3/29/2024
Today from Hiiraan Online:  _
Wararka Maanta- Jimco, Feb 19, 2021
Puntland oo wax laga xumaado ku tilmaamtay rabshadihii ka dhacay Muqdisho
 

Jimco, Feberaayo, 19, 2021 (HOL) - Puntland ayaa wax laga xumaado ku tilmaamtay rabshadihii ka dhacay Muqdisho oo abuuri kara qalalaaso iyo xasilooni daro ka aloosanta dalka.

Qoraal  kasoo baxay madaxtooyada Puntland ayaa lagu cambaareeyay in ciidamada qalabka sida loo adeegsado in lagu caburiyo muwaadiniinta.

Puntland waxay ugu baaqday dhammaan masuuliyiinta dalka in uu caqligu taliyo oo aan dhiig loo daadin kala aragti duwanaan siyaasadeed iyadoo lagu xallin karo sifooyin kale oo ka haboon.

Wuxuu kaloo maamulka Puntland ka digay in Al-shabaab fursad loo siiyo in ay helaan siyaabo ay ugu soo noqdaan magaalada Muqdisho.


Abdiweli M. Sheikh, Hiiraan Online
[email protected]












Click here
2/19/2021 2:48 PM EST
Jimco, Feberaayo, 19, 2021 (HOL) -Maamulka Jubbaland ayaa war ka soo saaray Iska horimaadyadii maanta ka dhacay magaalada Muqdisho kaddib markii ay isku dhaceen ciidamada dowladda iyo taageerayaasha musharixiinta mucaaraadka.

2/19/2021 7:55 AM EST
Jimco, Feberaayo, 19, 2021 (HOL) -Ra’iisul Wasaaraha Xukuumadda Jamhuuriyadda Federaalka Soomaaliya Mudane Maxamed Xuseen Rooble ayaa muujiyay sida uu uga xun yahay rabshadihii xalay iyo maanta ka dhacay magaalada Muqdisho.

2/19/2021 7:28 AM EST
Jimco, Feberaayo, 19, 2021 (HOL) - Siyaasiga caanka ah ahna hoggaamiyaha xisbiga Wadajir Cabdiraxmaan Cabdishakuur Warsame ayaa goordhaw si kulul uga gadlay rasaas aay ku fureen ciidanka dowladda dad banaanbaxayaal ah aay hoggaaminayeen qaar ka mid ah midowga Musharaxiinta madaxweynaha Soomaaliya.

2/19/2021 5:45 AM EST
Jimco, Feberaayo, 19, 2021 (HOL) - Qaramada Midoobay ayaa walaac ka muujisay iska horimaadyadii hubeysnaa ee Muqdisho ka dhacayay xalay iyo saakay oo jimco ah.

2/19/2021 4:04 AM EST
Jimco, Feberaayo, 19, 2021 (HOL) -Waxaa la arkayay Uuro iyo qiic madow oo hawadda isku shareeray kaddib markii madaafiic lagu tuuray garoonka diyaaradaha ee magaalada Muqdisho.

2/19/2021 3:56 AM EST
Jimco, Feberaayo, 19, 2021 (HOL) - Ra'iisal Wasaarihii hore ee Soomaaliya Xassan Cali Kheyre ayaa sheegay in isaga iyo musharixiin kale oo dhowr ah ay ka badbaadeen sida uu hadalka u dhiggay isku day dil oo la doonayay in lagu khaarajiyo.

2/19/2021 2:52 AM EST
Jimco, Feberaayo, 19, 2021 (HOL) - Ciidamada dowladda ayaa rasaas ku furay dibadbaxayaal ay horkacayeen Ra'iisal Wasaarihii hore ee dalka Xassan Cali Kheyre iyo Siyaasiga Cabdiraxmaan Cabdishakuur Warsame xili ay ku dhawaayeen Isgoyska KM4.

2/19/2021 2:08 AM EST
Jimco, Feberaayo, 19, 2021 (HOL) - Kaddib markii ciidamada dowladda is hortaag ku sameeyeen dibadbax balaaran oo qorshuhu ahaa taageerayaasha mucaaradka in ay isugu soo baxaan taalada Daljirka Dahsoon, ayaa dhinaca kale waxaa uu dibadbax kooban xiliggan ka soconayaa waddada gasha garoonka diyaaradaha Aadan Cadde ee magaalada Muqdisho.

2/19/2021 12:07 AM EST
Jimco, Feberaayo, 19, 2021 (HOL) - Qeybaha kala duwan ee ciidamada dowladda oo ku hubeysan gaadiidka dagaalka ayaa xirray dhamaanba Isgoysyada iyo Wadooyinka muhiimka ah ee magaalada Muqdisho iyadoo loo diiddayo isticmaalka dadka iyo gaadiidka.

2/19/2021 12:04 AM EST
Jimco, Feberaayo, 19, 2021 (HOL) - Dowladda Federaalka Soomaaliya oo war kooban ka soo saartay dagaalkii xalay ka dhacay magaalada Muqdisho ayaa ku eedeysay dhinaca mucaaradka in ay weerar ku soo qaadeen fariisimo ay ku sugnaayeen ciidamada dowladda Soomaaliya.