3/29/2024
Today from Hiiraan Online:  _
Wararka Maanta- Arbaco, July 14, 2021
Dowladda Soomaaliya oo ka hadashay banaanbaxyada rabshadaha iyo boobka wata ee ka socda dalka Koofur Afrika
 

Arbaco, Luulyo, 14, 2021 (HOL) - Dowlada Fedaraalka Soomaaliya ayaa ka hadashay banaanbaxyo iyo rabshado xoogan oo ka socda dalka Koofur Afrika oo saameyn xoogan ku yeeshay nolasha iyo ganacsiga Soomaalida dalkaasi ku sugan.

War qoraal ah oo kasoo baxay wasaarada arrimaha dibadda Soomaaliya ayaa lagu sheegay in dowladda Soomaaliya aad uga xuntahay afarta qof ee Soomaalida ah ee lagu dilay rabshadaha dalkaasi, islamarkaana boobka loogu geystay goobaha ganacsi ee Soomaalida.

"Jamhuuriyadda Federaalka Soomaaliya waxay muujineysaa walaaceeda kaga aadan rabshadihii iyo bililiqadii ay ku dhinteen afar qof oo Soomaali ah kuwo kalena ay ku dhaawacmeen, islamarkaana goobahooda ganacsi ay dhac ka geysteen tuugo hubaysan meelo kala duwan oo ka tirsan gobolka KwaZulu-Natal ee Koonfur Afrika 72-dii saacadood ee la soo dhaafay " ayaa lagu yiri qoraalka kasoo baxay dowladda Soomaliya.

Dowladda Soomaaliya ayaa ugu baaqday dowladda Koofur Afrika iney muujiso dadaalo xoogan oo la xiriira sidii ay uga hortagi laheyd falalka arxan darada ah ee loo geysanayo muwaadiniinta Soomaaliyeed, islamarkaana la badbaadiyo noloshooda iyo goobahooda ganacsi.

Qoraalka kasoo baxay ayaa sidoo kale lagu sheegay in dowladda Soomaaliya ay ku faanto xiriirka kala dhaxeeya dalka Koofur Afrika mudadii lagu soo jiray halgankii dheeraa ee midan kala sooca ahaa iyo taageeradii faraha badneed ee dhanka siyaasada iyo dhaqaalaha

Dalka koonfur Afrika waxaa maalmihii la soo dhaafay ka socday banaanbaxyo iyo rabshado oo ay la socdaan boob baahsan ay sameeynayaan taageerayaasha Madaxweynihii hore ee Koonfur Afrika.


Jamaal Cali Cabdi, Hiiraan Online
[email protected]












Click here
7/14/2021 3:44 PM EST
Arbaco, Luulyo, 14, 2021 (HOL) - Wareegto kasoo baxday Xafiiska wasiirka arrimaha gudaha iyo dowladaha hoose ee maamul goboleedka Hirshabeelle ayaa xilka qaadis waxaa lagu sameeyay guddoomiyahii degmada Buula burte Feysal Haajir Aadan.

7/14/2021 1:20 PM EST
Arbaco, Luulyo, 14, 2021 (HOL) - Dhakhaatiir reer Somaliland ah, oo madaarka Muqdisho taransit ku ahaa, ayaa baasbooradi laga jeex jeexay, isla markaana la xidhay kadibna Hargaysa loo mastaafuriyay.

7/14/2021 11:41 AM EST
Arbaco, Luulyo, 14, 2021 (HOL) - Mareeyaha hay'ada duulista Somaliland Cumar Sayid Cabdilahi, ayaa sheegay in ay imtaxaan gali doonaan shaqaalaha loo qadanayo madaarka cusub ee Berbera.

7/14/2021 8:49 AM EST
Arbaco, Luulyo, 14, 2021 (HOL) - Guddiga dib u heshiisiinta gobolka Gedo ee uu magacaabay raysal wasaaraha Soomaaliya Maxamed Xuseen Rooble, ayaa gaaray magaalada Garbahaareey ee magaalo madaxda gobolka Gedo.

7/14/2021 8:37 AM EST
Arbaco, Luulyo, 14, 2021 (HOL) - Bulshada Rayidka ah ee soomaaliya ayaa war-murtiyeed ka soo Saaray kulan ay isugu yimaadeen Garowe oo looga arrinsanayay sidii loo sameyn lahaa guddi heer qaran ah oo koor-joogtaynaya goobaha ay ka dhacayso doorashooyinka.

7/14/2021 7:51 AM EST
Arbaco, Luulyo, 14, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta gaaray degmada Ceel Barde ee gobolka Bakool,halkaa oo lagu soo dhaweeyay. Mas’uuliyiinta degmada,Odayaasha dhaqanka, wax-garadka iyo qeybaha bulshada ayaa qeyb ka ahaa dadweyne badan oo isugu soo baxay garoonka diyaaradaha ee ku yaal bartamaha magaalada.

7/14/2021 7:38 AM EST
Arbaco, Luulyo, 14, 2021 (HOL) - Wararkii ugu dambeeyay ee kasoo baxaya rabshadaha ka socda dalka Koofur Afrika ayaa sheegaya iney korortay tirada dadka ku dhintay bananbaxyada rabshadaha wata ay dhigayaan taageerayaasha madaxweynahii hore ee dalkaasi Jacob Zuma.

7/14/2021 7:30 AM EST
Arbaco, Luulyo, 14, 2021 (HOL) - Wararka ka imaanaya degmada Matabaan ee gobolka Hiiraan aya sheegaya in halkaasi uu ka socdo dagaal beeleed u dhaxeeya laba Maleeshiyo beeleed.

7/14/2021 1:54 AM EST
Arbaco, Luulyo, 14, 2021 (HOL) - Gabadh lagu magacaabi jiray Hinda Cumar, ayaa inta la kufsaday kadibna lagu dilay magaalada Hargaysa, sida ay eheladeedu sheegeen.