3/5/2024
Today from Hiiraan Online:  _
Wararka Maanta- Axad, Feb 7 , 2021
Somaliland oo hirgalinaysa waddo isku xidhi doonta magaaloyinka Burco, Oodwayne iyo Hargaysa
 

Axad, Febraayo, 07, 2021 (HOL)- Madaxweyne ku xigeenka Somaliland Md. Cabdiraxmaan Cabdilaahi Ismaciil (Saylici), ayaa munaasibad lagu qabtay deegaanka Kaba-dheere, oo  duleedka magaalada Burco ah, ka daahfuray dhismaha waddo laamiya, oo 184 kiilo mitir ah taasoo isku xidhi doonta magaalooyinka Burco, Oodwayne iyo Hargaysa.

Wadadan oo dhismaheedu isla maanta markii la dhaxag-dhigayba, si toosa u bilaabmay, ayaa waxa wajiga koobaad oo ah Burco ilaa Oodwayne hirgalinaysa, Wasaarada Gaadiidka iyo Horumartinta Jidadka ee Somaliland, halka wajiga labaad oo noqonaya Oodwayne ilaa Hargaysa na uu Bangiga Horumarinta Geeska Afrika gacan ka gaysan doono.

Hadaba munaasibad lagu qabtay, goobta lagu shaacinayay dhagax-dhiga iyo bilaabashada dhismaha wadada, ayaa waxa ka hadlay saraakiil kala duwan oo uu ugu horeeyo madaxweyne ku xigeenka Somaliland Md. Saylici isagoo sheegay in wadadani ay noqonayso mashruuca labaad ee ugu wayn ee ay dowladu  fulinayso marka laga yimaado wadada isku-xidha Ceeri-gaabo iyo Burco oo dhismaheedu gaba gabo ku dhawyahay.

 “waxan u mahad celinayaa, wasaarada gaadiidka iyo jidadka, oo runtii xafladan qiimaha badan leh inoo soo qaban-qaabisay, waxaynu ugu talo galnay in qayb kamida qarankan dhismihiisa oo ah wixi ka danbeeyay mashruuci waynaa ee Burco iyo Ceerigaabo halkan loosoo raro, madaamo oo uu ku dhawyahay gabo gabo, aad iyo aad baan ugu hambalyaynayaa wasarada runtii.” Ayuu yidhi madaxweyne ku xigeenku.

Dhinaca kale, Wasiirka Wasaarada Gaadiidka iyo Horumarinta Jidadka, Md. Cabdilaahi Abokor Cismaan oo munaasibadda ka hadlay ayaa sheegay in inta ay dhagax meel dhigaan anay iska iloobin, balse ay ka dhabeeyan mashruuca ay dhagax dhigaan.

“Anagu dhagax dhiga uma naqaano in inta dhagax meel la dhigo, kadibna layskaga iloobo, wadada aanu maanta dhagax dhigayno bishii 1aad ayaanu bilawnay daraasadeeda, waxa imika dhisan kaamam kii, shaqaalihina wuu joogaa”. Ayuu yidhi wasiirku.

Wasiirka ayaa sidookale sheegay in Bangiga Horumarinta Geeska Afrika uu Somaliland ka caawinayo dhismaha wado isku xidhi doonta Borama iyo Lawya-cado.

Hogaamiyaha xisbiga mucaaridka ah ee Wadani Md. Xirsi Xaaji Cali Xasan ayaa isaguna dhismaha wadada dowladda ugu hambalyeeyay, isagoo sheegay in ay tahay masuuliyada dowladda, in ay shacabka u shaqayso, isla markaana, ay ka mucaarid ahan ku daba taagin yihiin dowlada in ay wajibaad keeda kasoo baxdo.

Cabdilahi Cabdiraxman Sh. Maxamed, Hiiraan Online
[email protected] 












Click here
2/7/2021 5:59 PM EST
Axad, Feberaayo, 07, 2021 (HOL) - Waxa maanta magaalada Jigjiga ka dhacay dibad baxyo waawayn oo lagu taageerayay Ra'iisal Wasaaraha Itoobiya Abiyi Axmed iyo Xisbiga Barwaaqo, kaas oo ay isugu soo baxeen dadwayne aad u tiro badan oo watay boodhadh ay ku qoran yihiin hal ku dhegyo lagu muujinayo taageerada Abiyi Axmed iyo Xisbiga Barwaaqo.

