2/27/2021
Today from Hiiraan Online:  _
Wararka Maanta- Talaado, Jan 12, 2021
Madaxweyne QoorQoor '' dalka kama dhici doonto doorasho ay ka maqan yihiin Puntland iyo Jubbaland


 

Talaado Janaayo, 12, 2021 (HOL) - Madaxweynaha Dowlad Gobolleedka Galmudug Axmed Cabdi Kaariye QoorQoor ayaa isaga oo wareysi siiyay laanta Afka Soomaaliga ee BBC da sheegay in dalka aysan ka dhici doonin doorasho hal dhinac ah.

Qoor Qoor ayaa ka mid ahaa madaxweynayaashii ku garab istaagay xukuumadda go'aankeedii ahaa in la bilaabo doorashada iyada oo aan waqti kale la soo dhumin karin, hasse ahaatee waxaa muuqata in madaxweynaha Galmudug markan qaatay go'aan ka duwan kii hore.

Madaxweynaha Galmudug ayaa wareysigiisa ku yiri '' “Marna ma maqlin meel lagu sheegay doorasho hal dhinac ah oo aan laga wada qeybgaleynin, doorashada waxaa lagu heshiiyay in laga wada qeyb galo, haddii ay jirto tabashooyin waa in la xaliyo, doorasho Puntland iyo Jubbaland ka hareen ama ay ka maqan yihiin sabab ma jirto loo qaban karo, mar walba tabashooyinkii jira in la xaliyo oo doorashada waajib tahay in laga qeyb galo” ayuu yiri Qoor Qoor.

Madaxweynaha Galmudug ayaa dhaleeceyn weyn kala kulmay dhinacyada ka soo horjeeda hannaanka doorashada oo sheegay in ay  in uu ka been abuurtay kulankii ugu danbeeyay islamarkaana uusan dhinacooda ku soo celin jawaabtii ay ka sugayeen.

Laakiin mar uu arintaa ka hadlayay ayuu yiri ''Jawaabta waxaan u gudbiyay dad mas'uuliyiin ah oo markii horeba ay iyagu u xil saarteen dadaallada aan wadnay,''

Wali waxaa meel adag maraya khilaafka ka dhashay doorashada oo Dowladda Soomaaliya iyo dhinacyada kale ee saameynta ku leh isku mari layihiin waxaa ay arintani ka dhigtay siyaasadda Soomaaliya mid aan daganeyn.

Cabdiraxmaan Diini, Hiiraan Online
[email protected]    
 



















Click here
1/12/2021 4:13 PM EST
Talaado Janaayo,12, 2021 (HOL) - Madaxwyenaha Puntland Siciid Deni ayaa kala diray golihii deegaanka degmada Gaalkacyo, sida lagu sheegay wareegto caawa kasoo baxday madaxtooyada Puntland.

1/12/2021 2:24 PM EST
Talaado, Janaayo, 12. 2021 (HOL)- Qoraal dheer oo ka soo baxay beesha caalamka ayaa looga hadlay walaaca guud oo ay ka qabaan Ismari-waaga wali ka taaggan geedi socodka doorashada Soomaaliya

1/12/2021 1:34 PM EST
Talaado Janaayo, 12, 2021 (HOL) - Goob ku taal koonfurta magaalada Laascaanood ayaa caawa fiidkii qarax ka dhacay kaas oo la sheegay in uu ahaa bam gacmeed.

1/12/2021 11:39 AM EST
Talaado, Janaayo, 12, 2021 (HOL) -Ra'iisal Wasaaraha Xukuumadda Soomaaliya Maxamed Xusseen Rooble ayaa sheegay in aan lala socodsiin go'aanka Wasiirka Ganacsiga Soomaaliya Khaliif Cabdi Cumar uu ku kala diray maamulkii Rungta Ganacsiga iyo Warshadaha Soomaaliya.

1/12/2021 9:33 AM EST
Talaado, Janaayo, 12, 2021 (HOL) -Dowladda Soomaaliya ayaa gabi ahaanba ka qaaday saanbaagyada carrada laga buuxiyo oo ay isticmaalaan ciidamada AMISOM xarunta CID ee KM4 oo ciriiri badan ay ku qabeen gaadiidka dadweynaha.

1/12/2021 7:58 AM EST
Talaado Janaayo,12, 2021 (HOL) - Golaha Midowga musharixiinta Madaxweynaha Soomaaliya ayaa beesha caalamka u gudbiyay qoraal ay walaac ay kaga muujinayaan cawaaqib xumo ay sheegeen in ay ka dhalan karto habka ay dowladda federalka ku wado nidaamka doorashooyinka dalka.

1/12/2021 4:58 AM EST
Talaado Janaayo,12, 2021 (HOL) - Dowladda Soomaaliya ayaa markii ugu horeysay ka hadashay ciidamo hubeysan oo muqaalkooda lagu baahiyay baraha Bulshada kuwaas oo la sheegayay in loo diyaariyay ka hortaga doorasho aan wada ogol aheyn oo ka dhacda Dalka.

1/12/2021 3:53 AM EST
Talaado, Janaayo, 12, 2021 (HOL) - Madaxweynaha maamulka Koonfur Galbeed Cabdicasiis Xassan Maxamed Lafta-gareen ayaa dib ugu laabtay magaalada Baydhabo kaddib kulan uu uga qeybgalay magaalada Muqdisho.

1/12/2021 2:43 AM EST
Talaado Janaayo,12, 2021 (HOL) - Sarkaal katirsanaa Al-shabaab oo lagu magacaabo Cabdulfatah Abu bakar Abdi oo loo yaqaano Mousa al Muhajir oo ay wehliyaan 20 kamid ah dagaalyahanadiisa, ayaa wararku sheegayaan inuu ku biirayo ISIS.

1/12/2021 2:40 AM EST
Talaado Janaayo,12, 2021 (HOL) - Qaramada Midoobay ayaa ka digtay xaaladaha siyaasadeed ee ka jira dalka Uganda xilli walaac laga muujinayo suurtagalnimada in la helo doorashooyin baarlamaan iyo madaxtinimo oo xor iyo xalaal ah dabayaaqada toddobaadkan.

1/12/2021 1:04 AM EST
Talaado Janaayo,12, 2021 (HOL) - Madaxweynaha Soomaaliland Muuse Biixi Cabdi ayaa si adag uga soo horjeestay doorashada xildhibaannada Soomaaliland ku matala dowladda dhexe oo lagu waddo in doorashadoodu ku dhacdo gobolka Banaadir.

1/12/2021 12:20 AM EST
Talaado, Janaayo, 12 2021 (HOL) - Wararka ka imanaya gobolka Jubbada Hoose ayaa sheegaya in qarax lala eegtay gaari ay la socdeen ciidamo Kenyaan ah oo marayay deegaanka lagu magacaabo Husungoow.