5/9/2021
Today from Hiiraan Online:  _
Wararka Maanta- Axad, Jan 24, 2021
Dagaal culus oo galabta ka dhacay deegaanka Bacaadweyne ee gobolka Mudug


 

Axad, Janaayo, 24, 2021 (HOL) -Dagaal culus oo leysku adeegsaday hubka noocyadiisa kala duwan ayaa galabta deegaanka Bacaadweyne ee gobolka Mudug ku dhaxmaray ciidamada dowladda iyo dadka deegaanka oo isku dhinac ah iyo xoogagga Ururka Al-shabaab.

Dagaalka galabta ayaa qarxay kaddib markii Al-shabaab ay madaafiic dhowr ah ku tuureen, taasoo keentay in ku baxaan ciidamada dowladda Soomaaliya oo dagaal culus la galay dagaalyahannada Al-shabaab.

Wasiirka Amniga dowlad gobolleedka Galmudug ayaa ku sugnaa deegaanka uu dagaalku ka dhacay ayaa ku amaanay ciidamada dowladda iyo dadka deegaanka sida ay isaga difaaceen kooxihii weerarka soo qaaday.

Marar badan oo horeAl-Shabaab ayaa  weerar ku qaaday Bacaadweyne, balse dadka deegaanka iyo ciidan tiro yar oo ka tirsan qeybta 21-aad ee militeriga Soomaaliya ayaa uga guuleystay dagaaladii ka dhacay deegaanka.

Lama sheegin wax khasaare ah oo ka dhacay dagaalka galabta ka dhacay Bacaadweyne oo ahaa mid culus.

Cabdiraxmaan Diini, Hiiraan Online
[email protected]     


 




 












Click here
1/24/2021 2:02 PM EST
Axad, Janaayo, 24 2021 (HOL) - Wakiilka Qaramada Midoobay ee Soomaaliya, Jamed Swan, ayaa madaxwenynaha Galmudug, Axmed Qoorqoor ku ammaanay isku dayga lagu xallinayo khilaafka ka dhashay hirgelinta qorshaha doorashada.

1/24/2021 1:40 PM EST
Axad, Janaayo, 24 2021 (HOL) - Wasiirka qorshaynta Soomaaliya, Jamaal Maxamed Xasan ayaa sheegay inuu soo dhamaaday shir u socday gudiga Sare ee Jaamacadda Umadda Soomaaliyeed oo shir gudoominayey Wasiirka Waxbarashada, Hiddaha iyo Tacliinta Sare Soomaaliya.

1/24/2021 10:55 AM EST
Axad, Janaayo, 24, 2021 (HOL) -War ka soo baxay safaaradda Mareykanka ee Soomaaliya ayaa looga hadlay doorashada Soomaaliya iyo walwalka Mareykanku uu ka qabo is mari-waaga ka taagan qabashada doorasho leysla ogol yahay.

1/24/2021 9:37 AM EST
Axad, Janaayo, 24 2021 (HOL) - Shirkan oo ay ka soo qeybgalleen dhamaanba xubanaha guddiga madaxa-bannaan ee doorashooyinka Qaranka ayaa looga wada hadlayaan mudo Afar maalmood ah oo uu socon doono wixii u qabsoomay guddigan muddadii uu soo dhisnaa.

1/24/2021 9:28 AM EST
Axad, Janaayo, 24 2021 (HOL) - Dowladda Itoobiya ayaa sheegtay in ay gacanta ku dhigtay xubnaha Urur la baxay Islamic State Center oo looga dhawaaqay gudaha dalka Itoobiya.

1/24/2021 8:57 AM EST
Axad, Janaayo, 24 2021 (HOL) - Madaxweynaha Galmudug Axmed Cabdi Kaariye Qoorqoor ayaa maanta xafiiskiisa ku qaabilay wafdi uu hoggaaminayo Ergeyga gaarka ah ee Qaramada Midoobay Mudane James Swan

1/24/2021 7:44 AM EST
Axad, Janaayo, 24 2021 (HOL) - Dowladda Itoobiya aya qunsul cusub u soo magacaabatay qunsuliyada ay ku leedahay magaalada Garowe ee caasimadda Puntland, waxaana uu maanta qunsulka cusub la kulmay madaxweyne Deni.

1/24/2021 6:09 AM EST
Axad, Janaayo, 24 2021 (HOL) - Warar dheeraad ah ayaa kasoo baxaya weerar culus oo ay Xalay ku qaadeen dhaqdhaqaaqa Al-shabaab degmooyinka Buulaburte iyo Jalalaqsi ee gobolka Hiiraan.

1/24/2021 4:43 AM EST
Axad, Janaayo, 24 2021 (HOL) - Madaxweyne ku xigeenka Galmudug Ali Dahir Ciid ayaa maanta Magaalada Dhusamareeb ee Caasimada Galmudug kusoo dhaweyay wafdi u hogaaminayay Wakiilka Qaramada Midoobay uqaabilsan Arimaha Soomaaliya James Swan.

1/24/2021 3:53 AM EST
Axad, Janaayo, 24 2021 (HOL) - Afhayeenka Ururka ONLF Cadaani Hirmooge oo saxaafada la hadlay ayaa beeniyay wararka sheegayay in la badalay guddoomiyaha ONLF Cabdiraxmaan Maadey.

1/24/2021 2:10 AM EST
Axad, Janaayo, 24 2021 (HOL) - Ciidamada Dowladda Soomaaliya ayaa saacadihii ugu danbeeyay siweyn u adkeeyay amaanka magaalada Muqdisho oo maalmihii ugu danbeeyay lagu dilay mas'uuliyiin iyo saraakiil ciidan kaddib qaraxyo iyo weerarro lagu bartilmaameedsaday.

1/24/2021 12:29 AM EST
Axad, Janaayo, 24, 2021 (HOL) -Laamaha Amniga dowlad gobolleedka Galmudug ayaa ilaa shan ruux u soo xir xiray dil dhawaan ka dhacay degmada Caabudwaaq ee gobolka Galguduud