12/6/2021
Today from Hiiraan Online:  _
Wararka Maanta- Axad, July 25, 2021
Magaalada Diridhabe oo ay maanta ka dhaceen banaanbaxyo waawayn
 

Axad, Luulyo, 25, 2021 (HOL) - Shacabka ku dhaqan magaalada Diridhabe ayaa subaxnimadii hore ee maanta isugu soo baxay banaanbax ay ku taageerayeen Ciidamada Qaranka Isla markaana ay kaga soo horjeedeen kooxda TPLF.

Banaanbaxan ayaa ka dhacay banaanka wayn ee lagaharka hortiisa, waxayna dadkii isugu soo baxay goobtan ay wateen boodhadh ay ku cabirayeen sida ay uga soo horjeedaan TPLF, iyo waliba taageerada ay u hayaan Ciidamada Qaranka iyo kuwa degaanada ee dagaalka kula jira kooxda TPLF.

Qaybo dalka Itoobiya ka mid ah ayay maanta sidanoo kale banaanbaxyadu uga socdaan, iyadoo guud ahaan dalkaasi ay maalmihii u dambeeyay kasoconayeen banaanbaxyo lagaga soo horjeedo TPLF, sidoo kalena ay socdeen dhaqdhaqaaqyo ciidan oo degaanada dalka laga soo ururinayay ciidamo lagaga hortago kooxda TPLF.

Abdilahi Jawhar, Hiiraan Online
[email protected]












Click here
7/25/2021 1:01 PM EST
Axad, Luulyo, 25, 2021 (HOL) - Xildhihaan Abiibakar Siciid Cali Gaboobe oo xisbiga Kulmiye uga soo baxay gobolka Awdal, ayaa sheegay in xisbiyada isbahaysiga mucaaradka Somaliland ay u sheegeen in ay siin doonaan $100k hadii uu taageero xubnaha mucaaradku u sharaxeen doorashada shirgudoonka wakiilada.

7/25/2021 7:48 AM EST
Axad, Luulyo, 25, 2021 (HOL) - Ra'iisul Wasaaraha xukuumada Soomaaliya, Maxamed Xuseen Rooble ayaa magacaabay guddi ka kooban 13 xubnood oo qaabilsan u ololeynta iyo xaqiijinta qoondada haweenka ugu yaraan 30% ee labada aqal ee BFS.

7/25/2021 6:44 AM EST
Axad, Luulyo, 25, 2021 (HOL) - Taliyaha ciidamada Booliiska Soomaaliya Jenaraal Cabdi Xasan Maxamed Xijaar ayaa magacaabay Afhayeenka cusub ee ciidamada Booliiska Soomaaliya.

7/25/2021 5:27 AM EST
Axad, Luulyo, 25, 2021 (HOL) - Warar dheeraad ah ayaa kasoo baxaya tiro hoobiyeyaal ah oo Xalay lagu garaacay degmada Awdhiigle ee gobolka Sh/hoose.

7/25/2021 5:00 AM EST
Axad, Luulyo, 25, 2021 (HOL) - Guddoomiyaha Baarlamaanka maamulka Koofur Galbeed Soomaaliya Cali Saciid Faqi ayaa maanta magacaabay xubnaha Xildhibaanada golaha Wakiilada qabashada doorashada Aqalka Sare.

7/25/2021 2:41 AM EST
Axad, Luulyo, 25, 2021 (HOL) - Xoghayaha gaashaandhigga Mareykanka Lloyd Austin ayaa sheegay in duqeymaha mareykanka ee lagu bartilmaameedsanayo Al-Shabaab ay xoojinayaan weerarada ka dhanka ah kooxda argagixisada ee xiriirka la leh Al-Qaacida.

7/25/2021 2:34 AM EST
Axad, Luulyo, 25, 2021 (HOL) - Guddiga xallinta khilaafaadka doorashooyinka, ayaa soo saaray sharuudaha cabashooyinka aqalka sare, xilli maanta lagu wado in la shaaciyo guddiyada doorashooyinka iyo musharraxiinta aqalka sare.

7/25/2021 2:02 AM EST
Axad, Luulyo, 25, 2021 (HOL) - Taliska ciiddanka booliiska Soomaaliya, ayaa xalay magaalada Muqdisho kusoo bandhigay maleyshiyaadkii ka dambeeyay is-rasaasayn shalay subax ka dhacday Ex-kantarool Afgooye, halkaas oo ay ka dhalatay dhimashada afar qof oo shacab ahaa.