12/9/2021
Today from Hiiraan Online:  _
Wararka Maanta- Isniin, July 5 , 2021
Xukuumadda Soomaaliya oo ka hadashay xiisad dagaal oo Baledweyne ka taagan
 

Isniin, Luulyo, 5, 2021 (HOL) - Xukuumadda Fedaraalka Soomaaliya ayaa ka hadashay xiisad dagaal oo ka taagan magaalada Baledweyne ee xarunta gobolka Hiiraan, kadib dagaal halkaasi ku dhexmaray ciidamada dowladda Soomaaliya iyo kuwa Hirshabeelle oo dhinac ah iyo ciidamada labaxay golaha Kacdoonka Hiiraan.

War qoraal ah oo kasoo baxay Wasaaradda Arrimaha Gudaha iyo dib u heshiisiinta Xukuumada Fedaraalka Soomaaliya ayaa marka hore loogu baaqay bulshada ku dhaqan magaalada Baledweyne iney tabashadooda ku sheegtaan si nabad ah oo aay ka fogaadaan waxyaabaha keeni kara xasilooni darada.

Wasiirka wasaaradda arrimaha gudaha iyo dib u heshiisiinta Xukuumadda Soomaaliya Jenaraal Mukhtaar Xuseen Afrax ayaa qoraalka kasoo baxay Xafiiskiisa ku sheegay iney socdaan dadaalo lagu doonaayo in si nabad lagu wadahadlo, islamarkaana Culimada, Duubabka dhaqanka, Ganacsatada  ka dalbaday iney u istaagaan adkeynta xasiloonida magaalada Baledweyne oo lagu wado iney doorasho ka dhacdo.

Warkan kasoo baxay wasaarada arrimaha gudaha Soomaaliya ayaa imaanaya xili wali magaalada Baledweyne laga dareemayo xiisad dagaal oo u dhaxeysa Hirshabeelle iyo ciidamada la baxay golaha Kacdoonka Hiiraan ee uu hoggaamiyo Jenaraal Abuukar Xuud.


Jamaal Cali Cabdi, Hiiraan Online
[email protected]












Click here
7/5/2021 2:56 PM EST
Isniin, Luulyo, 5, 2021 (HOL) - Ciidamada ilaallada jaamacada Camuud ee magaalada Boorama, ayaa wiil dhalinyaro ah oo arday ah toogtay.

7/5/2021 1:51 PM EST
Isniin, Luulyo, 5, 2021 (HOL) - Beesha caalamka ayaa soo saartay warsaxaafadeed ay kusoo dhoweynayso natiijada kasoo baxday shirkii Golaha Wadatashiga Qaranka ee Muqdisho ka dhacay 29-kii Juunyo, ee laga soo saaray go’aano ka mid yihiin jadwal cusub oo doorasho.

7/5/2021 12:08 PM EST
Isniin, Luulyo, 5, 2021 (HOL) - Puntland ayaa kasoo horjeesatay in hay’adda batroolka Soomaaliya ee Somali Petroleum Authority”, ay gasho heshiisyo caalami ah oo ku saabsan arrimaha shati bixinta shidaalka Soomaaliya.

7/5/2021 8:49 AM EST
Isniin, Luulyo, 5, 2021 (HOL) - Waxaa maanta magaalada Muqdisho lagu doortay guddoomiyaha iyo guddoomiye ku xigeenka maamulka Koofur Galbeed Soomaaliya.

7/5/2021 8:22 AM EST
Isniin, Luulyo, 5, 2021 (HOL) - Maxkamada ciidamada qalabka sida ee maamulka Puntland ayaa bilowday dhegaysiga maxkamadaynta 7 nin oo dhalinyaro oo lagu eedeeyay in ay yihiin shabakad katirsan Alshabaab oo ka howlgali jiray koonfurta magaalada Gaalkacyo ee Galmudug.

7/5/2021 5:11 AM EST
Isniin, Luulyo, 5, 2021 (HOL) - Koomiishanka xuquuqal insaanka Somaliland, ayaa ku baaqay in si dhakhso ah looso gaba gabeeyo dacwada 8 hablood oo Berbera ugu xidhan in ay calanka Soomaaliya ku labisteen.

7/5/2021 4:34 AM EST
Isniin, Luulyo, 5, 2021 (HOL) - Ganacsade Soomaali ah oo lagu magacaabo Cabdullaahi Bootaan Saruurow, ayaa Meydkiisa laga helay meel aan ka fogeeyn Magaalada Brits ee Gobalka North West, ee dalka Koonfur Afrika sida ay Booliska gobalka xaqiijiyeen.

7/5/2021 2:14 AM EST
Isniin, Luulyo, 5, 2021 (HOL) - Ciidamada dowladda Soomaaliya ayaa xalay deegaanka Darusalaam oo ka mid ah deegnada hoostaga degmada Cadale ee gobolka Sh/dhexe ka sameeyay howlgal ka dhan Al-shabaab oo la sheegay in lagu dilay sarkaal ka tirsanaa Shabaab.

7/5/2021 1:11 AM EST
Isniin, Luulyo, 5, 2021 (HOL)- 2 caruura ayaa ku nafwayay kadib markii uu dab ka kacay guri kuyaala xaafada laynka booliiska, ee magaalada Hargaysa.