11/30/2021
Today from Hiiraan Online:  _
Wararka Maanta- Arbaco, July 14, 2021
Xukuumada Somaliland oo ka hadashay qaabka loo qaadanayo shaqaalaha madaarka Berbera
 

Arbaco, Luulyo, 14, 2021 (HOL) - Mareeyaha hay'ada duulista Somaliland Cumar Sayid Cabdilahi, ayaa sheegay in ay imtaxaan gali doonaan shaqaalaha loo qadanayo madaarka cusub ee Berbera.

Maareeyaha ayaa sheegay in dhamaan dadka danaynaya, in ay ka howl galaan madaarka cusub ay imtaxaan kuso bixi doonaan.

"Shaqaalaha madaarka waa la baahinaya, dhamaan dhalinyarada Somaliland na way soo codsanayaan" ayuu yidhi.

"Dhamaan dhalinyaradu si siman bay ugu tartami doonaa" ayuu hadalkiisa ku daray.

Mareeyaha ayaa sheegay in shirkada madaarka maamusha ay qaab qaldan u gashay howsha shaqaalaha.

"Shirkada ayaa istidhi shaqaale qorta iyadoo aan sharciga waddanka fahansanayn wixii kasoo noqdayna waa la saxay" ayuu yidhi.

Mareeyaha ayaa sheegay in gobolka Saaxil shaqaalaha laga siin doono saamiga uu sharcigu u ogolyahay.

"Sida xeerarka Waddan keenu sheegayan gobolka shaqada laga qabanayo wuxu xaq u leeyahay 10%" ayuu yidhi.

"Gobolka Saaxil 10% iyo wax kabadan ba diyaar baanu ula nahay" ayuu hadalkiisa ku daray.

Hadalka maareeyaha ayaa jawaab u ah cabasho ay dhalinyarada Berbera ka muujiyeen qaabka ay shirkada madaarka maamusha shaqaalaha u qoranaysay.

Abdilahi Abdi Rahman, Hiiraan online
[email protected]












Click here
7/14/2021 3:44 PM EST
Arbaco, Luulyo, 14, 2021 (HOL) - Wareegto kasoo baxday Xafiiska wasiirka arrimaha gudaha iyo dowladaha hoose ee maamul goboleedka Hirshabeelle ayaa xilka qaadis waxaa lagu sameeyay guddoomiyahii degmada Buula burte Feysal Haajir Aadan.

7/14/2021 1:20 PM EST
Arbaco, Luulyo, 14, 2021 (HOL) - Dhakhaatiir reer Somaliland ah, oo madaarka Muqdisho taransit ku ahaa, ayaa baasbooradi laga jeex jeexay, isla markaana la xidhay kadibna Hargaysa loo mastaafuriyay.

7/14/2021 8:49 AM EST
Arbaco, Luulyo, 14, 2021 (HOL) - Guddiga dib u heshiisiinta gobolka Gedo ee uu magacaabay raysal wasaaraha Soomaaliya Maxamed Xuseen Rooble, ayaa gaaray magaalada Garbahaareey ee magaalo madaxda gobolka Gedo.

7/14/2021 8:37 AM EST
Arbaco, Luulyo, 14, 2021 (HOL) - Bulshada Rayidka ah ee soomaaliya ayaa war-murtiyeed ka soo Saaray kulan ay isugu yimaadeen Garowe oo looga arrinsanayay sidii loo sameyn lahaa guddi heer qaran ah oo koor-joogtaynaya goobaha ay ka dhacayso doorashooyinka.

7/14/2021 7:51 AM EST
Arbaco, Luulyo, 14, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta gaaray degmada Ceel Barde ee gobolka Bakool,halkaa oo lagu soo dhaweeyay. Mas’uuliyiinta degmada,Odayaasha dhaqanka, wax-garadka iyo qeybaha bulshada ayaa qeyb ka ahaa dadweyne badan oo isugu soo baxay garoonka diyaaradaha ee ku yaal bartamaha magaalada.

7/14/2021 7:38 AM EST
Arbaco, Luulyo, 14, 2021 (HOL) - Wararkii ugu dambeeyay ee kasoo baxaya rabshadaha ka socda dalka Koofur Afrika ayaa sheegaya iney korortay tirada dadka ku dhintay bananbaxyada rabshadaha wata ay dhigayaan taageerayaasha madaxweynahii hore ee dalkaasi Jacob Zuma.

7/14/2021 7:30 AM EST
Arbaco, Luulyo, 14, 2021 (HOL) - Wararka ka imaanaya degmada Matabaan ee gobolka Hiiraan aya sheegaya in halkaasi uu ka socdo dagaal beeleed u dhaxeeya laba Maleeshiyo beeleed.

7/14/2021 1:58 AM EST
Arbaco, Luulyo, 14, 2021 (HOL) - Dowlada Fedaraalka Soomaaliya ayaa ka hadashay banaanbaxyo iyo rabshado xoogan oo ka socda dalka Koofur Afrika oo saameyn xoogan ku yeeshay nolasha iyo ganacsiga Soomaalida dalkaasi ku sugan.

7/14/2021 1:54 AM EST
Arbaco, Luulyo, 14, 2021 (HOL) - Gabadh lagu magacaabi jiray Hinda Cumar, ayaa inta la kufsaday kadibna lagu dilay magaalada Hargaysa, sida ay eheladeedu sheegeen.