11/30/2021
Today from Hiiraan Online:  _
Wararka Maanta- Arbaco, July 14, 2021
Dhakhaatiir reer Somaliland ah oo madaarka Muqdisho taransit ku ahaa oo Hargaysa loo mastafuriyay
 

Arbaco, Luulyo, 14, 2021 (HOL) - Dhakhaatiir reer Somaliland ah, oo madaarka Muqdisho taransit ku ahaa, ayaa baasbooradi laga jeex jeexay, isla markaana la xidhay kadibna Hargaysa loo mastaafuriyay.

Dhakhaatiirta oo ka hawl gala isbitaalka Adna Adan ee Hargaysa ayaa u socday waddanka Kenya iyagoo ku safrayay baasboorka Somaliland.

"Waa shaqaale caafimaad oo tababar u socday, oo ku safrayay baasboorka Somaliland, oo fiise loogu soo saaray" sida waxa tidhi Adna Aadan Ismaaciil.

D.R Adna Aadan ayaa sheegtay in dhakhaatiirta baasabooradoodi laga jeex jeexay, isla markaana la xidhay kadibna Hargaysa loosoo mastafuriyay markii ay gadheen madaarka Aadan Cadde.

"Dadkii ka sokeeya meesha ay ku socdaan baasboorada lagama qaado, lagamana jeex jeexo, dhib kalena looma gaysto" ayay tidhi Adna.

"Meesha ay u socdaan ayaa hadii ay aqoonsantahay dalku gal ka, u ogolaata ama u diida" ayay hadalkeeda sii raacisay Adna.

D.R Adna Aadan ayaa sheegtay in falka shaqaalaheeda lagula kacay uu yahay sharci daro.

"Haday Soomaaliya garanayso sharciga dad taransit ah baasboorka kamay qaadeen oo kamay jeex jeexdeen, 3 maalmood qafaalasho kumay haysateen" ayay tidhi.

Dhakhaatiirtan ayaa markale u safri doona Kenya iyadoo baasboorada dib loogu cusboonaysiin doono waxana la filaya in ay Addisababa mari doonaan.

Abdilahi Abdi Rahman, Hiiraan Online
[email protected]












Click here
7/14/2021 3:44 PM EST
Arbaco, Luulyo, 14, 2021 (HOL) - Wareegto kasoo baxday Xafiiska wasiirka arrimaha gudaha iyo dowladaha hoose ee maamul goboleedka Hirshabeelle ayaa xilka qaadis waxaa lagu sameeyay guddoomiyahii degmada Buula burte Feysal Haajir Aadan.

7/14/2021 11:41 AM EST
Arbaco, Luulyo, 14, 2021 (HOL) - Mareeyaha hay'ada duulista Somaliland Cumar Sayid Cabdilahi, ayaa sheegay in ay imtaxaan gali doonaan shaqaalaha loo qadanayo madaarka cusub ee Berbera.

7/14/2021 8:49 AM EST
Arbaco, Luulyo, 14, 2021 (HOL) - Guddiga dib u heshiisiinta gobolka Gedo ee uu magacaabay raysal wasaaraha Soomaaliya Maxamed Xuseen Rooble, ayaa gaaray magaalada Garbahaareey ee magaalo madaxda gobolka Gedo.

7/14/2021 8:37 AM EST
Arbaco, Luulyo, 14, 2021 (HOL) - Bulshada Rayidka ah ee soomaaliya ayaa war-murtiyeed ka soo Saaray kulan ay isugu yimaadeen Garowe oo looga arrinsanayay sidii loo sameyn lahaa guddi heer qaran ah oo koor-joogtaynaya goobaha ay ka dhacayso doorashooyinka.

7/14/2021 7:51 AM EST
Arbaco, Luulyo, 14, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta gaaray degmada Ceel Barde ee gobolka Bakool,halkaa oo lagu soo dhaweeyay. Mas’uuliyiinta degmada,Odayaasha dhaqanka, wax-garadka iyo qeybaha bulshada ayaa qeyb ka ahaa dadweyne badan oo isugu soo baxay garoonka diyaaradaha ee ku yaal bartamaha magaalada.

7/14/2021 7:38 AM EST
Arbaco, Luulyo, 14, 2021 (HOL) - Wararkii ugu dambeeyay ee kasoo baxaya rabshadaha ka socda dalka Koofur Afrika ayaa sheegaya iney korortay tirada dadka ku dhintay bananbaxyada rabshadaha wata ay dhigayaan taageerayaasha madaxweynahii hore ee dalkaasi Jacob Zuma.

7/14/2021 7:30 AM EST
Arbaco, Luulyo, 14, 2021 (HOL) - Wararka ka imaanaya degmada Matabaan ee gobolka Hiiraan aya sheegaya in halkaasi uu ka socdo dagaal beeleed u dhaxeeya laba Maleeshiyo beeleed.

7/14/2021 1:58 AM EST
Arbaco, Luulyo, 14, 2021 (HOL) - Dowlada Fedaraalka Soomaaliya ayaa ka hadashay banaanbaxyo iyo rabshado xoogan oo ka socda dalka Koofur Afrika oo saameyn xoogan ku yeeshay nolasha iyo ganacsiga Soomaalida dalkaasi ku sugan.

7/14/2021 1:54 AM EST
Arbaco, Luulyo, 14, 2021 (HOL) - Gabadh lagu magacaabi jiray Hinda Cumar, ayaa inta la kufsaday kadibna lagu dilay magaalada Hargaysa, sida ay eheladeedu sheegeen.