12/6/2021
Today from Hiiraan Online:  _
Wararka Maanta- Talaado, July 20, 2021
Faysal Cali Waraabe oo codsi udiray madaxweynaha Somaliland
 

Talaado, Luulyo, 20, 2021 (HOL) - Guddoomiyaha xisbiga UCID Faysal Cali Waraabe, ayaa madaxweynaha Somaliland Muuse Biixi Cabdi ka codsaday in wasiiradu ay faraha kala baxaan doorashada shirgudoonka wakiilada.

Faysal ayaa sheegay in qaar kamida wasiirada xukuumada Somaliland ay faraha kula jiraan doorashada shirgudoonka golaha wakiilada, waxanu madaxweynaha ka codsaday in wasiiradiisu ay faraha kala baxaan doorashada shirgudoonka.

"Madaxweyne doorasho qurux badan ayaa inoo dhacday, waxaynu adduunka tusnay in aynu nahay dad wax qabsan kara oo is xamili kara, madaxweyne waxan kaa codsanayaa in wasiiradaadu fara faraynta ka daayaan xildhibaannada lasoo doortay"ayuu yidhi

Faysal ayaa ku andacooday in golaha wasiiradu ay shaqadoodii ka mashquuleen, kuna mashquuleen xod xodashada xildhibaannada isbahaysiga mucaaradka, oo ay doonayaan in ay ka dhaadhiciyaan in ay taageeraan musharaxa Kulmiye u wato doorashada shirgudoonka.

"Intii doorashadu bilaabantay may shaqo tagin, waxay u ahayd mar ay lasoo kaambayn gareeyaan reeraha musharixiinta Kulmiye, imikana waxay ku mashquulsanyihiin in ay xildhibaannada isbahaysiga ee bad baado qaran jaha wareeriyaan" ayuu yidhi.

"Dowladu waa in ay shaqayso, adna waxan kaa codsanayaa madaxweyne in aad tola'ay  dan iyo ficiltankan hoose aad ka baxdo oo  dal baad u dhaarataye aad si  caddaalad ah ku hogaamiso" ayuu hadalkiisa sii raaciyey.

Codsiga Faysal ayaa imanaya xili In kabadan 9 xildhibaan oo ka tirsan xisbiga mucaaradka ah ee UCID, ay taageero u muujiyeen musharaxa xisbiga Kulmiye u cumaamaday jagada shirgudoonka wakiilada.

Abdilahi Abdi Rahman, Hiiraan Online
















Click here
7/21/2021 12:47 AM EST
Talaado, Luulyo, 20, 2021 (HOL) - Iyadoo maanta dunida muslimka ah laga xusayo ciidda ciidul adxaha ayaa maanta waxaa si wayn looga ciiday magaalada Jigjiga ee Caasimadda degaanka Soomaalida.

7/20/2021 7:44 AM EST
Talaado, Luulyo, 20, 2021 (HOL) - Wasiirka ganacsiga Somaliland Maxamuud Sacad Saajin, oo ka hadlayay dhacdadii ay qaar kamida dhalinyarada reer Awdal calanka Soomaaliya kula soo baxeen 26 Juun, ayaa sheegay in anay jirin sabab dhalinyarada Awdal ugu riyaaqaan midow Soomaaliyeed.

7/20/2021 7:28 AM EST
Talaado, Luulyo, 20, 2021 (HOL) - Madaxweynaha Somaliland Muuse Biixi Cabdi, oo salaada Ciidal Odaxada shacabka kula tukaday Masjid Jaamaca Hargaysa, ayaa ka dayriyay mukhaadaraadka oo uu sheegay in uu Somaliland kuso badanayo.

7/20/2021 4:30 AM EST
Talaado, Luulyo, 20, 2021 (HOL) - Dowladda Maraykanka ayaa shaacisay inay u kordhisay Soomaalida sharci la’aanta ku jooga dalka Maraykanka muddo 18 bilood ah, laga bilaabo Sebtember 18, 2021, illaa Maarso 17, 2023.

7/20/2021 3:25 AM EST
Talaado, Luulyo, 20, 2021 (HOL) - Waxaa maanta oo talaado ah oo ku beegan maalinta koowaad ee Ciidda Carafo si weyn looga Ciiday wadamo badan oo ka mid ah Caalamka oo ay Soomaaliya ku jirto.

7/20/2021 3:14 AM EST
Talaado, Luulyo, 20, 2021 (HOL) - Madaxweynaha dowladda Federaalka Soomaaliya Maxamed Cabdullaahi Farmaajo ayaa hambalyo ku aaddan Munaasabadda Maalinta koowaad ee Ciidda Carafo u diray Shacabka Soomaaliyeed iyo dhamaan Muslimiinta Caalamka ee u dabbaal-degaya farxadda Ciidda Carafo.

7/20/2021 2:42 AM EST
Talaado, Luulyo, 20, 2021 (HOL) Afartan sanno ka hor, maanta oo kale (Luuliyo 20, 1981), Soomaaliya waxaa ka dhacay shil dayaaradeed kii ugu xumaa ee taariikhda, kaas oo sababay dhimasho ilaa 50 qofood, sagaal ka mid ah dadkii geeriyoodayna ay isku qoys ahaayeen.