3/28/2024
Today from Hiiraan Online:  _
Wararka Maanta- Khamiis, July 29, 2021
Xukuumada Somaliland oo ka jawaabtay arrinta xildhibaankii sheegay in uu afduub ka bad baday
 

Khamiis, Luulyo, 29, 2021 (HOL) - Wasiir ku xigeenka arrimaha gudaha Somaliland Cabdinaasir Caydiid Maxammed, ayaa sheegay in kadib baadhitaan ay sameeyeen xukuumadaha Somaliland iyo Itoobiya ay ku ogaadeen in anay waxba ka jirin cabashada xildhibaan Mustafe Axmed Cabdillaahi.

Wasiir ku xigeenka ayaa sheegay in marnaba xukuumada Somaliland anay ogolayn in shacabkeeda ama xildhibaanadeeda waddan kale lagu afduubo ama dhibaato loogu gaysto.

"Waxad arkayseen xildhibaan sheegay in lagu afduubay dalka Itoobiya, afduub kaaso ay sameeyeen wasaarada arrimaha gudaha ee Somaliland, wasaarada arrimaha dibada, safaarada Somaliland ee Itoobiya, una adeegsadeen sirdoonka Itoobiya, Somaliland ma ogolaanayso in dad keeda dal kale lagu afduubo" ayuu yidhi

Wasiir ku xigeenka ayaa sheegay in kadib  baadhis ay kala shaqaysay dowlada Itoobiya oo ay  ku sameeyeen dhacdada uu ka cabanayo xildhibaan Mustafe ay ogaadeen in ay tahay arrin been abuur ah oo waxba kama jiraan ah.

"Sirdoonka Itoobiya waxay rabaa caddayn, wasaarada arrimaha dibaduna way la xidhiidhay, wasaarada arrimaha dibada Itoobiya qoraal ayay soo qortay in arrin kaasi uu yahay waxba kama jiraan, wasiirka arrimaha gudahuna warqadan ayuu soo qoray" ayuu yidhi.

Wasiir ku xigeenka ayaa ugu danbayntii sheegay in xildhibaan Mustafe laga rabo in uu xeer ilaalinta iyo ciidamada danbi-baadhista Somaliland kala shaqeeyo sidii looga sal gaadhi lahaa dhacdada isku dayga afduub ee uu ka cabanayo.

"Maadaama oo aanu soo ogaanay in kiis kaasi yahay waxba kama jiraan, waxaanu doonayna in arrinka la baadho ayay tidhi wasaarada arrimaha diba ee Somaliland, hadaba warqad baanu u gud binaynaa xeer ilaalinta iyo ciidanka danbi baadhista, xildhibaanka waxa laga rabaa in cidii wax u gaysatay uu horkeeno hay'adaha sharciga" ayuu yidhi.

Xildhibaan Mustafe Axmed Cabdillaahi oo xisbiga Kulmiye uga soo baxay gobolka Sool, ayaa ku andacooday in uu ka bad baaday afduub ay u maleegtay xukuumada Somaliland oo adeegsanaysa xafiiska Somaliland ee Itoobiya iyo sirdoonka Itoobiya xili uu ku sugnaa magaalada Addis ababa.

Abdilahi Abdi Rahman, Hiiraan Online












Click here
7/29/2021 5:17 PM EST
Khamiis, Luulyo, 29, 2021 (HOL) - Afhayeenka xisbiga Kulmiye Cabdinaasir Muxummed Xasan Buuni, oo u jawaabayay madaxda axsaabta mucaaradka ah, ayaa hadalka madaxda mucaaradka ku tilmaamay ceebayn iyo magac dil ay ku samaynayaan doorashadii dhacday.

7/29/2021 9:24 AM EST
Khamiis, Luulyo, 29, 2021 (HOL) - Guddoomiyaha xisbiga Waddani Cabdiraxmaan Maxammed Cabdillaahi (Cirro), ayaa xukuumada Somaliland ugu baaqay in ay baadhis ku samayso arrinta xildhibaan Mustafe Axmed Cabdillaahi, oo sheegay in xukuumada Somaliland ku afduubi gaadhay gudaha dalka Itoobiya.

7/29/2021 8:32 AM EST
Khamiis, Luulyo, 29, 2021 (HOL) - Madaxda isbahaysiga mucaaradka Somaliland, ayaa madaxweynaha Somaliland ku eedeeyay inuu iibsanayo xildhibaanada mucaaradka isla markaana uu dacwaynayo iyo xildhibaanada muxaafadka ee taageera mucaaradka.

7/29/2021 7:56 AM EST
Khamiis, Luulyo, 29, 2021 (HOL) - Madaxweynaha Jubbaland Axmed Madoobe, ayaa guul weyn oo ay gaareen ku tilmaamay in ay Soomaaliya ka saareen hubanti la’aantii ku saab sanayd doorashada ee muddada dheer soo jiitamaysay.

7/29/2021 7:55 AM EST
Khamiis, Luulyo, 29, 2021 (HOL) - Waxaa goordhaw si rasmi ah usoo gabagaboobay doorashada afar ka mid ah kuraasta Xildhibaanada Aqalka sare ku matalaya maamulka Jubbaland.

7/29/2021 7:18 AM EST
Khamiis, Luulyo, 29, 2021 (HOL) - Taliyaha ciidanka booliiska Somaliland sareeye guuto Maxammed Aadan Saqadhi (Dabagale), ayaa sheegay in ciidanka booliisku gacanta ku dhigeen 470 mijood oo Xashiishad ah.

7/29/2021 7:01 AM EST
Khamiis, Luulyo, 29, 2021 (HOL) - Waxaa goordhaw magaalada Kismaayo ee xarunta gobolka J/hoose si rasmi ah uga bilaawday doorashada qaar ka mid ah kuraasta Xildhibaanada Aqalka sare Baarlamaanka Soomaaliya ku matalaya Jubbaland, iyadoona la doortay Senatarkii ugu horeeyay ee Aqalka Sare.

7/29/2021 4:14 AM EST
Khamiis, Luulyo, 29, 2021 (HOL) - Puntland ayaa baaq nabadeed kasoo saartay dirirta labo maleyshiyo beeleed oo ku dagaalamay deegaannada Sanjabshe iyo aaga Saax-maygaag ee degmada Boocame ee gobolka Sool.

7/29/2021 3:58 AM EST
Khamiis, Luulyo, 29, 2021 (HOL) - Taliyaha Ciidamada Difaaca Kenya, general Robert Kibochi ayaa sheegay ciidamada Kenya in aysan ka bixi doonin Soomaaliya waqti dhow.

7/29/2021 3:45 AM EST
Khamiis, Luulyo, 29, 2021 (HOL) - Taliska ciidanka Xoogga dalka Soomaaliya ayaa faahfaahino dheeraad ah ka bixiyay howlagalo qorsheysan oo ay sheegeen in ciidamada dowladda ka sameyeen deegaanka lagu magacaabo Afcad oo ka mid ah deegaanada hoos yimaada degmada Buula burte ee gobolka Hiiraan.

7/29/2021 2:06 AM EST
Khamiis, Luulyo, 29, 2021 (HOL) - Waxaa maanta lagu wadaa in magaalada Kismaayo ee xarunta gobolka J/hoose ay ka bilaabato doorashada Xildhibaanada Aqalka sare ee Baarlamaanka Soomaaliya qeybta deegaan doorashadooda tahay Jubbaland.