2/6/2023
Today from Hiiraan Online:  _
Wararka Maanta- Arbaco, Dec 22, 2021
Taliska PSF: Waxaan dagaal kula jirnaa dad argigxisada katirsanaa oo xasaanad dowladdeed ku gambanaya
 

Arbaco, December, 22, 2021 (HOL) - Taliska ciiddanka PSF ayaa ku eedeeyay maamulka Puntland inuu mas'uul ka yahay dagaalka labada cishe ka socda magaalada Boosaaso, waxayna sheegeen dhankooda in ay xun yihiin dhibaatada  iyo khasaaraha ka dhashay dagaalkaas.

Qoraal kooban oo lagu daabacay bogga Facebook ee PSF, ayaa lagu sheegay in maamulka Puntland uu diiday gartii iyo go’aamadii kasoo baxay Isimada Puntland.

PSF waxay sheegtay in ay dagaal kula jiraan dad argigixisada ka tirsan oo ku gabanaya xasaanad dowladdeed. Waxay kaloo sheegeen in ay mar walba u taagan yihiin difaaca nabadda Puntland iyo la dagaalanka argigixisada.

Agaasimihii hay’adda PSF, Jeneraal Maxamuud Cusmaan Diyaano oo wareysi siiyay wakaaladda wararka ee Reuters, ayaa sidaan yiri,” Waxaan ku jirnaa dagaal iyo is difaac. Dalkaan waan u soo dagaallanay, mana doonayno in aan hubkayaga aan u isticmaalno ciidamadaya la soo khalday". 

Warka kasoo baxay hay’adda PSF ayaa imaanaya, iyadoo wasiirka amniga Puntland Cabdisamad Maxamed Gallan uu sheegay in ay diyaar u yihiin wada hadal kasta oo lagu dhameynayo colaadda magaalada Boosaaso.


Abdisalan Nur Dirie, Hiiraan Online
[email protected]












Click here
12/22/2021 1:15 PM EST
Arbaco, December, 22, 2021 (HOL) - Taliska ciiddanka PSF ayaa sheegay inay soo dhoweynayaan dadaallada Isimada iyo culimadu ugu jiraan dhamaynta colaadda magaalada Boosaaso, halkaas oo muddo labo maalin ah ay ku dagaalamayeen ciiddan amniga Puntland iyo ciiddamo daacad u ah agaasimihii hay’adda PSF, Gen, Maxamuud Cismaan Diyaano.

12/22/2021 3:09 AM EST
Arbaco, December, 22, 2021 (HOL) - Afhayeenka kooxda TPLF Getachew Reda ayaa dowladda Itoobiya ku eedeeyay inay weeraro ku qaadeen qaybo kamid ah gobolka Tigray, isagoo xusay in laga soo weeraray saddex aag oo ay ku sugnaayeen kooxda TPLF.

12/22/2021 2:57 AM EST
Arbaco, December, 22, 2021 (HOL) - Wasiirka amniga maamulka Puntland, Cabdisamad Maxamed Gallan ayaa sheegay in ay diyaar u yihiin in wada hadal lagu dhameeyo colaadda ka jirta magaalada Boosaaso oo maalintii labaad uu ka socdo dagaal u dhaxeeya ciiddanka amniga Puntland iyo kuwa PSF.

12/22/2021 2:51 AM EST
Arbaco, December, 22, 2021 (HOL) - Maxkamada ciidamada qalabka sida qeybta 27-aad ayaa maanta xukun dil ah ku fulisay askari ka tirsanaa ciidamada Nabadsugida Qaranka, kaasoo horay u dilay laba wiil oo dhalinyaro aheyd.

12/22/2021 1:02 AM EST
Arbaco, December, 22, 2021 (HOL) - Wasiirka arrimaha dibadda Soomaaliya, Cabdisaciid Muuse Cali, ayaa magaalada Rome waxa uu Heshiis Is-afgarad ah (MoU) kula saxiixday Madaxweynaha Hay'adda Med-Or Leonardo Foundation Marco Minniti, si loo xoojiyo xiriirka iyo iskaashiga labada dal ee tacliinta sare iyo dhaqanka.

12/22/2021 12:38 AM EST
Arbaco, December, 22, 2021 (HOL) - Taliska ciidamada xoogga dalka Soomaaliyeed gaar ahaan guutada Gorgor ayaa sheegtay iney la wareegeen deegaano dhowr ah oo hoostaga degmada Awdheegle ee gobolka Sh/hoose, kadib howlgalo saacadahii lasoo dhaafay ay sameyeen.

12/22/2021 12:11 AM EST
Arbaco, December, 22, 2021 (HOL) - Dagaal xooggan ayaa aroornimadii hore ee saakay mar kale dib uga qarxay qeybo ka mid ah magaalada Boosaaso, gaar ahaan goobihii ay isku hor fadhiyeen ciidamada amniga Puntland iyo kuwa PSF.