12/3/2021
Today from Hiiraan Online:  _
Wararka Maanta- Khamiis, July 29, 2021
Madaxda isbahaysiga mucaaradka Somaliland oo madaxweyne Biixi eedayn u jeediyay
 

Khamiis, Luulyo, 29, 2021 (HOL) - Madaxda isbahaysiga mucaaradka Somaliland, ayaa madaxweynaha Somaliland ku eedeeyay inuu iibsanayo xildhibaanada mucaaradka isla markaana uu dacwaynayo iyo xildhibaanada muxaafadka ee taageera  mucaaradka.

Guddoomiyayaasha xisbiyada UCID iyo Waddani Faysal Cali Waraabe iyo Cabdiraxmaan Maxammed Cabdillaahi (Cirro), oo siwada jira warbaahinta ula hadlay, ayaa madaxweynaha Somaliland ku eedeeyay in uu cashuurtii shacabka ku iibsanayo xildhibaanada mucaaradka isla markaana dhibaataynayo kuwa muxaafadka taageera mucaaradka.

"Waxan leenahay madaxweynaha lacagtii islaanta hilibka iibinaysa, ninka baabuurka wada ee cashuurta wada marista laga qaadayo, islaanta aan masqul haysan ee aan hadh haysan, lacagtii umada masaakiinta ah ayaa maanta lagu iibsanayaa xildhibaanadii" sida waxa yidhi guddoomiye Faysal Cali Waraabe.

"Waa nasiib daro in cashuurtii umada xildhibaanadii lagu xumeeyo, oo wadadoodii laga leexiyo, rag UCID ah oo aan awood u lahayn in uu yidhaa heshiis baan la galay" ayuu hadalkiisa sii raaciyay Faysal Cali Waraabe.

Guddoomiyaha xisbiga mucaaradka ah ee Waddani Cabdiraxmaan Maxammed Cabdillaahi (Cirro) ayaa  madaxweynaha ku eedeeyay in uu qaadanayo xildhibaanadii mucaaradka isla markaana uu handadaad u gaysanyo xildhibaanada muxaafadka ee taageera isbahaysiga mucaaradka.

"Waxaad maqlayseen mudanayaal  axsaabta mucaaradka kasoo baxay oo yidhi waxa aanu taageernay xisbiga dowlada, mucaarad hadal haya marna lama maqal, waad garanaysa tirada muxaafadka kasoo baxday ee taageeray mucaaradka, maalintii ay ka soo baxeen ilaa maanta xan baa socota la leeyahay waala dacwaynayaa" ayuu yidhi Cirro.

Loolanka axsaabta mucaaradka ee Waddani iyo UCID oo dhan ah iyo xisbiga talada haya ee Kulmiye oo dhan ahi ugu jiraan hanashada shirgudoonka golaha wakiilada cusub ee Somaliland, ayaa halkii ugu saraysay maraya iyadoo labada dhinacba ku howlanyihiin in mid ba midka kale kasoo jiito xildhibaanadiisa.

Abdilahi Abdi Rahman, Hiiraan Online
[email protected]












Click here
7/29/2021 5:17 PM EST
Khamiis, Luulyo, 29, 2021 (HOL) - Afhayeenka xisbiga Kulmiye Cabdinaasir Muxummed Xasan Buuni, oo u jawaabayay madaxda axsaabta mucaaradka ah, ayaa hadalka madaxda mucaaradka ku tilmaamay ceebayn iyo magac dil ay ku samaynayaan doorashadii dhacday.

7/29/2021 10:43 AM EST
Khamiis, Luulyo, 29, 2021 (HOL) - Wasiir ku xigeenka arrimaha gudaha Somaliland Cabdinaasir Caydiid Maxammed, ayaa sheegay in kadib baadhitaan ay sameeyeen xukuumadaha Somaliland iyo Itoobiya ay ku ogaadeen in anay waxba ka jirin cabashada xildhibaan Mustafe Axmed Cabdillaahi.

7/29/2021 9:24 AM EST
Khamiis, Luulyo, 29, 2021 (HOL) - Guddoomiyaha xisbiga Waddani Cabdiraxmaan Maxammed Cabdillaahi (Cirro), ayaa xukuumada Somaliland ugu baaqay in ay baadhis ku samayso arrinta xildhibaan Mustafe Axmed Cabdillaahi, oo sheegay in xukuumada Somaliland ku afduubi gaadhay gudaha dalka Itoobiya.

7/29/2021 7:56 AM EST
Khamiis, Luulyo, 29, 2021 (HOL) - Madaxweynaha Jubbaland Axmed Madoobe, ayaa guul weyn oo ay gaareen ku tilmaamay in ay Soomaaliya ka saareen hubanti la’aantii ku saab sanayd doorashada ee muddada dheer soo jiitamaysay.

7/29/2021 7:55 AM EST
Khamiis, Luulyo, 29, 2021 (HOL) - Waxaa goordhaw si rasmi ah usoo gabagaboobay doorashada afar ka mid ah kuraasta Xildhibaanada Aqalka sare ku matalaya maamulka Jubbaland.

7/29/2021 7:18 AM EST
Khamiis, Luulyo, 29, 2021 (HOL) - Taliyaha ciidanka booliiska Somaliland sareeye guuto Maxammed Aadan Saqadhi (Dabagale), ayaa sheegay in ciidanka booliisku gacanta ku dhigeen 470 mijood oo Xashiishad ah.

7/29/2021 7:01 AM EST
Khamiis, Luulyo, 29, 2021 (HOL) - Waxaa goordhaw magaalada Kismaayo ee xarunta gobolka J/hoose si rasmi ah uga bilaawday doorashada qaar ka mid ah kuraasta Xildhibaanada Aqalka sare Baarlamaanka Soomaaliya ku matalaya Jubbaland, iyadoona la doortay Senatarkii ugu horeeyay ee Aqalka Sare.

7/29/2021 4:14 AM EST
Khamiis, Luulyo, 29, 2021 (HOL) - Puntland ayaa baaq nabadeed kasoo saartay dirirta labo maleyshiyo beeleed oo ku dagaalamay deegaannada Sanjabshe iyo aaga Saax-maygaag ee degmada Boocame ee gobolka Sool.

7/29/2021 3:58 AM EST
Khamiis, Luulyo, 29, 2021 (HOL) - Taliyaha Ciidamada Difaaca Kenya, general Robert Kibochi ayaa sheegay ciidamada Kenya in aysan ka bixi doonin Soomaaliya waqti dhow.

7/29/2021 3:45 AM EST
Khamiis, Luulyo, 29, 2021 (HOL) - Taliska ciidanka Xoogga dalka Soomaaliya ayaa faahfaahino dheeraad ah ka bixiyay howlagalo qorsheysan oo ay sheegeen in ciidamada dowladda ka sameyeen deegaanka lagu magacaabo Afcad oo ka mid ah deegaanada hoos yimaada degmada Buula burte ee gobolka Hiiraan.

7/29/2021 2:06 AM EST
Khamiis, Luulyo, 29, 2021 (HOL) - Waxaa maanta lagu wadaa in magaalada Kismaayo ee xarunta gobolka J/hoose ay ka bilaabato doorashada Xildhibaanada Aqalka sare ee Baarlamaanka Soomaaliya qeybta deegaan doorashadooda tahay Jubbaland.