federaalka Soomaaliya ayaa maanta si rasmi ah uga daahfurtay siyaasadda qaran ee Shaqaalaynta, munaasabad ka dhacday caasimadda Muqdisho.

6/23/2021 8:35 AM EST
Arbaco, Juun, 23, 2021 (HOL) - Masuuliyiin ka tirsan xisbiga Waddani, ayaa beeniyay warka musharixiin Waddani ah oo ku eedeyay in xisbiga Waddani laftiisu xaday codkii ay bulshada ka heleen.

6/23/2021 7:42 AM EST
Arbaco, Juun, 23, 2021 (HOL) - Dhaqdhaqaaqa Al-shabaab ayaa shalay galinkii dambe goob fagaare ah oo ku taala deegaanka Shaw ee gobolka Hiiraan ku fuliyay xukun dil toogasho ah.

6/23/2021 7:10 AM EST
Arbaco, Juun, 23, 2021 (HOL) - Ururka Al-shabaab ayaa maanta oo Arbaca ah si rasmi ah u sheegtay masuuliyada dilkii loo geystay habeen hore guddoomiyahii Ururka dhalinyarada gobolka Hiiraan Faarax Cabdi Cali oo loo yaqiinay Faarax diir.

6/23/2021 6:54 AM EST
Arbaco, Juun, 23, 2021 (HOL) - Guddoomiyaha maxkamada sare ee Somaliland Adan Xaaji Cali, ayaa sheegay in maanta ay bilaabeen dhagysiga 23 dacwadood oo musharixiin uso gudbisay.

6/23/2021 2:45 AM EST
Arbaco, Juun, 23, 2021 (HOL) - Wararka ka imaanaya dalka Itoobiya gaar ahaan gobolka Waqooyi ee Tigray ayaa sheegaya in halkaasi uu dib uga bilawday dagaal u dhaxeeya ciidamada dowlada dalkaasi iyo ciidamo Falaagada.

6/23/2021 2:25 AM EST
Arbaco, Juun, 23, 2021 (HOL) - Warar dheeraad ah ayaa kasoo baxaya dagaal u dhaxeeyay ciidanka Haramcad iyo kuwa Al-shabaab oo xalay ka dhacay deegaanka Xaawo Cabdi ee duleedka magaalada Muqdisho.