2/7/2021 12:03 PM EST
Axad, Feberaayo, 07, 2021 (HOL) -Wasaaradda Caafimaadka Soomaaliya ayaa ku wareejisay maamulka gobolka Banaadir adeegyada caafimaadka guud ahaan gobolka Banaadir.

2/7/2021 9:28 AM EST
Axad, Feberaayo, 07, 2021 (HOL) - Wararka naga soo gaaraya degmada Matabaan ee gobolka Hiiraan ayaa sheegaya in barqanimadii maanta degmadaasi aay la wareegeen ciidamo la sheegay iney horay uga tirsanayeen maamulkii Ahlusunna Waljameeca ee horay uga talin jiray deegaano ka tirsan Galgaduud iyo Hiiraan.

2/7/2021 9:08 AM EST
Axad, Feberaayo, 07, 2021 (HOL) - Madaxweynayaasha dowlad goboleedka Soomaaliya ayaa ku shirsan magaalada Dhuusomareeb ee caasimadda Galmudug, kadib markii uu fashilmay shirkii iyaga iyo madaxweynaha Soomaaliya kaga arrinsanayeen khilaafka doorashada.

2/7/2021 7:24 AM EST
Axad, Feberaayo, 07, 2021 (HOL) -Wararka ka imanaya degmada Dhuusa-Mareeb ee dowlad gobolleedka Galmudug ayaa sheegaya in qarax miino lagu dilay taliyaha Ciidanka Nabadsugida degmada C/rashiid Cabdi Nuur Shiiqdoon kaddib markii gaari uu la socday lagu bartilmaameedsaday qaraxa.

2/7/2021 7:05 AM EST
Axad, Febraayo, 07, 2021 (HOL)- Guddida Xuquuqal Insaanka ee Somaliland ayaa warbixin sanadeed ay soo saareen ku sheegay in tirada kufsiyadda ka dhacay guud ahan Somaliland sanadkii tagay ee 2020 ay dhantahay 142 (boqol iyo laba iyo afartan) kufsi.

2/7/2021 6:27 AM EST
Axad, Feberaayo, 07, 2021 (HOL) - Qaramada Midoobay ayaa mar kale ku celisay codsigeeda ah in dowladda Soomaaliya ay soo saarto sharci lagu joojinayo ku dhaqanka gudniinka fircooniga ah ee dumarka waxyeeleeya.

2/7/2021 5:59 AM EST
Axad, Feberaayo, 07, 2021 (HOL) -Madaxweynaha Soomaaliya Maxamed Cabdullaahi Farmaajo ayaa ugu hambalyeeyay Guddoomiyaha Ururka Midowga Afrika Mudane Moussa Faki iyo Ku-xigeenkiisa Marwo Dr. Monique Nsanzabaganwa oo dib loogu doortay Hoggaanka Midowga Afrika.

2/7/2021 5:19 AM EST
Axad, Feberaayo, 07, 2021 (HOL) - Qoraal ay soo saartay, Waaxda Arimaha Dibada ee Mareykanka, ayaa lagu bogaadiyay xukun ay maxkamada Hargeysa ku riday 4 kamid ah ganacsatada ka ganacsata Haramcadka ee Somaliland.

2/7/2021 12:47 AM EST
Axad, Feberaayo, 07, 2021 (HOL) - Waxaa sii xoogeynaya muranka ka dhax aloosan labada dowladdood ee Sudan iyo Itoobiya kaasoo salka ku haya Biyo Xireenka Wabiga Niil oo muddo dheerba soo jiitamayay.

2/7/2021 12:10 AM EST
Axad, Feberaayo, 07, 2021 (HOL) - Wararka ka imanaya magaalada Baydhabo ee xarunta gobolka Baay ayaa sheegaya weerar Bambaano oo xalay lagu qaaday guriga taliyaha ciidanka Asluubta Soomaaliyeed Jen Mahad Cabdiraxmaan Aadan.

2/7/2021 12:05 AM EST
Axad, Feberaayo, 07, 2021 (HOL) - Guddiga lagu muransan yahay ee doorashooyinka heer Federaal ayaa qoraal uu saaray uga hadlay fashillka uu ku soo dhamaaday shirkii madaxda Soomaalida uga socday magaalada DhuusaMareeb ee xarunta dowlad gobolleedka Galmudug, kaa oo qorshuhu ahaa in lagu xaliyo khilaafka iyo ismariwaaga ka taaggan hergalinta doorashooyinka dalka.