12/6/2021
Today from Hiiraan Online:  _
Wararka Maanta- Isniin, July 19, 2021
Somaliland: Hablo u xidhnaa calanka Soomaaliya oo xabsiga laga sii daayay
 

Isniin, Luulyo, 19, 2021 (HOL) - Waxa xabsiga dhexe ee magaalada Gabilay laga siidaayay 35 hablood oo magaalada Gabilay ugu xidhnaa in ay calanka Soomaaliya lasoo baxeen munaasibadii 26 Juun.

Hablahan oo laga soo xidhay magaalada Boorama ee xarunta gobolkan Awdal ayaa xabsiga Gabilay ku xidhnaa muddo 22 cisho ah, iyagoo ku eedaysnaa in ay qaateen qaar koodna ku labisteen calankan soomaaliya oo qaadashadiisu Somaliland danbi ka tahay.

Ururada xuquuqal insaanka Somaliland ayaa marar kala duwan baaq kasoo saaray xadhigooda iyagoo ku baaqay in lasii daayo, waxana ugu danbeeysay xarunta xuquuqal insaanka madaxa bannaan ee Somaliland oo shalay xukuumada ugu baaqday in ay siidayso hablaha.

Hablaha ayaan wax maxkamad ah la horgayn tan iyo 26 bisha Juun oo laga soo xidhay magaalada Boorama ee gobolka Awdal markaasi oo si dhakhso ah badankooda loogu soo gudbiyay xabsiga Gabilay.

Eedeysanayaasha gobolka Awdal loogu xidhay qaadashada calankan Soomaaliya, ayaa tiradoodu guud dhantahay 42 qof oo 35 kamid ah lagu hayay xabsiga Gabilay halka 7 haydhay lagu reebay xabsiga magaalada Boorama.

Abdilahi Abdi Rahman, Hiiraan online
[email protected]












Click here
7/19/2021 2:34 PM EST
Isniin, Luulyo, 19, 2021 (HOL) - Shirkaddaha diyaaaradaha ee Blue Sky iyo Halla Airline ayaa wax laga xumaado ku tilmaamay xanibaad maamulka Koonfur galbeed uu kusoo rogay duulimaadyadooda isaga kala gooshi jiray magaalooyinka Muqdisho iyo Baydhabo.

7/19/2021 8:26 AM EST
Isniin, Luulyo, 19, 2021 (HOL) - Maamulka gobolka Hiiraan ayaa soo saaray amaro cusub oo ku saabsan dhinaca amniga magaalada Baledweyne ee xarunta gobolka Hiiraan.

7/19/2021 7:17 AM EST
Isniin, Luulyo, 19, 2021 (HOL) - Guddoomiyaha maamulka gobolka Hiiraan Cali Jeyte Cismaan ayaa si adag uga jawaab celiyay war qoraal ah oo kasoo baxay Golaha Midowga Musharaxiinta Madaxweynaha Soomaaliya.

7/19/2021 7:08 AM EST
Isniin, Luulyo, 19, 2021 (HOL) - Madaxweynaha Somaliland Muuse Biixi Cabdi, ayaa wareegto madaxweyne cafis ugu fidiyay 279 maxbuus oo ah maxabiista danbiyada fudud galay farxada munaasibada Ciidal Odxada awgeed.

7/19/2021 3:30 AM EST
Isniin, Luulyo, 19, 2021 (HOL) - Wararka ka imaanaya deegaanka Kaban ee Waqooyiga magaalada Kismaayo ee gobolka Jubbada Hoose ayaa sheegaya in halkaasi ciidamo ka tirsan Kumaandooska Soomaaliya ka fuliyeen howlgalo qorsheysan oo lagu burburiyay Saldhig halkaasi ku lahayeen Al-shabaab.

7/19/2021 3:08 AM EST
Isniin, Luulyo, 19, 2021 (HOL) - Madaxweynaha dowlad deegaanka Itoobiya Mustafe Muxamed Cagjar ayaa ka hadlay ujeedada uu maamulkiisa ciidamo ugu diray waqooyiga Itoobiya, halkaas oo uu ka socda guluf dagaal oo ka dhan ah jabhadda Tigreega

7/19/2021 3:00 AM EST
Isniin, Luulyo, 19, 2021 (HOL) - Iyadoo maalinta berito ah ay ku beegan tahay maalinta koowaad ee Ciida Carafo ayaa wasaaradda Diinta iyo Awqaafta Xukuumadda fedaraalka Soomaaliya ay soo saartay amaro ku saabsan Xoolaha lagu qalo xaafadaha inta lagu guda jiro gudashada waajibaadka Ciida Carafo.

7/19/2021 2:04 AM EST
Isniin, Luulyo, 19, 2021 (HOL) - Madaxweynaha dowlad deegaanka Soomaalida Itoobiya Mustafa Maxumed Cagjar ayaa si rasmi ah u sagootiyay cutub ka tirsan ciidanka sida gaarka ah u tababaran ee loo yaqaano Liyuu Boolis.

7/19/2021 1:14 AM EST
Isniin, Luulyo, 19, 2021 (HOL) - Kadib kulan saacado badan qaatay oo ay ku yeesheen magaalada Muqdisho xubahana golaha midowga Musharaxiinta madaxweynaha Soomaaliya, waxay walaac xoogan kaga muujiyeen qaabka ay u socdaan howlaha doorashooyinka dalka.