12/9/2021
Today from Hiiraan Online:  _
Wararka Maanta- Isniin, July 5 , 2021
Puntland oo sheegtay in aysan aqoonsan doonin heshiisyada ay gasho hay'adda batroolka Soomaaliya
 

Isniin, Luulyo, 5, 2021 (HOL) - Puntland ayaa kasoo horjeesatay in hay’adda batroolka Soomaaliya ee Somali Petroleum Authority”, ay gasho heshiisyo caalami ah oo ku saabsan arrimaha shati bixinta shidaalka Soomaaliya.

Warsaxaafadeed kasoo baxay wasiirka tamarta iyo macdanta Puntland, ayaa lagu sheegay  in aysan Puntland aqoonsanayn heshiisyada iyo shaqada xaruntaasi oo ay tilmaamtay inuu waqtigeeda ku ekaa 8, February 2021.

Puntland waxay u soo jeedisay shirkaddaha daneenaya Soomaaliya inay ka qaataan Shatiyada sahminta shidaalka dowladda cusub ee imanayso, taasoo awood u leh in ay ka shaqeyso maamulka kheyraadka, iyadoo heshiis lagu wada yahay.

Hay’adda batroolka Soomaaliya ayaa 29 ka bishii june kordhisay waqtiga soo gudbinta codsiga shatiyada arrimaha shidaalka, sida lagu sheegay warsaxaafadeedka Puntland.


Abdiweli M. Sheikh, Hiiraan Online












Click here
7/5/2021 2:56 PM EST
Isniin, Luulyo, 5, 2021 (HOL) - Ciidamada ilaallada jaamacada Camuud ee magaalada Boorama, ayaa wiil dhalinyaro ah oo arday ah toogtay.

7/5/2021 1:51 PM EST
Isniin, Luulyo, 5, 2021 (HOL) - Beesha caalamka ayaa soo saartay warsaxaafadeed ay kusoo dhoweynayso natiijada kasoo baxday shirkii Golaha Wadatashiga Qaranka ee Muqdisho ka dhacay 29-kii Juunyo, ee laga soo saaray go’aano ka mid yihiin jadwal cusub oo doorasho.

7/5/2021 8:49 AM EST
Isniin, Luulyo, 5, 2021 (HOL) - Waxaa maanta magaalada Muqdisho lagu doortay guddoomiyaha iyo guddoomiye ku xigeenka maamulka Koofur Galbeed Soomaaliya.

7/5/2021 8:22 AM EST
Isniin, Luulyo, 5, 2021 (HOL) - Maxkamada ciidamada qalabka sida ee maamulka Puntland ayaa bilowday dhegaysiga maxkamadaynta 7 nin oo dhalinyaro oo lagu eedeeyay in ay yihiin shabakad katirsan Alshabaab oo ka howlgali jiray koonfurta magaalada Gaalkacyo ee Galmudug.

7/5/2021 5:11 AM EST
Isniin, Luulyo, 5, 2021 (HOL) - Koomiishanka xuquuqal insaanka Somaliland, ayaa ku baaqay in si dhakhso ah looso gaba gabeeyo dacwada 8 hablood oo Berbera ugu xidhan in ay calanka Soomaaliya ku labisteen.

7/5/2021 4:34 AM EST
Isniin, Luulyo, 5, 2021 (HOL) - Ganacsade Soomaali ah oo lagu magacaabo Cabdullaahi Bootaan Saruurow, ayaa Meydkiisa laga helay meel aan ka fogeeyn Magaalada Brits ee Gobalka North West, ee dalka Koonfur Afrika sida ay Booliska gobalka xaqiijiyeen.

7/5/2021 2:19 AM EST
Isniin, Luulyo, 5, 2021 (HOL) - Xukuumadda Fedaraalka Soomaaliya ayaa ka hadashay xiisad dagaal oo ka taagan magaalada Baledweyne ee xarunta gobolka Hiiraan, kadib dagaal halkaasi ku dhexmaray ciidamada dowladda Soomaaliya iyo kuwa Hirshabeelle oo dhinac ah iyo ciidamada labaxay golaha Kacdoonka Hiiraan.

7/5/2021 2:14 AM EST
Isniin, Luulyo, 5, 2021 (HOL) - Ciidamada dowladda Soomaaliya ayaa xalay deegaanka Darusalaam oo ka mid ah deegnada hoostaga degmada Cadale ee gobolka Sh/dhexe ka sameeyay howlgal ka dhan Al-shabaab oo la sheegay in lagu dilay sarkaal ka tirsanaa Shabaab.

7/5/2021 1:11 AM EST
Isniin, Luulyo, 5, 2021 (HOL)- 2 caruura ayaa ku nafwayay kadib markii uu dab ka kacay guri kuyaala xaafada laynka booliiska, ee magaalada Hargaysa.