2/6/2023
Today from Hiiraan Online:  _
Wararka Maanta- Arbaco, Dec 22, 2021
Taliska ciidanka Gorgor oo sheegtay iney la wareegeen deegaano hoostaga degmada Awdheegle
 

Arbaco, December, 22, 2021 (HOL) - Taliska ciidamada xoogga dalka Soomaaliyeed gaar ahaan guutada Gorgor  ayaa sheegtay iney la wareegeen deegaano dhowr ah oo hoostaga degmada Awdheegle ee gobolka Sh/hoose, kadib howlgalo saacadahii lasoo dhaafay ay sameyeen.

Deegaanada Gorgor ay sheegatay iney la wareegtay ayaa waxaa ka mid ah Shaamgare, Jowhar yareey iyo Mubaarak oo ka mid ah deegaanad hoostaga Awdheegle.

Saraakiil ka tirsan ciidanka Gorgor oo la hadlaayay warbaahinta dowlada ayaa sheegay in ciidamada Gorgor ay ka go'an tahay la dagaalanka Al-shabaabka ku sugan deegaanada gobolka Sh/hoose.

Saraakiisha ayaa intaasi ku dartay in howlgalada ay sameyeen ay ku dileen 5 ka mid dagaalamayaasha Al-shabaab, islamarkaana ay ku dhaawaceen 7 kale oo ka tirsan dagaalyahanada Al-shabaabkii ku sugnaa deegaanka Shaamgare oo ka mid ah deegaanada hoostaga degmada Awdheegle.

Gabagabadii taliyaha guutada Gorgor Dayax Cabdi Cabdulle ayaa dhankiisa sheegay in howlgalka Shabaab ay kula dagalaamayaan ciidanka Gorgor ay sii wadayaan, islamarkaana ay ku wajahan yihiin deegaanada kale ay haatan ku sugan yihiin dagaalamayaasha Al-shabaab.

Jamaal Cali Cabdi, Hiiraan Online
[email protected]












Click here
12/22/2021 1:15 PM EST
Arbaco, December, 22, 2021 (HOL) - Taliska ciiddanka PSF ayaa sheegay inay soo dhoweynayaan dadaallada Isimada iyo culimadu ugu jiraan dhamaynta colaadda magaalada Boosaaso, halkaas oo muddo labo maalin ah ay ku dagaalamayeen ciiddan amniga Puntland iyo ciiddamo daacad u ah agaasimihii hay’adda PSF, Gen, Maxamuud Cismaan Diyaano.

12/22/2021 4:39 AM EST
Arbaco, December, 22, 2021 (HOL) - Taliska ciiddanka PSF ayaa ku eedeeyay maamulka Puntland inuu mas'uul ka yahay dagaalka labada cishe ka socda magaalada Boosaaso, waxayna sheegeen dhankooda in ay xun yihiin dhibaatada iyo khasaaraha ka dhashay dagaalkaas.

12/22/2021 3:09 AM EST
Arbaco, December, 22, 2021 (HOL) - Afhayeenka kooxda TPLF Getachew Reda ayaa dowladda Itoobiya ku eedeeyay inay weeraro ku qaadeen qaybo kamid ah gobolka Tigray, isagoo xusay in laga soo weeraray saddex aag oo ay ku sugnaayeen kooxda TPLF.

12/22/2021 2:57 AM EST
Arbaco, December, 22, 2021 (HOL) - Wasiirka amniga maamulka Puntland, Cabdisamad Maxamed Gallan ayaa sheegay in ay diyaar u yihiin in wada hadal lagu dhameeyo colaadda ka jirta magaalada Boosaaso oo maalintii labaad uu ka socdo dagaal u dhaxeeya ciiddanka amniga Puntland iyo kuwa PSF.

12/22/2021 2:51 AM EST
Arbaco, December, 22, 2021 (HOL) - Maxkamada ciidamada qalabka sida qeybta 27-aad ayaa maanta xukun dil ah ku fulisay askari ka tirsanaa ciidamada Nabadsugida Qaranka, kaasoo horay u dilay laba wiil oo dhalinyaro aheyd.

12/22/2021 1:02 AM EST
Arbaco, December, 22, 2021 (HOL) - Wasiirka arrimaha dibadda Soomaaliya, Cabdisaciid Muuse Cali, ayaa magaalada Rome waxa uu Heshiis Is-afgarad ah (MoU) kula saxiixday Madaxweynaha Hay'adda Med-Or Leonardo Foundation Marco Minniti, si loo xoojiyo xiriirka iyo iskaashiga labada dal ee tacliinta sare iyo dhaqanka.

12/22/2021 12:11 AM EST
Arbaco, December, 22, 2021 (HOL) - Dagaal xooggan ayaa aroornimadii hore ee saakay mar kale dib uga qarxay qeybo ka mid ah magaalada Boosaaso, gaar ahaan goobihii ay isku hor fadhiyeen ciidamada amniga Puntland iyo kuwa PSF.