3/29/2024
Today from Hiiraan Online:  _
Wararka Maanta- Sabti, Jan 23, 2021
Puntland oo soo bandhigtay khasaaraha ka dhashay qarax lagu weeraray ciidamada amniga Gaalkacyo
 

Sabti, Janaayo, 23, 2021 (HOL) - Taliyaha ciiddanka bilayska gobolka Mudug ee Puntland gaashaanle sare Muumin Cabdi Shire, ayaa sheegay in hal askari iyo qof shacab ah ay geeriyoodeen halka 8 kalena ay ku dhaawacmeen qarax miino oo lala eegtay ciidamada amniga Gaalkacyo.

Taliyaha oo shir jaraa’id ku qabtay magaalada Gaalkacyo, ayaa sheegay in qof ka baxsaday laamaha amnigu uu qaraxaan la eegtay gaari ciidan oo marayay waqooyiga magaalada Gaalkacyo fiidnimadii hore ee xalay.

Taliyaha wuxuu dhinaca kale sheegay in ay ciidanka amnigu fashiliyeen qaraxyo loo diyaarinayay in laga fuliyo magaalada Gaalkacyo, isagoo sheegay in ay ku raadjoogaan ciddii masuulka ka ahayd qaraxyadaas.

Guddoomiyaha gobolka Mudug, Cabdiladiif Muuse sanyare oo isna warbaahinta la hadlay ayaa u sheegay in ay ogaayeen xogta la xiriirta in Gaalkacyo qaraxa lala maleegayo ayna ku raadjoogaan sidii ay gacanta ugu soo dhigi lahaayeen dadkii ka dambeeyay.

Ma jirto cid sheegatay masuuliyadda qaraxa ka dhacay Gaalkacyo, hase yeeshee masuuliyiinta Puntland ayaa sheegay in ay ka dambeyso kooxda Al-shabaab.

Abdiweli M. Sheikh, Hiiraan Online
[email protected]












Click here
1/23/2021 1:53 PM EST
Sabti, Janaayo, 23, 2021 (HOL) -Larry King, oo ahaa wariye caan ah oo muddo dheer ka soo shaqeynayay TV ga CNN ayaa ku dhintay da'da 87 sano kaddib markii uu haleelay cudurka dunida faraha ba'an ku haya ee Covid 19.

1/23/2021 12:35 PM EST
Sabti, Janaayo, 23, 2021 (HOL) - Ciidamada dowladda Soomaaliya oo kaashanaya kuwa howlgalka midowga Africa AMISOM ayaa lagu waramayaa in ay dib ula wareegeen degmada Raage Ceelle ee gobolka Shabeellaha Dhexe.

1/23/2021 12:25 PM EST
Sabti, Janaayo, 23, 2021 (HOL) - .Iyadoo ay sii kordhayaan qaraxyada iyo weerarada qorsheysan ee ka dhacay magaalada Muqdisho iyo qeybo kala duwan oo dalka ah ayaa lagu eedeeyay dowladda Soomaaliya in ay dayacyada wax ka qabashada Amniga guud ee dalka.

1/23/2021 12:11 PM EST
Sabti, Janaayo, 23, 2021 (HOL) - Askari katirsan ciiddanka booliiska koonfur galbeed ayaa lagu xukumay dil kadib markii lagu helay inuu dilay qof shacab ah sanadkan.

1/23/2021 2:39 AM EST
Sabti, Janaayo, 23 2021 (HOL) - Qaraxan ayaa la eegtay gaari ay la socdeen mas'uuliyiin hore oo marayay degmada Shibis ee gobolka Banaadir, waxaana ka soo baxaya warar kala duwan oo la xiriira khasaaraha ka dhashay Qaraxa.

1/23/2021 2:02 AM EST
Sabti, Janaayo, 23 2021 (HOL) - Wararka ka imanaya gobolka Shabeellaha dhexe ayaa sheegaya in xoogagga Ururka Al-shabaab subaxniamadii hore ee saakay weerar culus ku qaadeen deegaanka Raage Ceelle.

1/23/2021 12:39 AM EST
Sabti, Janaayo, 23, 2021 (HOL) - Qaramada Midoobay ayaa ka fekeraysa jihada cusub ee ciidamada Midowga Afrika ee ku sugan Soomaaliya (AMISOM), kuwaas toban sano kadib wajaheya mustaqbal aan la hubin iyadoo ay Soomaaliya weli ka jirto xasillooni la'aan.

1/23/2021 12:04 AM EST
Sabti, Janaayo, 23, 2021 (HOL) - Ciidamada Uganda ee qeybta ka ah Howlgalka Midowga Afrika ee Soomaaliya (AMISOM) ayaa sheegay in ay mar kaliya dileen ugu yaraan 189 dagaalyahanno ka tirsan Al Shabaab weerar ay ku qaadeen goob ay ku sugnaayeen.