3/28/2024
Today from Hiiraan Online:  _
Wararka Maanta- Talaado, July 6 , 2021
Askarigii ardayga ku toogtay Boorama oo la xidhay iyo maamulka gobolka Awdal oo ka hadlay
 

Talaado, Luulyo, 6, 2021 (HOL) - Waxa xabsiga loo taxabay askarigii toogtay Ibrahim Cabdishakur Ibrahim, oo aha arday engineering ka baranayay jaamacada Camuud ee Boorama.

Mayorka degmada Boorama Maxammed Axmed Warsame, ayaa warbaahinta u xaqiijiyay xadhiga askariga dilka gaystay.

"Marwalba shilalku way dhacaan, tacsi ayaanu u diraynaa qoyska iyo qarabadi, askarigi gacanta gaystayna wuu xidhanyahay" ayuu yidhi.

Badhasaabka gobolka Awdal Maxammed Axmed Caalin Tiimbaro, ayaa sheegay in booliisku baadhis ku hayo dhacdadan.

"Shilkaasi siduu u dhacay booliiska ayaa gacanta ku haya" ayuu yidhi Tiimbaro.

Gudoomiyaha jaamacada Camuud Saleebaan Axmed Guuleed, ayaa isna tacsi u diray qoyskii iyo qaraabadii isago sheegay in is afdhaaf dhex maray askariga iyo ardayga uu sababay dilka.

Ardayga dhintay maydkiisa ayaa lagu hayaa isbitaalka Boorama, askariga dilka gaystayna waala xidhay oo baadhis ayaa ku socota.

Abdilahi Abdi Rahman, Hiiraan Online
[email protected]
















Click here
7/6/2021 5:08 PM EST
Talaado, Luulyo, 6, 2021 (HOL) - Abwaan Yuusuf Cismaan Cabdulle (Yusuf Shaacir), ayaa sheegay in aanu aqbalin shaqo laga siiyay wasaarada waxbarashada Soomaaliya.

7/6/2021 4:59 PM EST
Talaado, Luulyo, 6, 2021 (HOL) - Markab laga leeyahay dalka Itoobiya oo lagu magacaabo Gibe, ayaa kuso xidhay dekeda Berbera.

7/6/2021 12:03 PM EST
Talaado, Luulyo, 6, 2021 (HOL) - Puntland ayaa saraakiil ciiddan u xirtay maxbuus ku xukunmaa dil toogasho ah oo baxsaday, sida uu sheegay afhayeenka ciiddanka asluubta Puntland, gaashaanle sare Cabdirisaaq Maxamuud Xarrago.

7/6/2021 11:57 AM EST
Talaado, Luulyo, 6, 2021 (HOL) - Xogeeyaha arrimaha gudaha ee xisbiga Waddani Maxammed Faarax Cabdi, ayaa ku baaqay in baadhis lagu sameeyo arrinta ardayga lagu dilay Boorama.

7/6/2021 6:46 AM EST
Talaado, Luulyo, 6, 2021 (HOL) - Booliiska Soomaaliya ayaa gacanta kusoo dhigay eedeesane loo haysto inuu dilay wiil yar oo shan jir ah oo ay hooyadiis u dhaxday, sida uu sheegay afhayeenka booliiska, G/lle Sidiiq Aadan.

7/6/2021 6:33 AM EST
Talaado, Luulyo, 6, 2021 (HOL) - Maxkamada sare ee Somaliland, ayaa laashay 20 dacwadood oo ay usoo gudbiyeen musharixiin ka cabanayay natiijadii hordhaca ahayd ee doorashada.

7/6/2021 5:52 AM EST
Talaado, Luulyo, 6, 2021 (HOL) - Waxaa maanta magaalada Muqdisho kulan ku yeeshay xubnaha guddiga doorashooyinka heer dowlad goboleed ee maamulka Puntland, kuwaas oo doortay guddoomiye iyo ku xigeenkiisa.

7/6/2021 5:47 AM EST
Talaado, Luulyo, 6, 2021 (HOL) - Wararka naga soo gaaraya deeganada Luuq iyo Doolow ee gobolka Gedo ayaa sheegaya in halkaasi aay ka dhaceen dagaalo u dhaxeeyay ciidamada dowladda Soomaaliya iyo kuwa Al-shabaab.

7/6/2021 3:22 AM EST
Talaado, Luulyo, 6, 2021 (HOL) - Golaha midowga musharraxiiinta ayaa bayaan ka soo saaray dhalinyarada Somaaliyeed ee da’yarta ah oo tababarka u jiray dalka Eritrea iyo dacwooyinka la xiriira ka qeybgalkooda dagaalada sokeeye ee dalka Ethiopia.

7/6/2021 3:03 AM EST
Talaado, Luulyo, 6, 2021 (HOL) - Ciidamada xoogga dalka iyo kuwa amniga Galmudug oo hawlgal qorshaysan qaaday saakay ayaa gacanta ku dhigay magaalada Bacaadweyn, tuulada Qaycad, Sabeena gawrac iyo deegaano kale.

7/6/2021 2:45 AM EST
Talaado, Luulyo, 6, 2021 (HOL) - Xoghayaha arrimaha difaaca dalka Kenya, Monica Juma iyo wakiilka Qaramada Midoobay ee Soomaaliya James Swan, ayaa ku kulmay magaalada Nairobi, halkaas oo ay uga wada hadleen xaaladda amni ee geeska Afrika gaar ahaan Soomaaliya.

7/6/2021 12:58 AM EST
Talaado, Luulyo, 6, 2021 (HOL) - Madaxweyne ku xigeenka maamulka Hirshabeelle Yuusuf Axmed Hagar Dabageed ayaa si rasmi u shaaciyay doorashada kuraasta Xildhibaanada labada Aqal ee dowladda Soomaaliya ee deegaan doorashadooda tahay magaalada Baledweyne iney ku xiran tahay inuu magaalada Baledweyne yimaado madaxweynaha Hirshabeelle Cali Guudlaawe Xuseen.

7/6/2021 12:52 AM EST
Talaado, Luulyo, 6, 2021 (HOL) - Qaar kamida ardayda jaamacada Camuud ee Boorama, oo ka hadlay dilka loo gaystay mid kamid ah ardayda, ayaa sheegay in is afdhaaf uu sababay dilka.