11/29/2021
Today from Hiiraan Online:  _
Wararka Maanta- Khamiis, July 22, 2021
Arday sheegtay in la musuq maasuqay deeq waxbarasho oo Jaamacadda Hargaysa hore u siisay
 

Khamiis, Luulyo, 22, 2021 (HOL) - 62 arday oo kasoo kala jeeda dhamaan gobolada Somaliland kuwaasi oo Jaamacadda Hargaysa hore deeq waxbarasho u siisay, ayaa sheegay in jaamacadu ka noqotay deeqdii ay hore usiisay.

Ardayda ayaa sheegay in waxbarashadii bilaashka ahayd ee jaamacaddu u balan qaaday la musuq maasuqay isla markaana maamulka jaamacaddu uu u sheegay in ay lacag iska bixiyaaan hadii ay doonayaan in ay jaamacadda ku biiraan.

"Hadii nala odhan laha aqoontiina idin reebtay waanu qaadan lahay, hadii nala odhan laha akhlaaq diina idin reebtay waanu qaadan lahayn, hadii nala odhan laha shuruudo kale ayaad ku hadheen waanu qadan lahayn, lakinse waxa nasiib daro ah in liiska nalaga saaro iyadoo imtaxaankii Sabtida la galayo" sida waxa yidhi mid kamida ardayda cabanaysa.

Xogeeyaha arrimaha bulshada ee xisbiga Waddani Maxammed Sadiiq Dhame oo ku sugnaa goobta ay ardaydu cabashadooda kusoo bandhigayeen, ayaa madaxweynaha Somaliland ugu baaqay in uu soo fara galiyo cabashada ay ardaydani qabaan.

"Mudane madaxweyne ardaydan aad matasho ee aad u dhaaratay, wasiirkii aad u magacowday iyo waxa isku tuur tuuraya Jaamacadii Hargaysa, markii hore may ahayn arday jaamacadda lacag ku yimid, waa arday la yidhi kaalaya imtaxaan gala, jaamacad ayaa deeq waxbarasho laydinka siinayaa" ayuu yidhi.

Ardaydan oo ka kala timid dhamaan gobolada Somaliland, ayay jaamacadu hore u siisay deeq waxbarasho, waxayna sheegeen in deeqdoodii ay jaamacadu ka noqotay maalin uun kahor xiliga la galayo imtaxaanka galitaanka jaamacadda.

   
Abdilahi Abdi Rahman, Hiiraan Online












Click here
7/22/2021 9:14 AM EST
Khamiis, Luulyo, 22, 2021 (HOL) - Wasaaradda waxbarashada dowladda federalka Soomaaliya ayaa goor dhowayd shaacisay natiijada imtixaankii shahaadiga fasalka 12-aad sanad dugsiyeedka 2020/2021.

7/22/2021 7:52 AM EST
Khamiis, Luulyo, 22, 2021 (HOL) - Shir beeleedkan oo socdey mudo Bil ah, kuwaas oo ergooyinka ka qaygelayey ay ka kala yimaadeen degmooyinka Ceerigaabo, Laascaanood, Taleex iyo Xuddun oo goobta shirku ka dhacayo ay ka tirsan tahay.

7/22/2021 7:06 AM EST
Khamiis, Luulyo, 22, 2021 (HOL) - Wasiirka gaashaandhigga Soomaaliya, Xasan Xuseen Xaaji oo uu wehliyo wasiirka arrimaha dibadda Soomaaliya, Maxamed Cabdirisaaq, ayaa qaabilay dhiggiisa Ireland Simon Coveney, oo booqasho rasmi ah ku yimid Muqdisho.

7/22/2021 5:30 AM EST
Khamiis, Luulyo, 22, 2021 (HOL) - Magaalada Widhwidh oo Laascaanood 100Km. ku dhowaad u jirta dhinaca waqooyi kaga aadan ayaa waxaa saaka ka bilaabmay caleemasaarka Garaad Maxamed Garaad Abshir Saalax oo beesha degaankaasi isla garteen inuu bedelo Aabihii oo geeriyoodey.

7/22/2021 1:55 AM EST
Khamiis, Luulyo, 22, 2021 (HOL) - Maamulka Duulista Hawada ee Kenya ayaa sheegay inay bilaabeen baaritaano la xiriira diyaarad ku dhacday xero militari oo ku taal magaalada Ceelwaaq ee gobolka Gedo. Iyadoo ay saarnaayeen 45 rakaab ah.

7/22/2021 1:43 AM EST
Khamiis, Luulyo, 22, 2021 (HOL) - Warbaahinta rasmiga ah ee ururka Daacish qeybtooda Soomaaliya, ayaa daacday sawirro ku saabsan dagaalamayaasha Daacish iyo saraakiishooda oo ku sugan deegaano katirsan gudaha Puntland.

7/22/2021 1:09 AM EST
Khamiis, Luulyo, 22, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa ka hadlay arinta gobolada Waqooyi ee Somaliland oo uu ka taagan yahay khilaaf dhaliyay in laba garab ay u kala jabaan xubnaha matalaayay gobolada Waqooyi.

7/22/2021 1:02 AM EST
Khamiis, Luulyo, 22, 2021 (HOL) - Kooxda Bucks ee ka dhisan magaalada Milwaukee ee gobalka Wisconsin ayaa mudo 50 sano ah kadib ku guuleystay koobka NBA-da Mareykanka, ka gadaal markii ay garaaceen kooxda Phoenix Suns oo iyaduna ka dhisan gobalka Arizona ee ku yaallo galbeedka Mareykanka.

7/22/2021 12:55 AM EST
Khamiis, Luulyo, 22, 2021 (HOL) - Taliska ciidamada Daraawiishta maamul goboleedka Galmudug ayaa sheegay inuu isku soo dhiibay sarkaal sare oo la sheegay inuu ka tirsana dagaalamayaasha Al-shabaab.