12/6/2021
Today from Hiiraan Online:  _
Wararka Maanta- Axad, July 18, 2021
Guddigii dib u heshiisiinta gobolka Gedo oo ku guulaystay in xal laga gaaro khilaafkii ka taagnaa Garbahaareey


Axad, Luulyo, 18, 2021 (HOL) - Guddigii uu Ra'isul Wasaaraha Soomaaliya, Maxamed Xuseen Rooble u xilsaaray arrimaha gobolka Gedo, si doorashada xubnaha labada aqal uga dhacdo Garbahaareey ayaa ku guulaystay in heshiis laga gaaro doorashada Garbahaareey.

Guddiga oo kulamo la qaatay bulshada gobolka Gedo, dhegaystayna talooyinkoodii, ayaa odayaasha dhaqanka kala wareegay magacyada dad ay soo jeediyeen in loo magacaabo maamulka degmada Garbahaareey.

Guddoomiyaha gobolka Gedo  Axmed Buule Maxamed ayaa sheegay, iyadoo la ilaalinayo heshiisyadii doorashada in ay soo dhoweynayaan guddiga doorashooyinka iyo cid kasta oo doorashada ka qeyb qaadanaysa, sida musharraxiinta iyo ergada.

Wasiirka arrimaha gudaha Hirshabelle Maxamed Cali Caadle oo ah guddoomiyaha guddiga dib u heshiisiinta Gedo, ayaa uga mahad celiyay shacabka gobolka Gedo sida ay uga qeyb qaateen in is-afgarad buuxa laga gaaro arrimaha doorashada Gedo.

Guddiga ayaa tagi doona magaalada Kismaayo, waxayna madaxweynaha Jubbaland ku wareejin doonaan magacyada dadka reer Gedo u soo xusheen in loo magacaabo guddoomiyaha iyo ku xigeenka degmada Garbahaareey, isagoo kadibna madaxweynuhu kusoo saaridoono wareegto magacaabis ah.

Abdiweli M. Sheikh, Hiiraan Online












Click here
7/18/2021 1:58 PM EST
Axad, Luulyo, 18, 2021 (HOL) - Xarunta xuquuqal insaanka madaxa bannaan ee Somaliland, ayaa xukuumada Somaliland ugu baaqday in ay siidayso 42 qof, oo magaalada Boorama loogu xidhay in ay qaateen calanka Soomaaliya 26 Juun.

7/18/2021 9:37 AM EST
Axad, Luulyo, 18, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif oo ah xildhibaan ka tirsan Baarlamaanka Federaalka ayaa mar kale sheegay inuu u sharraxanyahay kursigaa ka tirsan Golaha Shacabka, ka dib munaasabad ka dhacday hoygiisa degmada Ceel-Barde.

7/18/2021 8:22 AM EST
Axad, Luulyo, 18, 2021 (HOL) - Madaxweyne ku xigeenka Jubbaland, Maxamuud Sayid Aadan, ayaa magaalada Kismaayo kusoo dhoweeyay guddiga xalinta khilafaadka arrimaha gobolka Gedo oo soo gabagabeeyay safarkoodii Garbahaareey.

7/18/2021 4:39 AM EST
Axad, Luulyo, 18, 2021 (HOL) - Guddoomiyaha xisbiga UCID Faysal Cali Waraabe, oo waraysi siiyay BBC, ayaa sheegay in xildhibaanada UCID ee Kulmiye la heshiiyay ay sharci jabin sameeyeen.

7/18/2021 3:57 AM EST
Axad, Luulyo, 18, 2021 (HOL) - Dowladda Somaaliya ayaa gaashaanka u daruurtay warbixinta kasoo baxday Guddiga Qiimaynta Madaxa Bannaan ee Midowga Afrika, taasoo looga hadlay arrimo ku saabsan howlgalka AMISOM iyo xaaladda Soomaaliya.

7/18/2021 3:52 AM EST
Axad, Luulyo, 18, 2021 (HOL) - Xukuumada Somaliland, ayaa xayiraadi ka qaaday diyaarada Air Arabia sida lagu baahiyay boga facebook ee SNLTV.

7/18/2021 2:46 AM EST
Axad, Luulyo, 18, 2021 (HOL) - Guddoomiyaha Guddiga Hirgelinta Doorashooyinka heer Fedaraal Maxamed Xasan Cirro ayaa Xalay kulan la qaatay guddiga amniga doorashooyinka dalka ee heer qaran ee uu guddoomiye u yahay taliyaha ciidamada Booliiska Soomaaliya Jenaraal Cabdi Xasan Xijaar.

7/18/2021 1:33 AM EST
Axad, Luulyo, 18, 2021 (HOL) - Meydka laba wiil oo Walaalo ahaa oo ku dhacay Wabiga Shabeelle ee dhexmara gudaha magaalada Baledweyne ayaa laga helay xaafada Buundaweyn ee magaalada Baledweyne.

7/18/2021 1:24 AM EST
Axad, Luulyo, 18, 2021 (HOL) - Warar dheeraad ah ayaa kasoo baxaya dil Xalay loogu geystay magaalada Baledweyne Askari ka tirsana ciidamada dowladda Soomaaliya.