3/29/2024
Today from Hiiraan Online:  _
Wararka Maanta- Khamiis, Jan 7 , 2021
"Halkan waa nalooga yaqaan horgal, halkaan waa nalooga yaqaan is xambaar" Gudoomiyaha Golaha Wakiilada Somaliland


Khamiis, Janaayo, 07, 2021 (HOL) - Gudoomiyaha golaha wakiilada Somaliland Baashe Maxamed Cadde ayaa soo gaadhey magaalada Laascaanood xili ay soo dhowaatey waqtigii diiwaan gelinta codaynta Doorashada.

Gudoomiyaha oo si weyn loogu soo dhoweeyey ayaa sheegay in ay u socdaan sidii ay diiwaan gelinta uga qayb geli lahaayeen, iyadoo ay weheliyeen masuuliyiin kala duwan oo degaankan ka soo jeeda.

"Waxaan idiin sheegayaa halkan waxaa nalagu sheegaa horgal dad kale u sheqeeya, halkaana waxaa nalooga yaqaan is xanbaar aan cidna dooran" waxaanu intaas ku daray in isagu uu mudo dheer ku soo joogey ciil, in dadku is diiwaan geliyaan si kuwa danbe ay u noqdaan dad dad leh oo la doortay.

Iyadoo ay maalmo kooban ka hadhey diiwaangelinta ayaa waxaa magaalada Laascaanood soo gaadhaya madax badan si ay dadka ugu dhiiri geliyaan in ay isdiiwaan geliyaan.

Guud ahaan gobolka Sool ayaan dadku aanay diiwaan gashanayn xiliyadii hore, waxaana lagu qiyaasaa dadka haysta kaadhka 5% taas oo sababtay in xildhibaanada golayaashu aanay gelin doorasho oo qaab maxlal ah ay kaga mid noqdaan.

Sida haatan la aamisan yahay sanadkan waxaa si aad ah laysaga diiwaan gelinayaa degmada Laascaanood oo dadaal badan loogu jiro, waxaana dadku si aad ah isha ugu hayaan golaha degaanka oo hadal hayntiisu badan tahay.

Degmooyinka Xudun iyo Taleex ayaan iyaga si aad ah aan looga hadal hayn maadaama aanay lahayn gole degaan oo shaqeeya.

Seynab Cabdi Warsame, HiiraanOnline
[email protected]












Click here
1/7/2021 1:14 PM EST
Khamiis, Janaayo, 07, 2021 (HOL) - Shirka Golaha Wasiirradda Xukuumadda Soomaaliya oo maanta oo Khamiis ah ka dhacay magaalada Muqdisho ayaa lagu qaadacay ansixinta ilaa 12 safiir oo ay soo gudbisay Wasaarradda Arrimaha Dibadda Soomaaliya.

1/7/2021 5:04 AM EST
Khamiis, Janaayo, 07, 2021 (HOL) - Kongareeska Mareykanka ayaa ugu danbeyntii ansixiyay in Joe Biden yahay madaxweynaha dalka Mareykanka halka Kamala Harris ay noqoneysa madaxweyne ku-xigeenka dalka.

1/7/2021 4:25 AM EST
Khamiis, Janaayo, 07, 2021 (HOL) - Hal qof ayaa ku dhintay saddex kalana waa ay ku dhaawacmeen kaddib markii subaxnimadii hore ee saakay la bartilmaameedsaday gaari ay lahaayeen ciidanka Asluubta Soomaaliyeed oo marayay waddada KM4 ee degmada Hodan.

1/7/2021 4:14 AM EST
Khamiis, Janaayo, 07 2021 (HOL) - Hay’adda UNHCR ayaa sheegtay in ay ka murugaysan tahay geerida 19-jir magangalyo-doon Soomaali ah oo ku sugnaa magaalada Tripoli ee dalka Libya ka dib markii laga soo saaray cusbitaalka dhammaadkii Diseembar.

1/7/2021 3:54 AM EST
Khamiis, Janaayo, 07, 2021 (HOL) - Wararka naga soo gaaraya gobolka Shabeellaha Hoose ayaa sheegaya in xalay dagaalyahanno ka tirsan Ururka Al-shabaab weerar saf ballaaran ah ku qaadeen degmada.

1/7/2021 12:26 AM EST
Khamiis, Janaayo, 07 2021 (HOL) - Qaraxan oo siweyn jugtiisa looga maqlay inta badan magaalada Muqdisho ayaa ka dhacay KM4, gaar ahaan Waddada hormarta madaxtooyadii hore ee Cabdiqaasim ee degmada Hodan

1/7/2021 12:06 AM EST
Khamiis, Janaayo, 07 2021 (HOL) - Haweeney ayaa lagu warramayaa in ay u geeriyootay dhaawac ka soo gaaray toogasho loo geystay kaddib markii taageerayaasha madaxweyne Donald Trump weerar ku qaadeen xarunta Capitol Hill.